ଓଡ଼ିଶା ତାଜା ନ୍ୟୁଜ (୨,ଫେବ୍ରୁଆରି,ମଙ୍ଗଳବାର ) କଟକ :- କେନ୍ଦ୍ର ସରକାରଙ୍କ କେନ୍ଦ୍ରୀୟ ବଜେଟ୍ କୁ ବିରୋଧ କରିଛି ଏସ୍ ୟୁ ସି ଆଇ କଟକ ଶାଖା। ଏ ନେଇ ମଙ୍ଗଳବାର କଲେଜ ଛକସ୍ଥିତ ନେତାଜୀଙ୍କ ପ୍ରତିମୂର୍ତ୍ତି ତଳେ ବିକ୍ଷୋଭ ପ୍ରଦର୍ଶନ କରାଯାଇଛି। ସଙ୍ଗଠନ ପକ୍ଷରୁ କୁହାଯାଇଛି ଯେ,କେନ୍ଦ୍ର ଅର୍ଥମନ୍ତ୍ରୀ ସଂସଦରେ ଯେଉଁ ବଜେଟ୍ ଉପସ୍ଥାପନ କରିଛନ୍ତି ସେସବୁ ଦେଶର ପୁଞ୍ଜିପତିଙ୍କ ପାଇଁ ।
କରୋନା ମହିମାରୀ ସମୟରେ ଦେଶର ଜନସାଧାରଣ ବଞ୍ଚିବା ପାଇଁ ସଂଘର୍ଷ କରୁଥିବାବେଳେ ଅତ୍ୟାବଶ୍ୟକ ସାମଗ୍ରୀକୁ ବୃଦ୍ଧି କରାଇ ସରକାର ସାଧାରଣ ଲୋକଙ୍କ ଅବିଶ୍ୱାସ ର ପାତ୍ର ହୋଇଛନ୍ତି। ଆଜି ପେଟ୍ରୋଲ ଠୁ ଆରମ୍ଭ କରି ତେଲଲୁଣ ପର୍ଯ୍ୟନ୍ତ ସବୁକିଛି ବଢିବାରେ ଲାଗିଛି।ଯାହା ଫଳରେ କି କଳାବଜାରୀ ବଢିବା ସହ ସାଧାରଣ ପକ୍ଷେ ବଞ୍ଚିବା କଷ୍ଟକର ହୋଇପଡିଲାଣି ।
