ମଦ ମାଫିଆଙ୍କ ସହ ଜଡିତ ଥିଲେ ପ୍ରଦୀପ ପାଣଗ୍ରାହୀ, ସାମ୍ୱାଦିକ ସମ୍ମିଳନୀରେ ଅଭିଯୋଗ କରିଛନ୍ତି ସାନଖେମୁଣ୍ଡି ବିଧାୟକ ରମେଶ ଜେନା

ଓଡ଼ିଶା ତାଜା ନ୍ୟୁଜ (୬ ଡିସେମ୍ବର ରବିବାର )ପାରଳାଖେମୁଣ୍ଡି :- ଗିରଫ ହୋଇ ଝାରପଡ଼ା ଜେଲରେ ଥିବା ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ଉପରେ ବର୍ଷିଛନ୍ତି ସାନଖେମୁଣ୍ଡି ବିଧାୟକ ରମେଶ ଜେନା । ଗଞ୍ଜାମ ଜିଲ୍ଲା କଂଗ୍ରେସ କମିଟି ସଭାପତି ଭାବେ ନିଯୁକ୍ତି ପାଇବା ପରେ ସାମ୍ୱାଦିକ ସମ୍ମିଳନୀ କରି ପ୍ରଦୀପଙ୍କ ଦୁର୍ନୀତି ର ଲମ୍ୱା ତାଲିକା ବଖାଣିଛନ୍ତି ଶ୍ରୀ ଜେନା । ୨୦୦୪ ମସିହା ଠାରୁ କ୍ଷମତାର ଅପବ୍ୟବହାର କରି ସେ ବହୁ ଦୁର୍ନୀତି କରିଥିବା ସେ ଅଭିଯୋଗ ଆଣିଛନ୍ତି । ବ୍ରହ୍ମପୁର କୋର୍ଟପେଟା ଛକ ସ୍ଥିତ ଜମି, କରାପଲ୍ଲୀ ପଞ୍ଚାୟତ ବିକ୍ରମପୁରରେ ଜମି ହାତେଇବାରେ ଦୁର୍ନୀତି ହୋଇଛି ଏବଂ ଏହାକୁ ସେ ଅସାଧୁ ଉପାୟରେ ହାତେଇଥିବା ଶ୍ରୀ ଜେନା କହିଛନ୍ତି । କରୋନା ସମୟରେ ପ୍ରଦୀପଙ୍କ ବିଳାସ କଥାକୁ ମଧ୍ୟ ସେ ଦୋହରାଇଛନ୍ତି ।

ଲୋକେ କରନା ଭଳି ଭୂତାଣୁର ଭୟ ମଧ୍ୟରେ ପେଶି ହେଉଥିବା ବେଳେ ସେ ଅୟସ କରୁଥିବାର ଅଭିଯୋଗ କରିଛନ୍ତି । ଏଥିସହିତ ସୋରଡାରେ ଶତାଧିକ ଏକର ଜମି ଗଚ୍ଛିତ ରହିଛି ଏବଂ ଏହାର ତଦନ୍ତ ଆବଶ୍ୟକ ବୋଲି ସେ କହିଛନ୍ତି । ମଦଭାଟି, ମଦ ମାଫିଆଙ୍କ ସହ ପ୍ରଦୀପ ଜଡିତ ରହିଛନ୍ତି । ଝିଅ ବାହାଘର ନେଇ ସେ ଲକ୍ଷ ଲକ୍ଷ ଟଙ୍କା ଆଣିଥିବା ଅଭିଯୋଗ କରିଛନ୍ତି ରମେଶ । ଗଞ୍ଜାମ ଜିଲ୍ଲାର ପ୍ରାୟ ଅନେକ ଅଞ୍ଚଳରେ ପ୍ରଦୀପଙ୍କ ଦୁର୍ନୀତି ଚେର ମାଳିଥିବା ସେ କହିଛନ୍ତି । ଏଣୁ ପ୍ରଦୀପ ପାଣିଗ୍ରାହୀଙ୍କ ଗିରଫକୁ ସମର୍ଥନ କରିବା ସହ ଏଭଳି ଗିରଫଦାରୀ ନେଇ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ରମେଶ ଜେନା । (ପାରଳାଖେମୁଣ୍ଡି /ଗରୁଡ ଧ୍ଵଜ ଚୌଧୁରୀ)