ଓଡ଼ିଶା ତାଜା ନ୍ୟୁଜ୍ (୧୧ ଜାନୁଆରୀ ସୋମବାର )ନୟାଗଡ଼ :- ଜିଲ୍ଲାସ୍ତରୀୟ ଖାଦ୍ୟ ସୁରକ୍ଷା ପରାମର୍ଶଦାତା କମିଟିର ବୈଠକ ଜିଲ୍ଲାପାଳ ଡା. ପୋମା ଟୁଡୁଙ୍କ ଅଧ୍ୟକ୍ଷତାରେ ସକାଳ ଘ.୧୧.୩୦ମି. ସମୟରେ ଜିଲ୍ଲାପାଳଙ୍କ ସଦ୍ଭାବନା ସଭାଗୃହରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଜିଲ୍ଲାପାଳ ଡା. ଟୁଡୁ ସମସ୍ତ ସଦସ୍ୟଙ୍କୁ ସ୍ୱାଗତ ଜଣାଇ ବୈଠକର ଆବଶ୍ୟକତା ସଂପର୍କରେ ସୂଚନା ଦେଇ କହିଲେ ଯେ, ଖାଦ୍ୟ ସୁରକ୍ଷା ପାଇଁ ସମସ୍ତ ସଦସ୍ୟଙ୍କର ଭୁମିକା ଓ ଦାୟିତ୍ୱ ଗୁରୁତ୍ୱପୂର୍ଣ । ବିଭିନ୍ନ ବିଭାଗ ଯଥା- ଜିଲ୍ଲା CSO ,CDVO ,DWO ,DSWO , DEO , DIC ଆଦି ବିଭାଗରେ ଖାଦ୍ୟ ସୁରକ୍ଷା ସଂପର୍କରେ ବିହିତ ପଦକ୍ଷେପ ଗ୍ରହଣ କରାଯାଇ ପଂଜୀକରଣ କରିବା ସହିତ ରାଜସ୍ୱ ଆଦାୟ କରିବା ପାଇଁ ଖାଦ୍ୟ ସୁରକ୍ଷା ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ ।
ଏହା ପରେ ପରେ ଫାଇଲେରିଆ ରୋଗକୁ ନିରାକରଣ କରିବା ପାଇଁ ଔଷଧ ବଂଟନ କାର୍ଯ୍ୟକ୍ରମ ତା. ୧୦.୦୨.୨୦୨୧ରିଖରୁ ଆରମ୍ଭ ହେବା ପାଇଁ ବୈଠକରେ ସ୍ଥିର କରାଯାଇଥିଲା । ଫାଇଲେରିଆ ରୋଗ ପାଇଁ ବଟିକା ଠିକ୍ ଭାବରେ ଯେପରି ପ୍ରଦାନ କରାଯିବ ସେଥିପ୍ରତି ଯନ୍ôବାନ ହେବା ପାଇଁ ସମସ୍ତ ଡାକ୍ତରଙ୍କୁ ପରାମର୍ଶ ଦେଇଥିଲେ । ସେହିପରି ମଶାରି ବଂଟନ କାର୍ଯ୍ୟକ୍ରମକୁ ତ୍ୱରାନ୍ନିତ କରିବା ପାଇଁ ମଧ୍ୟ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କୁ ପରାମର୍ଶ ଦେଇଥିଲେ । କୋଭିଡ୍ ନିରାକରଣ ପାଇଁ ଟୀକା ପ୍ରଦାନ ସଂପର୍କୀୟ ଏକ ବୈଠକ ଆସନ୍ତା କାଲି ବ୍ଲକମାନଙ୍କରେ ବି.ଡି.ଓ.ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବା ପାଇଁ ନିର୍ଦ୍ଦେଶ ଦେଇଥିଲେ ।
ଏହି ବୈଠକରେ ସଂପୃକ୍ତ ଡାକ୍ତର, ଥାନା ଅଧିକାରୀ ଏବଂ ଅନ୍ୟାନ୍ୟ ଅଧିକାରୀମାନେ ଉପସ୍ଥିତ ରହି ବୈଠକ କରିବା ପାଇଁ ପରାମର୍ଶ ଦେଇଥିଲେ । ଆସନ୍ତା ତା. ୧୬.୦୧.୨୦୨୧ରିଖ ଠାରୁ ଟୀକାକରଣ କରାଯାଉଥିବାରୁ ସେଥିପାଇଁ ସମସ୍ତ ସ୍ୱାସ୍ଥ୍ୟ ବିଭାଗର ଡାକ୍ତରମାନେ ଯତ୍ନବାନ ହେବା ପାଇଁ ପରାମର୍ଶ ଦେଇଥିଲେ । ଏହି କୋଭିଡ୍ ଟୀକା ଦାନ କାର୍ଯ୍ୟକ୍ରମ ପ୍ରାୟ ନିର୍ବାଚନ ପଦ୍ଧତିରେ ଅନୁଷ୍ଠିତ ହେବ । ସୁରକ୍ଷା କର୍ମୀ ପରିଚୟ ପତ୍ର ଦେଖି ଅନୁମତି ଦେବେ ।
