ଓଡ଼ିଶା ତାଜା ନ୍ୟୁଜ୍ (୧୧ ଜାନୁଆରୀ ସୋମବାର ) ଚାନ୍ଦପୁର :- ଚାନ୍ଦପୁର ଅଞ୍ଚଳ ର ବରବରାଝର ଜଙ୍ଗଲ ରେ ପୋଲିସ ଓ ଖଣି ମାଫିଆ ଙ୍କ ମଧ୍ୟରେ ହୋଈଛି ଖଣ୍ଡ ଯୁଦ୍ଧ । ୫ ଖଣିମାଫିଆ ଗିରଫ , ମଟର ସାଇକେଲ , ଟ୍ରାକ୍ଟର ଜବତ କରିଛି ଚାନ୍ଦପୁର ପୋଲିସ । ଓଡିଶାରେ ଏବେ ବେଆଇନ ଖଣି ବ୍ୟାପାର ଉପରେ ରୋକ ଲଗାଇଛନ୍ତି ସରକାର । ଚାନ୍ଦପୁର ପୋଲିସ ଏହି ବେଆଇନ ଖଣି ବ୍ୟାପାର କୁ ରୋକିବା ଦିଗରେ ପୁର୍ବରୁ ତତ୍ପରତା ଦେଖେଇ ଆସିଛନ୍ତି । ପୋଲିସ ଖଣି ମାଫିଆ ତଥା ବେଆଇନ ଖଣି ଖନନ କାର୍ଯ୍ୟ କୁ କୌଶଳ ର ସହକାରେ ଅଟକାଇ ଆସିଛି । ଚାନ୍ଦପୁର ପୋଲିସ ବିଶେଷ ସୂତ୍ରରୁ ସୁରାକ ପାଇ ଖଣି ମାଫିଆ ଙ୍କ ଆଡ୍ଡା ସ୍ଥଳୀ ବରବରା ଝର ମଧ୍ୟରେ ଚଢ଼ାଉ କରିଥିଲେ । ବରବରା ଝର ର ଖଣି ମାଫିଆ କମାଗୁରୁ ଗ୍ରାମକୁ ଲାଗି ଘଞ୍ଚ ଜଙ୍ଗଲ ମଧ୍ୟରେ ଖଣି କାମ କରୁଥିଲେ ।
ଗୁପ୍ତ ଭାବେ ପୋଲିସ୍ ର ଚଢ଼ାଉ ରେ ମାଫିଆ ମାନେ ଟେକା ,ପଥର ରେ ପୋଲିସ ଙ୍କୁ ଆକ୍ରମଣ କରିଥିଲେ । ନିର୍ଭୟ ସହକାରେ ଟେକା , ପଥର ମାଡ଼ ଖାଇ ମଧ୍ୟ ପୋଲିସ ମାନେ ମାଫିଆ ଙ୍କୁ ଧରିବା ପାଈଁ ବହୁ ପ୍ରୟାସ କରିବା ପରେ ୨୦ ଜଣ ଖଣି ମାଫିଆ ରୁ ୫ ଜଣ ମାଫିଆ ଫସିଲେ ପୋଲିସ ଜାଲ ରେ । ସେହି ଖଣ୍ଡ ଯୁଦ୍ଧ ରେ ମୟୁରଝାଲିଆ ର ଦୁଇଟି ନାମୀଦାମୀ ଖଣି ମାଫିଆ ମଧ୍ୟ ସାମିଲ ଥିଲେ । ବରବରାଝର ରେ କଟର , ଜେସିପି , ଟ୍ରାକ୍ଟର ଇତ୍ୟାଦି ରେ ଖଣି ଖନନ କାର୍ଯ୍ୟ କରୁଥିବା ସମୟରେ ଚାନ୍ଦପୁର ପୋଲିସ ର ଚଢ଼ାଉ ରେ ୧୫ ଜଣ ଫେରାର ।
ଏହି କେସ୍ ରେ ଆଖପାଖ ଅଞ୍ଚଳର ପ୍ରାୟ ୩୦ ଜଣ ଗ୍ରାମବାସୀ ଙ୍କ ନାମରେ ମୋକଦମା ରୁଜ୍ଜୁ ହୋଈଛି । ପୋଲିସ ଉକ୍ତ ୫ ଜଣ ଙ୍କ ନାମରେ ମାମଲା ରୁଜ୍ଜୁ କରି କୋର୍ଟ ଚାଲାଣ କରିବେ ବୋଲି ଜଣାଯାଇଛି । ଖଣି ମାଫିଆ ଚଢ଼ାଉ ର ଶେଷ ସମୟ ରେ ରଣପୁର ପୋଲିସ ଯାଇ ସହଯୋଗ କରିଥିଲେ । ଶେଷ ସମୟରେ ଯାଇ ଚାନ୍ଦପୁର ପୋଲିସ ଙ୍କୁ ସହଯୋଗ କରିଥିବାରୁ ସର୍ବସାଧାରଣ ରେ ଚର୍ଚ୍ଚା ହେଉଛି ।