ଦିକ୍ଷା ହେଉଛି ଓଡ଼ିଶା କୌଶଳ ବିକାଶ କର୍ତୃପକ୍ଷଙ୍କ ସହଯୋଗିତାରେ ଡାଲମିଆ ଫାଉଣ୍ଡେସନ ପକ୍ଷରୁ ସ୍ଥାପନ କରାଯାଇଥିବା ଏକ କୌଶଳ ପ୍ରଶିକ୍ଷଣ କେନ୍ଦ୍ର
କଟକ ଓ ଯାଜପୁର ଜିଲ୍ଲାର ୨୧ ପ୍ରଶିକ୍ଷାର୍ଥୀ ମାସିକ ହାରା ହାରି ୧୪୦୦୦ ଟଙ୍କା ବେତନରେ ବେଙ୍ଗାଲୁରୁ ରେ ନିଯୁକ୍ତି ପାଇଛନ୍ତି
କଟକ ଶାଖାରେ ବର୍ତମାନ ସୁଦ୍ଧା ୩୦୦ ଛାତ୍ରଛାତ୍ରୀଙ୍କୁ ପ୍ରଶିକ୍ଷଣ ଦିଆଯାଇଛି
୧୩ଟି ଗ୍ରାମ ପଂଚାୟତର ୪୦ଟି ଗ୍ରାମର ଛାତ୍ରଛାତ୍ରୀ ଦିକ୍ଷା ଅଭିଯାନରେ ଅଂଶଗ୍ରହଣ କରିଛନ୍ତି
ଓଡ଼ିଶା ତାଜା ନ୍ୟୁଜ୍ (୨୮ ଜାନୁୟାରୀ ଗୁରବାର ) ଭୁବନେଶ୍ୱର :- ଡାଲମିଆ ଭାରତ ଗ୍ରୁପ୍ର ଏକ ଅଂଶ, ଡାଲ୍ମିଆ ଭାରତ ଫାଉଣ୍ଡେସନ (ଡିବିଏଫ୍) ପକ୍ଷରୁ କଟକର କପିଳାସ ସିମେଂଟ୍ ମାନୁଫାକ୍ଚରିଂ ୱାର୍କସ୍ (କେସିଏମଡବ୍ଲ୍ୟୁ) ରେ ୨୧ ଦିକ୍ଷା ପ୍ରଶିକ୍ଷାର୍ଥୀଙ୍କୁ ଆଜି ସମ୍ବର୍ଦ୍ଧିତ କରାଯାଇଛି । ଏହି ଛାତ୍ରଛାତ୍ରୀ ମାନଙ୍କୁ ୭୫ ଦିନିଆ ଶିଳ୍ପ ସିଲାଇ ମେସିନ୍ ଅପରେଟର (ଆଇଏସଏମଓ) ଟ୍ରେଡ୍ରେ ପ୍ରଶିକ୍ଷଣ ଦିଆଯାଇଛି । ଏହି କେନ୍ଦ୍ର ଜେନେରାଲ ଡ୍ୟୁଟି ଆସିିଷ୍ଟାଂଟ୍ (ଜିଡିଏ) ଗ୍ରେଡ୍ରେ ୩ ମାସିଆ ପ୍ରଶିକ୍ଷଣ ପ୍ରଦାନ କରୁଛି । ଏହି ଅବସରରେ ଶ୍ରୀଯୁକ୍ତ ରାମଅବତାର ଶର୍ମା, ୟୁନିଟ୍ ମୁଖ୍ୟ, ଡାଲମିଆ ସିମେଂଟ୍ (ଭାରତ) ଲିମିଟେଡ୍, କଟକ, ଶ୍ରୀଯୁକ୍ତ ଏସ୍ ଭି ଏନ୍ ରାଓ, ନୋଡାଲ୍ ଅଫିସର, ଓଡ଼ିଶା କୌଶଳ ବିକାଶ କର୍ତୃପକ୍ଷ, ଭୁବନେଶ୍ୱର, ସାଶ୍ୱତ କୁମାର ଜେନା, ଏବିଡିଓ, ଟାଙ୍ଗି ଓ ଶ୍ରୀଯୁକ୍ତ ଶୁଭେନ୍ଦୁ ଦାସ, ଜିଲ୍ଲା ନିଯୁକ୍ତି ଅଧିକାରୀ, କଟକ ଉଦବୋଧନ ଦେଇଛନ୍ତି । ମହାମାରୀ ଓ ନିଯୁକ୍ତି ବଜାର ଉପରେ ଏହାର ପ୍ରଭାବ ସତ୍ୱେ ଆଇଏସଏମଓ ଟ୍ରେଡର ୨୧ ଜଣ ପ୍ରଶିକ୍ଷାର୍ଥୀଙ୍କୁ ବେଙ୍ଗାଲୁରୁର ଶାହି ଏକ୍ସପୋର୍ଟସ୍ ପ୍ରାଇଭେଟ୍ ଲିମିଟେଡ୍ ବାର୍ଷିକ ୧,୬୮,୦୦୦ ଟଙ୍କାର ବେତନ ପ୍ୟାକେଜ୍ରେ ନିଯୁକ୍ତି ଦେଇଛନ୍ତି । ଏହି ଅବସରରେ ଶ୍ରୀଯୁକ୍ତ ରାମ ଅବତାର ଶର୍ମା, ୟୁନିଟ୍ ମୁଖ୍ୟ, ଡାଲମିଆ ସିମେଂଟ୍ (ଭାରତ) ଲିମିଟେଡ୍ କହିଛନ୍ତି ଯେ, “ନିଜର କଠିନ ପରିଶ୍ରମ, ନିଷ୍ଠା ଓ ଏକ ଉଜ୍ୱଳ ଭବିଷ୍ୟତ ଆଡ଼କୁ ଗତି କରିବା ଲାଗି ଇଛାଶକ୍ତି ପାଇଁ ମୁଁ ଦିକ୍ଷା ପ୍ରଶିକ୍ଷଣ କେନ୍ଦ୍ରର ସମସ୍ତ ଛାତ୍ରଛାତ୍ରୀଙ୍କୁ ହାର୍ଦ୍ଦିକ ଅଭିନନ୍ଦନ ଜଣାଉଛି ।
