ଓଡ଼ିଶା ତାଜା ନ୍ୟୁଜ୍ (୨୫ ସୋମବାର ) ଓଡ଼ଗାଁ :- ମତଦାତା ହେଉଛି ଦେଶର ଭାଗ୍ୟ ବିଧାତା । ଆପଣଙ୍କ ଗୋଟିଏ ମତ ଉପରେ ଦେଶର ବିକାଶଧାରା ନିର୍ଭର କରେ । ତେଣୁ ଵିଶ୍ବର ବୃହତ ଗଣତାନ୍ତ୍ରିକ ପଦ୍ଧତିରେ ନିଜକୁ ସାମିଲ କରନ୍ତୁ ଓ ଦେଶରେ ପରିବର୍ତ୍ତନ ଆଣିବାରେ ସହାୟକ ହୁଅନ୍ତୁ । ଆଜି ଜାତୀୟ ମତଦାତା ଦିବସ ଅବସରରେ କୁରାଳ ଦଧିବାମନ ସଂସ୍କୃତ ମହାବିଦ୍ୟାଳୟ ପରିସରରେ ଜାତୀୟ ମତଦାତା ଦିବସ ପାଳନ କରାଯାଇଛି ।
କଲେଜର ଅଧ୍ୟକ୍ଷ ଭାବଗ୍ରାହୀ କର ଛାତ୍ରଛାତ୍ରୀ ମାନଙ୍କୁ ଭୋଟ ଦେବା ଅଧିକାର ସମ୍ବନ୍ଧେ ସରଳ ଭାବେ ବୁଝାଇଥିଲେ । ୧୯୫୦ ମସିହା ଜାନୁଆରୀ ୨୫ ତାରିଖରେ ନିର୍ବାଚନ ଆୟୋଗର ସୃଷ୍ଟି ହୋଇଥିଲା । ସେହି ଦିବସଟି କୁ ମନେରଖିବା ପାଇଁ ୨୦୧୧ ମସିହା ଠାରୁ ଏହି ଦିବସଟି କୁ ଜାତୀୟ ମତଦାତା ଦିବସ ଭାବେ ପାଳନ କରାଯାଇ ଆସୁଅଛି । ଏହି ଅବସରରେ ସମସ୍ତ ଛାତ୍ରଛାତ୍ରୀ ମାନଙ୍କୁ ସଂକଳ୍ପ କରାଯାଇଥିଲା ।
