ରାଜ୍ୟ ବିଜେପି ଯୁବମୋର୍ଚ୍ଚା ସଂପାଦକ ହେଲେ ଯୁବ ନେତା ପ୍ରିତେଶ କୁମାର ବହିଦାର ପଦ୍ମପୁରରେ ବିଜେପି ତରଫରୁ ସ୍ବାଗତ ସମ୍ବର୍ଦ୍ଧନା

ଓଡ଼ିଶା ତାଜା ନ୍ୟୁଜ (୧୯ ଜାନୁଆରୀ ମଙ୍ଗଳବାର )ପଦ୍ମପୁର :-ପଦ୍ମପୁର ନିର୍ବାଚନ ମଣ୍ତଳୀ ଭାରତୀୟ ଜନତା ପାର୍ଟିର ଯୁବନେତା ଭାବେ ବେଶ ଚଚ୍ଚିର୍ତ ପ୍ରିତେଶ କୁମାର ବହିଦାର ବରଗଡ ଜିଲ୍ଲା ସଭାପତି ଭାବେ ଅନେକ ଉନ୍ନତି ମୁଳକ କାର୍ଯ୍ୟ କରିଥିବା ବେଳେ ଗତକାଲି ରାଜ୍ୟ ଯୁବମୋର୍ଚ୍ଚା ସଭାପତି ଶ୍ରୀ ଇରାଶିସ ଆଚାର୍ଯ୍ୟ ପ୍ରେସମିଟ କରି ରାଜ୍ୟର ଯୁବମୋର୍ଚ୍ଚାର ସମସ୍ତ କାର୍ଯ୍ୟକାରିଣୀ ସଦସ୍ୟଙ୍କ ନାମ ଘୋଷଣା କରିଥିଲେ । ରାଜ ବୋଡାସମ୍ବର ଅଂଚଳର ଉଜ୍ଜଳ ତାରକା ଭାବେ ଚଚ୍ଚିର୍ତ ଥିବା ଯୁବନେତା ଶ୍ରୀ ପ୍ରିତେଶ କୁମାର ବହିଦାରଙ୍କ ନାମ ଘୋଷଣା ହେବା ପରେ ପଦ୍ମପୁର ଅଂଚଳରେ ଏକ ଖୁସିର ବାତାବରଣ ଦେଖିବାକୁ ମିଳିଥିଲା । ଶ୍ରୀ ବହିଦାର ଆଜି ସକାଳୁ ଶ୍ରୀ ଶ୍ରୀ ନୃସିଂହନାଥ

ମହାପ୍ରଭୂଙ୍କ ଆଶିର୍ବାଦ ନେବାପରେ ପାଇକମାଲ ଠାରେ ଯୁବମୋର୍ଚ୍ଚା ପାଇକମାଲ ତରଫରୁ ତାଙ୍କୁ ସ୍ବାଗତ ସମ୍ବର୍ଦ୍ଧନା କରାଯିବା ପରେ ବିଜେପି ରାଜ୍ୟ କୃଷକ ମୋର୍ଚ୍ଚା ସଭାପତି ତଥା ପଦ୍ମପୁର ପୂର୍ବତନ ବିଧାୟକ ଶ୍ରୀ ପ୍ରଦୀପ ପୁରୋହିତଙ୍କ ନିଜ ବାସଭବନରେ ଶ୍ରୀ ବହିଦାରଙ୍କୁ ବିଜେପି ତରଫରୁ ସ୍ବାଗତ ସମ୍ବର୍ଦ୍ଧନା କରାଯାଇଛି। ସନ୍ଧ୍ୟା ସମୟରେ ପଦ୍ମପୁର ବିଜେପି ତରଫରୁ ଭେଉଁରିଆ ଛକ ଠାରେ ଶ୍ରୀ ବହିଦରଙ୍କୁ ସ୍ବାଗତ ସମ୍ବର୍ଦ୍ଧନା କରାଯାଇଥିଲା। ପରିବର୍ତ୍ତି ପର୍ଯ୍ୟାୟରେ ପଦ୍ମପୁର ସ୍ଥାନୀୟ ଟାଉନ କ୍ଲବ ପରିସରରେ ସେ ନିଜ ଅଭିଭାଷଣ

ରଖି ଆାଗାମୀ ଦିନରେ ନିଜ ମାଁ ମାଟିର ଉନ୍ନତି କରିବା ସହ ରାଜ୍ୟ ନେତୃତ୍ବ ମଣ୍ତଳୀରେ ମିଳିଥିବା ସଂପାଦକ ପଦବୀର ଉଚିତ ବିନିଯୋଗ କରି ଲୋକଙ୍କ ସେବା କରିବା ସଙ୍ଗେ ସଙ୍ଗେ ଆଗାମୀ ଭବିଶ୍ୟତରେ ଭାରତୀୟ ଯୁବାମୋର୍ଚ୍ଚା କୁ ଆହୁରି ସୁଦୃଢ କରିବେ ବୋଲି ଜଣାଇ ଥିଲେ। ସେ ଭାରତୀୟ ଜନତା ଦଳର ସମସ୍ତ କାର୍ଯ୍ୟକର୍ତ୍ତାଙ୍କୁ ସହୃଦୟରୁ ଧନ୍ୟବାଦ ଦେବା ସହ ଜନସାଧାରଣ ମାନଙ୍କ ଠାରୁ ଆଶିର୍ବାଦ କାମନା କରିଛନ୍ତି ।
        (ରିପୋର୍ଟ – ନିରୋଜ କୁମାର ପାଣୀ)