ବାଚସ୍ପତିଙ୍କ ଜନ୍ମଦିନରେ ରକ୍ତଦାନ ଶିବିର ଅନୁଷ୍ଠିତ : ୧୨୧ ୟୁନିଟ ରକ୍ତ ସଂଗ୍ରହ

ଓଡ଼ିଶା ତାଜା ନ୍ୟୁଜ (୨୮ ଡିସେମ୍ବର ସୋମବାର ) ଦିଗପହଣ୍ଡି :- ଓଡ଼ିଶା ବିଧାନସଭା ବାଚସ୍ପତି ତଥା ଦିଗପହଣ୍ଡି ନିର୍ବାଚନ ମଣ୍ଡଳୀ ବିଧାୟକ ଡା . ସୂର୍ଯ୍ୟନାରାୟଣ ପାତ୍ରଙ୍କ ଜନ୍ମଦିନ ଅବସରରେ ସୋମବାର ଦିନ ଦିଗପହଣ୍ଡି ପୂର୍ତ୍ତବିଭାଗ ଡାକବଙ୍ଗଳା ପ୍ରାଙ୍ଗଣରେ ଆଇନ ପରାମର୍ଶଦାତା ତଥା ବିଜେଡି ନେତା ରାମକୃଷ୍ଣ ପାଢୀଙ୍କ ନେତୃତ୍ୱରେ ଓଡିଶା ମୋ ପରିବାର ପକ୍ଷରୁ ଜୀବନବିନ୍ଦୁ ରକ୍ତଦାନ ଶିବିର କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଏଥିରେ ବ୍ରହ୍ମପୁର ରକ୍ତଭଣ୍ଡାର ପକ୍ଷରୁ ୧୨୧ ୟୁନିଟ ରକ୍ତ ସଂଗ୍ରହ କରିଥିବା ଜଣାପଡ଼ିଛି । ସରପଞ୍ଚ ବି . କ୍ରିଷ୍ଣାରାଓ ସୁବୁଦ୍ଧି ସଭାପତିତ୍ବରେ ଆୟୋଜିତ ରକ୍ତଦାନ ଶିବିରରେ ଗଞ୍ଜାମ ଜିଲ୍ଲା ଜୀବନବିନ୍ଦୁ ସଂଯୋଜକ ତଥା ରାଜ୍ୟ ବିଜେଡି ସଂପାଦକ ସୁବାଷ ମହାରଣା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।

ସେହିପରି ବିଜେଡି ରାଜ୍ୟ ପରିଷଦ ସଭ୍ୟ ତଥା ବିଜେଡି ଜିଲ୍ଲା ସାଧାରଣ ସଂପାଦକ ଯୋଗେନ୍ଦ୍ର ସ୍ୱାଇଁ , ସାଧାରଣ ସଂପାଦକ ଜଗନ୍ନାଥ ସାବତ , ଦିଗପହଣ୍ଡି ବ୍ଳକ ଉପାଧ୍ୟକ୍ଷା ପ୍ରତିନିଧି ଏମ୍ . ନିରଞ୍ଜନ ରେଡ୍ଡୀ , ଦିଗପହଣ୍ଡି ବିଜ୍ଞାପିତ ଅଞ୍ଚଳ ପରିଷଦ ପୂର୍ବତନ ନଗରପାଳ ଭି . ରବିନାରାୟଣ ରାଜୁ , ସରପଞ୍ଚ ଭୀମସେନ ସାହୁ , ପୂର୍ବତନ କାଉନସିଲର ନିରୂପମା ପଟ୍ଟନାୟକ , ଖେମୁଣ୍ଡି ରକ୍ତଦାତା ସଂଘ ସଦସ୍ୟ ଭି . ଧର୍ମା ରାଜୁ , ବ୍ରହ୍ମପୁର ଯୁବ ବିଜେଡ଼ି ନେତା ସୁରେନ୍ଦ୍ର ମହାରଣା , ନଗର ବିଜେଡି ସଂପାଦକ ଯୁଧିଷ୍ଠିର ସ୍ବାଇଁ , କୋଷାଧ୍ୟକ୍ଷ ସୁରେନ୍ଦ୍ର ପଟ୍ଟନାୟକ , ଆଇନଜୀବୀ ରଞ୍ଜନ ବେହେରା ,ନଗର ବିଜେଡି ସଂଯୋଜକ ମାଗୀ ସେଠୀ , ରାଜ୍ୟ ବିଜେଡି ଛାତ୍ର ସଂପାଦକ ସୁନୀଲ ଗୈାଡ , ଯୁବନେତା ସଞ୍ଜୟ ପାଣିଗ୍ରାହୀ , ବଳରାମ ମହାରଣା , ତାରାପ୍ରସାଦ ପଟ୍ଟନାୟକ , ଶିବଶଙ୍କର ଗୈାଡ , ଆଇନଜୀବୀ ହରପ୍ରସାଦ ରଥ ପ୍ରମୁଖ ସମ୍ମାନୀୟ

ଅତିଥି ରୂପେ ମଞ୍ଚାସୀନ ରହିଥିଲେ । ଏହି ପରିପ୍ରେକ୍ଷୀରେ ଦିଗପହଣ୍ଡି ବ୍ଳକର ୧୨୧ ଜଣ ଯୁବକ ରକ୍ତଦାନ କରିଥିଲେ । ତେବେ ଆୟୋଜିତ ଶିବିରରେ ଅତିଥିମାନେ ଅଂଶଗ୍ରହଣ କରିଥିବା ରକ୍ତଦାତା ମାନଙ୍କୁ ଉତ୍ସାହିତ କରିବା ସହ ରକ୍ତଦାନ ଭଳି ମହତ୍ୱ କାର୍ଯ୍ୟର ଉପାଦେୟତା ସମ୍ପର୍କରେ ଆଲୋକପାତ କରିଥିଲେ । ଏପରିକି ବ୍ରହ୍ମପୁର ରକ୍ତଭଣ୍ଡାରରେ ରକ୍ତର ଅଭାବକୁ ଦୁର କରିବା ପାଇଁ ଏଭଳି ମହନୀୟତା କାର୍ଯ୍ୟ ପାଇଁ ପ୍ରଶଂସା ମଧ୍ୟ କରାଯାଇଥିଲା । ଏହି ଅବସରରେ ଓଡ଼ିଶାରେ ରକ୍ତଦାନରେ ଗଞ୍ଜାମ ଜିଲ୍ଲା ପ୍ରଥମ ସ୍ଥାନରେ ରହିଥିବା ବେଳେ ଗଞ୍ଜାମ ଜିଲ୍ଲାରେ ରକ୍ତର ଅଭାବ ରହିବ ନାହିଁ ବୋଲି ଅତିଥି ମାନେ ମତପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ ବହୁ ଯୁବଗୋଷ୍ଠୀ ଉପସ୍ଥିତ ରହି ପରିଚାଳନା କରିବାରେ ସହଯୋଗ ପ୍ରଦାନ କରିଥିଲେ । ( ରିପୋର୍ଟ: ଶେଷଦେବ ସାହୁ, ଗଞ୍ଜାମ ଜିଲ୍ଲା ବ୍ୟୁରୋ )