ଓଡ଼ିଶା ତାଜା ନ୍ୟୁଜ (୪ ଫେବୃଆରୀ ଗୁରୁବାର ) କଟକ :- ବିଶ୍ୱ କର୍କଟ ଦିବସ ଅବସରରେ ଗୁରୁବାର ଦିନ କଟକ – ଭୁବନେଶ୍ୱର ଜାତୀୟ ରାଜପଥ କଡ଼ ତେଲଙ୍ଗାପେଣ୍ଠ ଠାରେ ଥିବା ପଣ୍ଡା କ୍ୟାନ୍ସର ହସ୍ପିଟାଲ ପରିସରରେ ବିଶ୍ୱ କର୍କଟ ଦିବସ ପାଳନ, ଅବସରରେ ଏକ ସଚେତନତା କାର୍ଯ୍ୟକ୍ରମ ଶୁଭ ଉଦଘାଟନ କରାଯାଇଥିଲା । ଏହି କାର୍ଯ୍ୟକ୍ରମକୁ ଓଡିଶା ଗୃହରକ୍ଷୀ ଏବଂ ଅଗ୍ନିଶମ ବିଭାଗର ଏଡିଜିପି ଅସୀତ ପାଣିଗ୍ରାହୀ ଉଦଘାଟନ କରିଥିଲେ । ଏଡିଜିପି ଶ୍ରୀ ପାଣିଗ୍ରାହୀ କହିଲେ ଯେ, ସଚେତନତା ହେଉଛି ମୁଖ୍ୟ ।
କ୍ୟାନସର ଆକ୍ରାନ୍ତ ବ୍ୟକ୍ତି ପ୍ରଥମରୁ ଚିକିତ୍ସା କଲେ ଏହାଠାରୁ ରକ୍ଷା ପାଇପାରିବା । ତମାଖୁ, ଗୁଟୁକା, ବିଡି ,ସିଗାରେଟ ଖାଉଥିବା ବ୍ୟକ୍ତି ମାନେ କର୍କଟ ରୋଗରେ ଅଧିକ ଆକ୍ରାନ୍ତ ହେଉଥିବା ଦେଖିବାକୁ ମିଳୁଛି । ଏହି ଉସଚବରେ ପଣ୍ଡା କ୍ୟାନ୍ସର ସହପିଟାଲର ନିର୍ଦ୍ଦେଶକ ଡାକ୍ତର କୃପାସିନ୍ଧୁ ପଣ୍ଡା, ସ୍ଥାନୀୟ ପୂର୍ବତନ କର୍ପୋରେଟର ପ୍ରମୋଦ ମହାପାତ୍ର , ଓଡିଆ ସିନେତାରକା ଦୀପକ କୁମାର, ଗିରିଶ ମିଶ୍ର, କ୍ୟାନର ବିଜୟୀ ଗଗନ ସାହୁ ସମ୍ମାନିତ ଅତିଥି ଭାବେ ଯୋଗ ଦେଇ କର୍କଟ ରୋଗ ସଂପର୍କରେ ସୂଚନା ଦେଇଥିଲେ ।
