ଓଡ଼ିଶା ତାଜା ନ୍ୟୁଜ୍ (୨୯ ଡିସେମ୍ବର ,ମଙ୍ଗଳବାର ) ଭୁବନେଶ୍ୱର :- ପ୍ରଧାନମନ୍ତ୍ରୀ ଆବାସ ଯୋଜନାକୁ ହଡପ ଓ ଚଂଚକତା କରୁଛନ୍ତି ନବୀନ ପଟ୍ଟନାୟକଙ୍କ ସରକାର ବିରୁଦ୍ଧରେ ଆଜି ଭୁବନେଶ୍ୱର ଜିଲ୍ଲା ବିଜେପିର ଭୁବନେଶ୍ୱର ବ୍ଲକ ସମ୍ମୁଖରେ ବିକ୍ଷୋଭ ସହ ମୁଖ୍ୟମନ୍ତ୍ରୀଙ୍କର ମିଥ୍ୟା ଚିଠିକୁ ଚିରି ପ୍ରତିବାଦ କରାଯାଇଥିଲା । ୨୦୧୭ ମସିହା ସୁଦ୍ଧା ଦେଶର ସବୁ ପରିବାରଙ୍କ ମୁଣ୍ଡ ଉପରେ ଛାତ ରହିବା ଏହି “ପ୍ରଧାନମନ୍ତ୍ରୀ ଆବାସ ଯୋଜନା” ପ୍ରଧାନମନ୍ତ୍ରୀଙ୍କର ଏକ ଅଭିଳସିତ ଯୋଜନା ଓ ଗୁରୁତ୍ୱପୂର୍ଣ୍ଣ ଜାତୀୟ ଫ୍ଲାଗ ସିପି ଯୋଜନା । କିନ୍ତୁ ରାଜ୍ୟସରକାର ଏହି କେନ୍ଦ୍ରୀୟ ଯୋଜନାକୁ ହଡପ କରିବା ପାଇଁ ରିତିମତ ଯୋଜନା ଚଳାଇଛନ୍ତି ।
ପୂର୍ବରୁ ୧୦୮ ଆମ୍ବୁଲାନ୍ସ କୁ ନିଜ ଯୋଜନା ଭାବେ ବ୍ରାଣ୍ଡିଂ କରି ରାଜ୍ୟବାସୀଙ୍କୁ ବିଭ୍ରାନ୍ତ କରିଥିଲେ ରାଜ୍ୟସରକାର । ଆଉ ଏବେ ପ୍ରଧାନମନ୍ତ୍ରୀ ଆବାସ ଯୋଜନାର ଫଳକରେ ଛୋଟ ଅକ୍ଷରରେ ପ୍ର.ଆ.ଯୋ (ଗ୍ରାମୀଣ) ଲେଖିଥିବା ବେଳେ ଚଂଚକତା କରି ବିଜୁବାବୁଙ୍କ ଫଟୋ ଲୋଗୋ ସହ ବଡ ବଡ ଅକ୍ଷରରେ ବିଜୁ ପକ୍କାଘର ଯୋଜନା ଲେଖି ନିର୍ମିତ ଗୃହରେ ଷ୍ଟିକର ମାରୁଛନ୍ତି । ଏଥିରୁ ଯଦି ସରକାର ନିବୃତ ନରୁହନ୍ତି ତେବେ ଆଗାମୀ ଦିନରେ ବ୍ଲକ ଅଫିସ ଘେରାଉ କରାଯିବ ବୋଲି ଭୁବନେଶ୍ୱର ବିଜେପି ଜିଲ୍ଲା ସଭାପତି ବାବୁ ସିଂ ଚେତାବନୀ ଦେଇଛନ୍ତି । ୧୦/୧୨ ବର୍ଷ ତଳୁ ନିର୍ମିତ ହୋଇଥିବା ଇନ୍ଦିରା ଆବାସ ଓ ପ୍ରଧାନମନ୍ତ୍ରୀ ଆବାସ ଯୋଜନାର ପକ୍କା ଘରେ ଏବେ ବିଜୁ ପକ୍କା ଘର ଷ୍ଟିକର ମାରି ରାଜ୍ୟସରକାର କେନ୍ଦ୍ରୀୟ ଯୋଜନାକୁ ରାଜ୍ୟ ଯୋଜନା ବୋଲି ପ୍ରଚାର କରିବାର ଷଡଯନ୍ତ୍ର କରି ରାଜ୍ୟବାସୀଙ୍କୁ ଠକୁଛନ୍ତି ।
ଏଥି ସହିତ ମୁଖ୍ୟମନ୍ତ୍ରୀଙ୍କ ଦସ୍ତଖତ ଥିବା ଏକ ଚିଠି ବାଂଟୁଛନ୍ତି ଯେଉଁଥିରେ ପ୍ରଧାନମନ୍ତ୍ରୀ ଆବାସ ଯୋଜନା ବୋଲି ଉଲ୍ଲେଖ ନକରି ସବୁ ପକ୍କା ଘର ତାଙ୍କ ସରକାର ଯୋଗାଇଦେଇଛନ୍ତି ବୋଲି ଏକ ମିଥ୍ୟା ବାର୍ତା ଦେଇ ରାଜ୍ୟବାସୀଙ୍କୁ ପ୍ରତାରିତ କରୁଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କେନ୍ଦ୍ର ସରକାରଙ୍କ କୌଣସି ସ୍ଥାଇ ଯୋଜନାର ନାଁ କୁ ରାଜ୍ୟ ସରକାର ପରିବର୍ତନ କରିପାରିବେ ନାହିଁ କିମ୍ବା ସେହି ଯୋଜନାର ଅର୍ଥକୁ ଅନ୍ୟତ୍ର ଖର୍ଚ୍ଚ କରିପାରିବେ ନାହିଁ ବୋଲି ଆଇନରେ ସ୍ପଷ୍ଟ ଉଲ୍ଲେଖ ରହିଛି । ତେଣୁ ରାଜ୍ୟ ସରକାର ନିର୍ମିତ ଗୃହରେ ଷ୍ଟିକର ମାରିବା ଓ ମୁଖ୍ୟମନ୍ତ୍ରୀ ମିଥ୍ୟା ତଥ୍ୟ ଥିବା ଚିଠି ସମ୍ପୂର୍ଣ୍ଣ ବେଆଇନ, ଠକାମି, ପ୍ରବଂଚନ୍ନା, ପ୍ରତାରଣା ଓ ବିଭ୍ରାନ୍ତି ମୂଳକ କାର୍ଯ୍ୟ ।
