ଓଡ଼ିଶା ତାଜା ନ୍ୟୁଜ୍ (୩୧ ଡିସେମ୍ବର ଗୁରୁବାର )ଭୁବନେଶ୍ୱର :-ପଦ୍ମପୁର ପଶ୍ଚିମ ଓଡିଶାର ବିଭିନ୍ନ ସ୍ଥାନ ଏବଂ ପାହାଡ ମାନଙ୍କରେ ରହିଛି ବିଭିନ୍ନ ଐତିହ ଏବଂ ମାନ୍ୟତା । ବିଭିନ୍ନ ରୁପରେ ଦେବା ଦେବୀ ମାନେ ଆସ୍ଥିନ ଥିବା ବେଳେ ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ଦୁର୍ଗେଇଖୋଲ ଅଂଚଳରେ ଥିବା ମାଁ ଦୁର୍ଗାଙ୍କର ରହିଛି ସ୍ୱତନ୍ତ୍ର ମାନ୍ୟତା । ପଦ୍ମପୁର ଉପଖଣ୍ଡ ପାଇକମାଲ ଠାରୁ ନୁଆପଡା ରାସ୍ତାରେ ପ୍ରାୟ ୧୫ କିଲୋମିଟର ମନଭଙ୍ଗ ଡେମ । ପ୍ରାକୃତିକ ସୌନ୍ଦର୍ଯ୍ୟ ଏବଂ ମନଲୋଭା ଦୃଶ୍ୟ ସହ କୁଳୁ କୁଳୁ ନାଦରେ ବୋହି ଆସୁଥିବା ମାଁଙ୍କ ନାମରେ ନାମିତ ଝରଣା ଦୁର୍ଗେ ଝରନ ପର୍ଯ୍ୟଟକଙ୍କୁ ବେସ ଆକୃଷ୍ଟ କରିଥାଏ । ପ୍ରକୃତି ର ଗନ୍ତା ଘର ଗନ୍ଧମାର୍ଦ୍ଦନ ପାଦ ଦେଶେ ଥିବା ଏହି ସ୍ଥାନ ଏଠାରୁ ପ୍ରାୟ ୧୨ କିଲୋମିଟର ଏବଂ ୨ ଘଣ୍ଟାର ଜଙ୍ଗଲ ଏବଂ ପଥୁରିଆ ରାସ୍ତା ଚଢିବା ପରେ ଆସିଥାଏ ମା ଦୁର୍ଘାଙ୍କର ପ୍ରାକୃତିକ ପୀଠ । ଏକ ଗୁମ୍ଫା ପରି ସ୍ଥାନରେ ପୂଜା ପାଇଥାନ୍ତି ମାଁ ଦୁର୍ଗେ ଦେବୀ । ବର୍ଷକୁ ଥାରେ ମାଙ୍କ ଦର୍ଶନ ର ସୁଯୋଗ ମିଳରଥିବାରୁ ମାଁଙ୍କର ଦର୍ଶନ ପାଇଁ ପ୍ରତିବର୍ଷ ମାର୍ଗଶୀର ପୁର୍ଣିମା ଦିନ ପ୍ରତି ବର୍ଷ ରାଜ୍ୟ ତଥା ରାଜ୍ୟ ବାହାରୁ ଧାଇଁ ଆସିଥାନ୍ତି ହଜାର ହଜାର ସଂଖ୍ୟରେ ଭକ୍ତ ।
ମାନ୍ୟତା ଅନୁଯାୟି ଏହି ସ୍ଥାନରେ ମାଗିଲେ ଭକ୍ତଙ୍କ ସବୁ କାମନା ମାଁ ପୁରଣ କରୁଥିବାର ଭକ୍ତ ଙ୍କ ମନରେ ସ୍ଥାନ ପ୍ରତି ଆସ୍ଥା ଏବଂ ବିଶ୍ୱାସ ରହିଛି । କେବଳ ଯେ ଏତିକି ନୁହଁ ବରଂ ଦୁର୍ଗେଇଖୋଲ ଯିବା ବାଟରେ ପଡେ ଐତିହାସିକ ହୁମେର ଗଡ ର ଦ୍ୱାର ଏବଂ ଭଗ୍ନାବଶେଷ । ପୂର୍ବ ସମୟରେ ପାଟଣା ମାହାରାଜା ଏହି ସ୍ଥାନରେ ଗଡ ନିର୍ମାଣ ସହ ପାହାଡ ପରେ କାନ୍ଥ ଏବଂ ସୈନିକଙ୍କ ପାଇଁ ଛାଉଣି ତିଆରି କରେଇଥିବାର ଲୋକ କଥା ରହିଛି । ଏହି ସ୍ଥାନରୁ ପ୍ରାୟ ୧.୫ କିଲୋମିଟର ଆଗକୁ ଯିବା ପରେ ଆସେ ମାଁ ଦୁର୍ଗାଙ୍କର ପୀଠ । ହେଲେ ଗଡ ର ଭଗ୍ନା ବଶେଷ ହେଉ କି ପାହାଡ ଭିତରେ ଥିବା ମାଁଙ୍କର ପୀଠ ହେଉ ପ୍ରଶାସନ ଏବଂ ସରକାରଙ୍କ ବିକାଶ ଏବଂ ରକ୍ଷଣା ବେକ୍ଷଣ ରୁ ବହୁ ଦୁରରେ । ଶିଘ୍ର ଏହି ହୁମେର ଗଡ ର । ବସ୍ଥିତ ଭଗ୍ନାବଶେଷ ମାନଙ୍କୁ ସୁରକ୍ଷା ନ ଦିଆଗଲେ ଏକ ଇତିହାସର ପୃଷ୍ଠାରେ ଠା ଲୁପ୍ତ ପ୍ରାୟ ହୋଇଯିବାର ସମ୍ଭାବନା ଥିବା ବେଳେ ମାଁଙ୍କ ଦର୍ଶନ ପାଇଁ ଆସୁଥିବା ଭକ୍ତ ମାନେ ରାତି ରେ ପୂଜା ସରିବା ପର୍ଯ୍ୟନ୍ତ ମନ୍ଦୀର ଆଖ ପାଖରେ ବିଶ୍ରାମ ପାଇଁ କି ଆଲୋକ ର କୌଣସି ବ୍ୟବସ୍ଥା ନଥିବାରୁ ନିଆଁ ଟର୍ଚ୍ଚ ଆଦି ଜାଳି ଗଛ ମୂଳେ ଆଶ୍ରୟ ନେଇ ଥାନ୍ତି ।
