ଓଡ଼ିଶା ତାଜା ନ୍ୟୁଜ (୩୧ ଜାନୁଆରି,ରବିବାର) ଦିଗପହଣ୍ଡି :- ଦିଗପହଣ୍ଡି ସହର ଉପକଣ୍ଠସ୍ଥ ଶ୍ରୀ ପାତାଳେଶ୍ଵର ମହାଦେବ ମନ୍ଦିର ଛକରେ ଥିବା ବଡ଼ଖେମୁଣ୍ଡି ରାଜବଂଶର ଦାୟାଦ ମହାପୁରୁଷ ଶ୍ରୀ ସନ୍ଥ ଅରକ୍ଷିତ ଦାସଜୀ ମହାରାଜଙ୍କ ପ୍ରତିମୂର୍ତ୍ତି ସ୍ଥାପନ ଦିବସନିରାଡ଼ମ୍ବର ସହକାରେ ପାଳିତ ହୋଇଯାଇଛି । ଖେମୁଣ୍ଡି ରାଜବଂଶର ଦାୟାଦ ସନ୍ଥ ଶ୍ରୀ ଅରକ୍ଷିତ ଦାସ ବିଳାସ ବେଶନ ରାଜପ୍ରାସାଦ ଉପଭୋଗ ଛାଡି ସନ୍ନ୍ୟାସ ଗ୍ରହଣ କରି ଚାଲିଯାଇଥିଲେ ।
ଆଜି ତାଙ୍କର ପୁଣ୍ୟ ତିଥିକୁ ମନେ ପକାଇବାକୁ ଆଜି ସହରର ବୁଦ୍ଧିଜୀବୀ, ସ୍ବେଚ୍ଛାସେବୀ ଯୁବକ ଏବଂ ବରିଷ୍ଠ ନାଗରିକମାନଙ୍କ ପକ୍ଷରୁ ପ୍ରତିମୂର୍ତ୍ତି ନିକଟରେ ସମସ୍ତେ ଏକତ୍ରିତ ହୋଇଥିଲେ । ମହାପୁରୁଷଙ୍କ ପ୍ରତିମୂର୍ତ୍ତିକୁ ଧୋଇ ପରିଷ୍କାର କରିବା ପରେ ପୁଷ୍ପ ମାଲ୍ୟାର୍ପଣ ଦିଆଯାଇଥିଲା । ନୂତନ ବସ୍ତ୍ର ଆଉ ଉପଢୌକନ ପକାଇ ଧୂପ ଦୀପ ଦିଆଯାଇ ସମ୍ବର୍ଦ୍ଧନା କରିବା ସହ ସ୍ମୃତିଚାରଣ କରାଯାଇଥିଲା ।
