ଗଞ୍ଜାମ ଜିଲ୍ଲାରେ ପ୍ରଥମ କରି ଅନ୍ ଲାଇନମାଧ୍ୟମରେ ଭତ୍ତା ଟଙ୍କା ପ୍ରଦାନ : ଏହି ସେବାକୁ ଉଦଘାଟନ କଲେ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ

ଓଡ଼ିଶା ତାଜା ନ୍ୟୁଜ (୧୫ ଜାନୁଆରୀ ଶୁକ୍ରବାର ) ବ୍ରହ୍ମପୁର :- ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ବ୍ଲକ ପରିସର ରେ ଆଜି ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଉପସ୍ଥିତ ରହି ବୃଦ୍ଧ ,ବୃଦ୍ଧା, ବିଧବା,ଓ ଦିବ୍ୟାଙ୍ଗ ଙ୍କୁ ପ୍ରଦାନ କରାଯାଉଥିବା ଭତ୍ତା ଟଙ୍କା କୁ ଅନ୍ ଲାଇନ ସେବା ମାଧ୍ୟମରେ ପ୍ରଦାନ କରବା ର ଶୁଭାରମ୍ଭ କରିଛନ୍ତି । ପୂର୍ବରୁ ପଞ୍ଚାୟତ ସ୍ତରରେ ଗ୍ରାମସେବକ ଓ ପଞ୍ଚାୟତ କର୍ମଚାରୀ ମାନେ ଉପସ୍ଥିତ ରହି ଏହି ଭତ୍ତା ଟଙ୍କା ପ୍ରଦାନ କରୁଥିଲେ । ଭତ୍ତା ଟଙ୍କା ପଞ୍ଚାୟତ କୁ ନେବା ସମୟରେ ଅନେକ କର୍ମଚାରୀ ଲୁଟ୍ ର ଶିକାର ହେଉଥିବା ବେଳେ ଅଯଥା ସମୟ ଅପଚୟ ହେଉଥିଲା ।ବେଳେବେଳେ ଭୂତମଧ୍ୟ ଭତ୍ତା ଟଙ୍କା ନେଉଥିଲା । ଏହା କୁ ଦୃଷ୍ଟିରେ ରଖି ଜିଲ୍ଲାପାଳ ଆଜି ଗଞ୍ଜାମ ଜିଲ୍ଲା ପାଇଁ ପ୍ରଥମ କରି ଅନ୍ ଲାଇନ୍ ସେବା ମାଧ୍ୟମରେ ଭତ୍ତା ଟଙ୍କା ପ୍ରଦାନ କରିବା ର ଶୁଭାରମ୍ଭ କରିଛନ୍ତି ।

ଏକ୍ସିସ୍ ବ୍ୟାଙ୍କ କୁ ୫୬ଲକ୍ଷ ୮୨ହଜାର ଶହେ ଟଙ୍କା ରଏକ ଚେକ କ୍ଲଷ୍ଟର ମ୍ୟାନେଜର ବିଶ୍ବନାଥ ମହାନ୍ତି ଙ୍କୁ ପ୍ରଦାନ କରିଛନ୍ତି । ଏହା ପୂର୍ବରୁ ଜିଲ୍ଲାପାଳ ପାଣ୍ଡିଆ ଗ୍ରାମ ସ୍ଥିତ ଜଉଗଡ,ବଡଖରିଡା ଗ୍ରାମସ୍ଥିତ କାଳେଶ୍ବର ମନ୍ଦିର ପାର୍କ ଓ ଉନ୍ନୟନ ମୂଳକ କାର୍ଯ୍ୟ ର ସମୀକ୍ଷା ରେ ସ୍ଥାନୀୟ ଅଞ୍ଚଳର ଜନପ୍ରତିନିଧି ଙ୍କ କାର୍ଯ୍ୟ କୁ ପ୍ରଶଂସା କରିଥିଲେ । ବ୍ଲକ ପରିସରରେ ସମନ୍ବିତ ଶିଶୁ ବିକାଶ ପକ୍ଷରୁ ଗେହ୍ଲା ଝିଅ କାର୍ଯ୍ୟକ୍ରମ ରେ ଯୋଗଦେଇଥିଲେ । ଅନ୍ୟ ମାନଙ୍କ ମଧ୍ୟରେ ଖଲ୍ଲିକୋଟ ବିଧାୟିକା ସୂର୍ଯ୍ୟମଣି ବୈଦ୍ୟ,ଜିଲ୍ଲା ପରିଷଦ ଉପାଧ୍ୟକ୍ଷା ସ୍ନେହଲତା ପଣ୍ଡା, ଗୋଷ୍ଠୀ ଉନ୍ନୟନ ଅଧିକାରୀ ବିଜୟ କୁମାର ବେହେରା, ଏବିଡିଓ ମଧୁସୂଦନ ମହାରଣା ,ସହକାରୀ ଯନ୍ତ୍ରୀ ମୋହନ ସାହୁ ,ଏପିଓ,ବ୍ଲକ କର୍ମଚାରୀ ,ପଞ୍ଚାୟତ ଜନପ୍ରତିନିଧି ପ୍ରମୁଖ ଉପସ୍ଥିତ ଥିଲେ । (ରିପୋର୍ଟ ଶେଷଦେବ ସାହୁ ଗଞ୍ଜାମ ଜିଲ୍ଲା ବ୍ୟୁରୋ)