କଟକ ଜଗତପୁର ପୋଲିସକୁ ମିଳିଲା ବଡ଼ ସଫଳତା ; ୫୦ ଲକ୍ଷ୍ୟ ଟଙ୍କାର ଚୋରି ଅଳଙ୍କାର ଜବତ

ଓଡିଶା ତାଜା ନ୍ୟୁଜ୍  (୧୪ ଜାନୁଆରୀ ଗୁରୁବାର ) କଟକ :- କଟକର ଜଗତପୁର ପୋଲିସକୁ ମିଳିଛି ବଡ଼ ସଫଳତା । ଜଗତପୁର ଆଇ ବି ରୋଡ଼ରେ ଥିବା ବାସନ୍ତୀ ଜୁଏଲାରୀ ଦୋକାନ ରୁ ଡିସେମ୍ବର ୪ ତାରିଖ ବିଳମ୍ବିତ ରାତିରେ ଚୋରି ହୋଇଥିବା , ୫୦ ଲକ୍ଷ୍ୟ ଟଙ୍କାର ସୁନା ଓ ରୂପା ଅଳଙ୍କାର କୁ ଉଦ୍ଧାର କରିବା ସହ, ପାଞ୍ଚ ଜଣଙ୍କୁ ସ୍ପେଶାଲ ସ୍କାର୍ଡ଼ ଟିମ ସହାୟତା ରେ ଜଗିରଫ କରିଛି ଜଗତପୁର ପୋଲିସ । ଗିରଫ ବ୍ୟକ୍ତିଙ୍କ ଠାରୁ ୩୮୫ ଗ୍ରାମ ଓଜନର ସୁନା ଅଳଙ୍କାର, ୨୫ କେଜି ରୂପା ଗହଣା , ଚୋରି କାର୍ଯ୍ୟରେ ବ୍ୟବହୃତ କାର , ବାଇକ୍, ଗ୍ୟାସ କଟର ମେସିନ, ସିଲିଣ୍ଡର , ଦୁଇଟି ଶାବଳ, ୪ ଟି ମୋବାଇଲ ଫୋନ ସହିତ ନଗଦ ବାର ହଜାର ଟଙ୍କା ଜବତ କରିଛି ପୋଲିସ । ଗିରଫ ଅଭିଯୁକ୍ତ ମାନେ ହେଲେ ଜଗତସିଂହପୁର ଜିଲ୍ଲା ରଘୁନାଥପୁର ଥାନା ଅନ୍ତର୍ଗତ ଅନନ୍ତପୁର ଗ୍ରାମର ବାବୁ ଓରଫ ତପନ କୁମାର ସେଠୀ( ୪୭) ବର୍ଷ,ତପନ ଏହି ଚୋରି ଘଟଣାର ମୁଖ୍ୟ ଅଭିଯୁକ୍ତ ।

ସେହିପରି କଟକ ଚୌଦାର ଥାନା ଓଟିଏମ କଲୋନୀର ବାବି ଓରଫ ଅମୂଲ୍ୟ ମହାନ୍ତି ( ୪୨ ) ବର୍ଷ, କଟକ ଜିଲ୍ଲା ବଡ଼ମ୍ବା ଥାନା ଅନ୍ତର୍ଗତ ଇଛାପୁର ଗ୍ରାମର ମୁନା ଓରଫ ରମେଶ ସେଠୀ ( ୩୭) ବର୍ଷ , ଖୋର୍ଦ୍ଧା ଜିଲ୍ଲା ଭୁବନେଶ୍ୱର ନୟାପଲୀ ଥାନା ଅନ୍ତର୍ଗତ ନୀଳକଣ୍ଠ ନଗର ବାଲିତୋଟା ସାହିର କୁନା ଓରଫ ତ୍ରିଲୋଚନ ସେଠୀ ( ୩୯) ବର୍ଷ ଏବଂ କଟକ ଚାଉଳିଆଗଞ୍ଜ ଥାନା ନୟାବଜାର ଏଜି କଲୋନୀ ଅଞ୍ଚଳର ପ୍ରଫୁଲ୍ଲ କୁମାର ସାହୁ ( ୫୫ ) ବର୍ଷ ।

ଏମାନେ ଗତ ଡିସେମ୍ବର ମାସ ୪ ତାରିଖ ବିଳମ୍ବିତ ରାତିରେ , ଜଗତପୁର ଆଇବି ରୋଡ଼ରେ ଥିବା ବାସନ୍ତୀ ଜୁଏଲାରୀ ଦୋକାନର ସଟର କାଟି ପଚାସ ଲକ୍ଷ୍ୟ ଟଙ୍କା ମୂଲ୍ୟର ସୁନା ରୂପା ଅଳଙ୍କାର ଚୋରି କରି ନେଇଥିଲେ । ଏନେଇ ଅଳଙ୍କାର ଦୋକାନର ମାଲିଖ ଡିସେମ୍ବର ୫ ତାରିଖରେ ଜଗତପୁର ଥାନାରେ ଲିଖିତ ଅଭିଯୋଗ କରିଥିଲେ । ପୋଲିସ ଘଟଣାର ଖୋଳତାଡ଼ କରି ଅଭିଯୁକ୍ତ ମାନଙ୍କୁ ଧରିଥିଲେ ବୋଲି ଡିସିପି ସୂଚନା ଦେଇଛନ୍ତି । ଏସିପି ଅମରେନ୍ଦ୍ର ପଣ୍ଡା , ଜଗତପୁର ଥାନା ଆଇଆଇସି ରବିନ୍ଦ୍ର ନାଥ ମେହେର ଉପସ୍ଥିତ ଥିଲେ । ଗିରଫ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି । (କଟକରୁ ଅମୂଲ୍ୟ କୁମାର ବାରିକ ଙ୍କ ରିପୋର୍ଟ)