ଓଡିଶା ତାଜା ନ୍ୟୁଜ୍ (୧୩ ଜାନୁଆରୀ ବୁଧବାର ) ବରଗଡ଼ :- ବରଗଡ଼ ଜିଲ୍ଲା ପାଇକମାଲ ବ୍ଲକ ସ୍ଥିତ ନୃସିଂହନାଥ ଏସଏସଡି ହାଇସ୍କୁଲ ପରିସରରେ ଏକ ବିଦାୟ କାଳିନ ସମ୍ବର୍ଦ୍ଧନା ସହ ସ୍ବାଗତ ସମାରୋହ ଅନୁଷ୍ଠିତ ହୋଇଯାଇଛି । ଏଥିରେ ପ୍ରଧାନ ଶିକ୍ଷୟିତ୍ରୀ ମୋହିନୀ ଦଳପତି ସଭାପତିତ୍ବ କରିଥିବା ବେଳେ ବରିଷ୍ଠ ସାମ୍ବାଦିକ ତଥା ସମାଜସେବୀ ବଡ ଶତପଥୀ ସମ୍ମାନିତ ଅତିଥି ଭାବରେ ଯୋଗଦାନ କରିଥିଲେ । ସଭାର ଉଦ୍ଦେଶ୍ୟ ଜ୍ଞାପନ କରିଥିଲେ ତଥା ମଞ୍ଚ ପରିଚାଳନା କରିଥିଲେ ଦୈତାରୀ ବିଶ୍ବାଳ । ସଭା ଆରମ୍ଭରୁ ପ୍ରଭୁ ନୃସିଂହନାଥ ଙ୍କ ଫଟୋ ଚିତ୍ରରେ ମାଲ୍ଯାର୍ପଣ ସହ ଦୀପ ପ୍ରଜ୍ମଳନ କରାଯାଇଥିଲା ।
କୋଭିଡ କଟକଣା କୁ ନେଇ ୫୭ ଜଣ ୧୦ମ ଶ୍ରେଣୀ ଛାତ୍ର ଓ ଛାତ୍ରୀ ମାନେ ଗୋଟିଏ ଟେବୁଲରେ ଜଣେ ଲେଖାଏଁ ବସିଥିଲେ । ଦୀର୍ଘ ୭ ବର୍ଷ ଧରି ପ୍ରଧାନ ଶିକ୍ଷକ ରମେଶ ନାୟକ ଓ ୧୩ ବର୍ଷ ଧରି କାର୍ଯ୍ୟରତ ଥିବା ସୁଭାକର ମୁନାଙ୍କୁ ବିଦାୟ କାଳିନ ସମ୍ବର୍ଦ୍ଧନା ଦିଆଯାଇଥିଲା । ସେହିପରି ସୋମବାର ପ୍ରଧାନ ଶିକ୍ଷୟିତ୍ରୀ ଭାବରେ ମୋହିନୀ ଦଳପତି ଓ ବିଜୟ ଶଙ୍କର ଦେହୁରି ଓ ଆଶୁତୋଷ ସାହୁ ଙ୍କୁ ସହକାରୀ ଶିକ୍ଷକ ଭାବେ ଯୋଗଦାନ କରିଥିବାରୁ ସ୍ବାଗତ କରାଯାଇଥିଲା ।
