ଓଡ଼ିଶା ତାଜା ନ୍ୟୁଜ୍ (୦୨ ଜାନୁଆରୀ ଶନିବାର ) ଭୁବନେଶ୍ୱର :- ଭାରତର ଅଗ୍ରଣୀ ବିଜ୍ଞାନ ଭିତିକ ଆୟୁର୍ବେଦିକ କଂପାନି ଡାବର ଇଣ୍ଡିଆ ଲିମିଟେଡ୍ ପକ୍ଷରୁ ଡାବର୍ ରେଡ୍ ପୁଲିଂ ଅଏଲ୍ର ଉନ୍ମୋଚନ ସହିତ ମାଉଥ୍ୱାସ୍ ବର୍ଗରେ ପ୍ରବେଶ କରାଯାଇଥିବା ବିଷୟରେ ଘୋଷଣା କରାଯାଇଛି । ଏହା ହେଉଛି ଏକ ଆୟୁର୍ବେଦିକ ମାଉଥ୍ୱାସ୍ ଯାହା ଓରାଲ୍ କେୟାର ବଜାରରେ ସମ୍ପୂର୍ଣ୍ଣ ରୂପେ ଏକ ନୂଆ ବର୍ଗ ସୃଷ୍ଟି କରିବ । ଏହା ଜରିଆରେ ଡାବର୍ ପୁଣି ଥରେ ଏକ ପ୍ରଥମ ଧରଣର ଉତ୍ପାଦ ବଜାରକୁ ଆଣିଛି । ଏ ସମ୍ପର୍କରେ ଘୋଷଣା କରି ଡାବର୍ ଇଣ୍ଡିଆ ଲିମିଟେଡ୍ର ଓରାଲ୍ କେୟାର ମାର୍କେଟିଂ ମୁଖ୍ୟ ଶ୍ରୀଯୁକ୍ତ ହରକାବଲ୍ ସିଂହ କହିଛନ୍ତି ଯେ, “ଡାବର ରେଡ୍ ପୁଲିଂ ଅଏଲ୍ ହେଉଛି ଏକ ଆୟୁର୍ବେଦିକ ମାଉଥ୍ୱାସ୍ ଯେଉଁଥିରେ ରହିଛି ପ୍ରାକୃତିକ ତୈଳ ଓ ଜଡ଼ିବୁଡ଼ି ଏବଂ ଏଥିରେ ଆଲ୍କୋହଲ୍ ନାହିଁ । ଆୟୁର୍ବେଦିକ ପାଣ୍ଡୁଲିପିରେ ଥିବା ପଦ୍ଧତି ଉପରେ ଏହି ଉତ୍ପାଦ ପର୍ଯ୍ୟବେସିତ ଏବଂ ଏହାକୁ କବଳ-ଗଣ୍ଡୁସା ଚିକିତ୍ସା ପଦ୍ଧତିି ପାଇଁ ଉନ୍ମୋଚନ କରାଯାଇଛି ଯାହା ହେଉଛି ତୈଳ ଭିତିକ ଏକ ଓରାଲ୍ ଡେଟକ୍ସ ପଦ୍ଧତି । ଏଥିରେ ରହିଛି ନଡ଼ିଆ ତେଲ, ସେସାମି, ଚିନାମନ ତେଲ ଯାହା ପାଟିରୁ ବର୍ଜ୍ୟକୁ ଦୂର କରିବା ସହ ଦାନ୍ତ ଏବଂ ମାଢ଼ିକୁ ସୁଦୃଢ଼ କରେ ଏବଂ ଥାଇମି ମିଂଟ୍ ଦୁର୍ଗନ୍ଧରୁ ସୁରକ୍ଷା ଦିଏ ।
