ଓଡ଼ିଶା ତାଜା ନ୍ୟୁଜ (୨୩ ଫେବୃଆରୀ,ମଙ୍ଗଳବାର ) ଭୁବନେଶ୍ୱର :- ଓଡ଼ିଶାର ବିଭିନ୍ନ ସହରରୁ ଆସିଥିବା ବସ୍ତିବାସିନ୍ଦା ହଜାର ହଜାର ସଂଖ୍ୟାରେ ମାଷ୍ଟରକ୍ୟାଣ୍ଟିନ ଛକଠାରୁ ବିରାଟ ଶୋଭାଯାତ୍ରାରେ କୋଭିଡ୍ ନିୟମ ପାଳନ କରି ସାମାଜିକ ଦୂରତ୍ୱ ରଖି ପ୍ରଧାନମନ୍ତ୍ରୀ ଆବାସ ଯୋଜନାକୁ ଶୀଘ୍ର କାର୍ଯ୍ୟକାରୀ କରିବା ଦାବିରେ ଶୋଭାଯାତ୍ରା ବାହାରି ବିଧାନସଭା ଅଭିମୁଖେ ଯାତ୍ରା କରି ପି.ଏମ୍.ଜିଠାରେ ପହଞ୍ôଚ ବିକ୍ଷୋଭ ପ୍ରଦର୍ଶନ କରିଥିଲେ । ସେଠାରେ ସଭା ଅନୁଷ୍ଠିତ ହୋଇଥିଲା । ଏହି ସଭାରେ ବସ୍ତିବାସୀଙ୍କ ଏକତାମଞ୍ଚ, ଓଡ଼ିଶାର ସଭାପତି ସେଖ୍ ଅବଦୁଲ୍ଲା ସଭାପତିତ୍ୱ କରି କହିଥିଲେ ରାଜ୍ୟ ସରକାର “ଆବାସ’ ଯୋଜନା ସଂପର୍କରେ ଯେତିକି ପ୍ରଚାର କରୁଛନ୍ତି ସେହି ଅନୁସାରେ ସ୍ଥାନୀୟ ପ୍ରଶାସନ କାର୍ଯ୍ୟ ନିର୍ବାହ କରୁନାହାଁନ୍ତି । ଏକ ବର୍ଷ ପୂର୍ବରୁ ସର୍ଭେ ସରିଥିଲେ ହେଁ କଟକ ମହାନଗର ଓ ସମ୍ବଲପୁର ସହରରେ ହିତାଧିକାରୀଙ୍କୁ ପ୍ରମାଣପତ୍ର ଯୋଗାଇ ଦିଆଯାଉନାହିଁ । ଏଣୁ ଆଶଙ୍କା କରାଯାଉଛି ରାଜ୍ୟ ସରକାର ପୌର ନିର୍ବାଚନକୁ ଆଖିରେ ରଖି ସହରାଞ୍ଚଳ ଭୋଟ ପାଇଁ ଜାଣିଶୁଣି ବିଳମ୍ବ କରୁଛନ୍ତି ଯାହା ଫଳରେ ୨୦୨୨ ସୁଦ୍ଧା ସମସ୍ତଙ୍କୁ ଆବାସ ଘୋଷଣା ସ୍ୱପ୍ନରେ ରହିଯିବ ।
