ଓଡ଼ିଶା ତାଜା ନ୍ୟୁଜ (୧୪ ଡିସେମ୍ବର ସୋମବାର) କଟକ :- କଟକ- ଭୁବନେଶ୍ୱର ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ସକାଳ ୮ଟାରେ ଦୁର୍ଘଟଣା ଘଟି, ଏକ ପ୍ଲାଟିନା ବାଇକ୍ ଜଳି ଯାଇଥିଲା ବେଳେ, ବାଇକ୍ ଚାଳକ ଆହତ ହୋଇଛନ୍ତି । ଆହତ ବାଇକ୍ ଚାଳକୁ ଫୁଲନଖରା ଟ୍ରାଫିକ ଥାନା ଏସ୍ ଆଇ ପ୍ରଫୁଲ୍ଲ କୁମାର ଦାଶ ,ହୋମ ଗାର୍ଡ଼ ସୁଖ ରଞ୍ଜନ ନାୟକ ଏବଂ ଅନ୍ୟ କର୍ମଚାରୀ ମାନେ, ଦୁର୍ଘଟଣା ସ୍ଥଳରେ ପହଞ୍ଚି ଜଳୁଥିବା ବାଇକରେ ବାଲିପକାଇ ଲିଭାଇ ଥିଲେ ।
ଆହତ ବାଇକ ଚାଳକୁ ଆମ୍ବୁଲାନ୍ସ ଯୋଗେ ଚିକିତ୍ସା ପାଇଁ କଟକ ଏସିବି ମେଡ଼ିକାଲକୁ ପଠାଇଥିଲେ । ଘଟଣାରୁ ପ୍ରକାଶ ଯେ, କଟକ ସଦର ଥାନା ଗୋପାଳପୁର ଭିମପୁର ସାହିର ଦିପ୍ତିରଞ୍ଜନ ମହାନ୍ତି , OD-05AT- 9350 ନିଜ ପ୍ଲାଟିନା ବାଇକ୍ ରେ ଭୁବନେଶ୍ୱର ଆମରି ହସ୍ପିଟାଲକୁ ଯାଉଥିଲା ବେଳେ, ରାସ୍ତାର ଆରପଟରୁ ହଠାତ ଗୋଟିଏ ବୁଲା ଷଣ୍ଢ ମାଡ଼ି ଆସିବାରୁ ବାଇକ୍ ଚାଳକ ମାଡ଼ ହୋଇ ରାସ୍ତାରେ ଛିଟିକି ହୋଇ ପଡିଯାଇଥିଲେ । ଏହି ସମୟରେ ପଛରୁ ଆସୁଥିବା ଏକ ହାଇୱ। ଟ୍ରକ ରସ୍ତା ଉପରେ ପଡ଼ଥିବା ବାଇକ୍ ଉପରେ ମାଡିଯାଇ, ବାଇକ୍ କୁ କିଛି ବାଟ ଘୋଷାରୀ ନେଇଥିଲା ।
ଯାହ ଫଳରେ ରାସ୍ତାରେ ଘୋଷାଡିବା ସମୟରେ ନିଆଁ ବାହାରି ପେଟ୍ରୋଲ ଟାଙ୍କିରୁ ତେଲ ବାହାରି ବାଇକ୍ ରେ ନିଆଁ ଲାଗି ହୁତୁ ହୁତୁ ହୋଇ ଜଳିଥିଲା । ଫଳରେ କିଛି ସମୟ ପାଇଁ କଟକରୁ ଭୁବନେଶ୍ୱର ଆସୁଥିବା ଗାଡ଼ି ସବୁ ଅଟକି ଯାଇଥିଲା । ସ୍ଥାନୀୟ ଲୋକମାନେ ଏବଂ ଫୁଲନଖରା ଟ୍ରାଫିକ ଥାନା କର୍ମଚାରୀ ମାନେ ବାଲିପକାଇ ନିଆଁକୁ ଲିଭାଇ ଥିଲେ । (କଟକ ରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ )
