ଓଡିଶା ତାଜା ନ୍ୟୁଜ୍ (୨୩ ଜାନୁଆରୀ ,ଶନିବାର ) କଟକ :- କଟକ ଜିଲ୍ଲା ବାରଙ୍ଗ ବ୍ଲକ ବ୍ରାହ୍ମଣଝରିଲୋ ନିକଟସ୍ଥ କୁଶକଣ୍ଟା ଠାରେ ଥିବା ସନ୍ଥ ବାହୁଡା ଦାସଙ୍କ ସମାଧୀ ପିଠରେ, ପବିତ୍ର ଶାମ୍ବ ଦଶମୀ ମହୋତ୍ସବ , ହୋମଯଞ, ନାମ ସଂକୀର୍ତ୍ତନ ଶନିବାର ଅନୁଷ୍ଠିତ ହୋଇଥିଲା । ଏହି ପୀଠରେ ସନ୍ଥ ବାହୁଡା ଦାସ ଭୋଇ ସମାଜ ପରିଷଦ ଏବଂ ଗୋସ୍ୱାମୀ ବାହୁଡା ସ୍ମୃତି ପରିଷଦ ପକ୍ଷରୁ ପୃଥକ ପୃଥକ ଭାବେ ସନ୍ଥ ବାହୁଡା ଦାସଙ୍କ ପୀଠରେ ବାର୍ଷିକ ଉତ୍ସବ ପାଳନ କରାଯାଇଥିଲା । ଏହି ପୀଠରେ କଟକ ସଦର ,ବାରଙ୍ଗ, ନିଆଳୀ, କଣ୍ଟାପଡା, ବିରିଡି, ଜଗତସିଂହପୁର ଆଦି ରାଜ୍ୟ ବିଭିନ୍ନ ଜିଲ୍ଲାରରୁ ଭୋଇ ସମାଜର ଶ୍ରଦ୍ଧାଳୁମାନେ ଆସି ସନ୍ଥ ବାହୁଡା ଦାସଙ୍କ ପୀଠରେ ପହଞ୍ଚି ଥିଲେ ।
ସନ୍ଥ ବାହୁଡା ଦାସ ଏବଂ ତାଙ୍କର ଗୁରୁ ଯୋଗୀ ଦାସଙ୍କୁ ସମାଧୀ ପୀଠରେ ଦର୍ଶନ କରି ପୂଜା ଅର୍ଚ୍ଚନା କରିଥିଲେ । ବାହୁଡା ଦାସ ବାରବର୍ଷ ବୟସରେ ନିଜର ଗୃହ ତ୍ୟାଗ କରି ଆସି କୁଶ ଗଛ ପରିପୂର୍ଣ୍ଣ ଥିବା ଘଞ୍ଚ ଜଙ୍ଗଲିଆ ସ୍ଥାନରେ ରହି, ପ୍ରଭୁ ଜଗନ୍ନାଥଙ୍କୁ ଜନସାଧାରଣ ଦୁଃଖ ଜଣାଉଥିଲେ । ସେ ତାଙ୍କପୋଥିରେ ଲେଖି ଯାଇଚଛନ୍ତି ନୂଆ ଘର ଦିନେ ପୁରୁଣା ହେବ , ମାରିବ ଶୂନ୍ୟ ଲହଡି ଥୟ ନୋହିବ । ମଣିଷ ଦିନେ ନା ଦିନ ଏ ଭବ ସଂସାରୁ ବିଦାୟ ନେବ , ତଣୁ ମନରେ ଗର୍ବ ଅହଂକାର ନରଖି ସମାଜର ମଙ୍ଗଳ ଚିନ୍ତା କରିବାକୁ ପରାମର୍ଶ ଦେଇଯାଇଛନ୍ତି ।
ଆୟୋଜିତ ଉସଚବରେ ସନ୍ଥ ବାହୁଡା ଦାସ ଭୋଇ ସମାଜ ବିକାଶ ପରିଷଦର ସଭାପତି ଗିରିଶ ଚନ୍ଦ୍ର ନାୟକ, ସାଧାରଣ ସମ୍ପାଦକ ଅତୁଲ୍ୟ କୁମାର ନାୟକ, ସଂପାଦକ କ୍ଷୀରୋଦ ଚନ୍ଦ୍ର ଭୋଇ, ବାବୁଲି ଦାସ, ଉପସଭାପତି ରମାକାନ୍ତ ଭୋଇ , ଲକ୍ଷ୍ମୀଧର ଭୋଇ ପ୍ରମୁଖ ସଦସ୍ୟ ମାନେ ବାହୁଡା ଦାସ ଙ୍କ ଉସଚବ ପାଳନ କରୁଥିଲେ । ସେହିପରି ଗୋସ୍ୱାମୀ ବାହୁଡା ସ୍ମୃତି ପରିଷଦ ପକ୍ଷରୁ ମହନ୍ତ ଦୁଃଖୀଶ୍ୟାମ ଦାସ, ପୂଜକ ମହେଶ୍ବର ଦାସ,ସାଧାରଣ ସମ୍ପାଦକ ବାବାଜୀ ଚରଣ ଭୋଇ ପ୍ରମୁଖ ମୂଳ ପୀଠରେ ପୂଜା ପାଠ , ହୋମଯଞ କାର୍ଯ୍ୟ କରି ଥିଲେ । (କଟକରୁ ଅମୂଲ୍ୟ କୁମାର ବାରିକ ଙ୍କ ରିପୋର୍ଟ)
