ଭୁବନେଶ୍ୱର ମୋ ବସ ଟର୍ମିନାଲ ରୁ ମୁମୂର୍ଷୁ ଅବସ୍ଥାରେ ଶିଶୁପୁତ୍ର ଉଦ୍ଧାର

ଓଡ଼ିଶା ତାଜା ନ୍ୟୁଜ୍ (୧୨ ଜାନୁଆରୀ ମଙ୍ଗଳବାର ) ଭୁବନେଶ୍ୱର :- ଆଜି ସକାଳୁ ଭୁବନେଶ୍ୱର ମାଷ୍ଟର କ୍ୟାଣ୍ଟିଂନ ସ୍ଥିତ ମୋ ବସ ଟର୍ମିନାଲ ପରିସରରେ ଥିବା ଆହାର କେନ୍ଦ୍ର ପଛ ପାର୍ଶ୍ୱରେ ଥିବା ଏକ ପରିତ୍ୟକ୍ତ ସ୍ଥାନରୁ ଗୁରୁତର ଆହତ ଓ ଅଚେତନ ଅବସ୍ଥାରେ ପଡିଥିବା ଗୋଟିଏ ଶିଶୁପୁତ୍ର କୁ ସ୍ଥାନୀୟ ବସ କର୍ମଚାରୀ ଓ ଉଠା ଦୋକାନୀ ଦେଖି ସ୍ଥାନୀୟ ଫାଣ୍ଡି କୁ ଜଣାଇ ଥିଲେ ।

ଖବର ପାଇ ସ୍ଥାନୀୟ ପୋଲିସ ଫାଣ୍ଡିର ଜଣେ କର୍ମଚାରୀ ସ୍ଥାନୀୟ ଯୁବକ ଓ ଉଠା ଦୋକାନୀଙ୍କ ସହାୟତାରେ ତୁରନ୍ତ ଶିଶୁପୁତ୍ର ଟିକୁ ଉଦ୍ଧାର କରି ଏକ ଅଟୋରିକ୍ସା ସହାୟତାରେ ସ୍ଥାନୀୟ କ୍ୟାପିଟାଲ ହସ୍ପିଟାଲ ରେ ଭର୍ତ୍ତି କରିଥିବା ଜଣାପଡ଼ିଛି।ଗତ ରାତିରେ କୌଣସି ଦୃବୃତ୍ତ ଶିଶୁଟିକୁ ସେଠାରେ ଫିଙ୍ଗି ଦେଇ ଚାଲି ଯାଇଥିବା ଅନୁମାନ କରା ଯାଉଛି  । ମାତ୍ର ଆହାର କେନ୍ଦ୍ର ଆଗରେ ଲାଗିଥିବା ସିସି କ୍ୟାମେରା ର ଫୁଟେଜ ଦେଖିଲେ ପ୍ରକୃତ ଅଭିଯୁକ୍ତ ଧରା ପଡିବ ବୋଲି ସ୍ଥାନୀୟ ଲୋକେ କହୁଛନ୍ତି ।