ଭୋଟର ହେଲ ପ୍‌ ଲାଇନ୍‌ ଓ ସି-ଭିଜିଲ୍‌ ଆ ପ୍‌ ପାଇଁ ଭାରତ ନିର୍ବାଚନ କମିଶନକୁ ସମ୍ମାନଜନକ ପୁରସ୍କାର

ଭୁବନେଶ୍ୱର (ଓଡିଶା ତାଜା ନିଉଜ୍) ଭୁବନେଶ୍ୱର ତା -18.1.2020 :-  ସୂଚନା, ଯୋଗାଯୋଗ ଓ ପ୍ରଯୁକ୍ତବିଦ୍ୟାର ପ୍ରୟୋଗ ଜରିଆରେ ‘ଭୋଟର ହେଲ ପ୍‌ ଲାଇନ୍‌’ ଏବଂ ସି-ଭିଜିଲ୍‌ ଆପ୍‌ର ସଠିକ୍‌ ଉପଯୋଗ କରି ଭାରତ ନିର୍ବାଚନ କମିଶନ ଇ-ଗଭର୍ଣ୍ଣାନାନ୍ସ କ୍ଷେତ୍ରରେ କମ୍ପ୍ୟୁଟର ସୋସାଇଟି ଅଫ୍‌ ଇଣ୍ଡିଆ ଦ୍ୱାରା ୨୦୧୯ ମସିହା ପାଇଁ ‘ଆଓ୍ୱାର୍ଡ ଅଫ୍‌ ଏକ୍ସିଲେନ୍ସି’ ପୁରସ୍କାର ଲାଭ କରିଛନ୍ତି । କମ୍ପ୍ୟୁଟର ସୋସାଇଟି ଅଫ୍‌ ଇଣ୍ଡିଆ ତରଫରୁ ଭୁବନେଶ୍ୱରର କିଟ୍‌ ପରିସରରେ ପ୍ରଦାନ କରାଯାଇଥିବା ପୁରସ୍କାରକୁ ଭାରତ ନିର୍ବାଚନ କମିଶନଙ୍କ ତରଫରୁ ଆଇ.ସି.ଟି ଓ ସି.ଆଇ.ଏସ.ଓର ନିର୍ଦ୍ଦେଶକ ଡ. କୁଶଲ ପାଠକ ଏବଂ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଶ୍ରୀ ସୁଶୀଲ୍‌ କୁମାର ଲୋହାନୀ ଗ୍ରହଣ କରିଥିଲେ । ସି-ଭିଜିଲ୍‌ ଆ ପ୍‌ ନିର୍ବାଚନ ସମୟରେ ଆଦର୍ଶ ଆଚରଣବିଧିର ଉଲଂଘନ, ଲାଞ୍ଚ କାରବାର, ମାଗଣା ଦାନ, ମଦ ବଣ୍ଟନ, ନିର୍ଦ୍ଧାରିତ ସମୟସୀମା ବାହାରେ ଡାକବାଜି ଯନ୍ତ୍ର ବଜାଇବା ଇତ୍ୟାଦି କାର୍ଯ୍ୟଗୁଡ଼ିକୁ ମୋବାଇଲ୍‌ରେ ଫଟୋନେବା କାର୍ଯ୍ୟରେ ସାହାଯ୍ୟ କରିଥାଏ । ଜଣେ ନାଗରିକ ଏହି ଆପ୍‌ ମାଧ୍ୟମରେ ନିର୍ବାଚନ ସମୟରେ କୌଣସି ଅନୈତିକ କାର୍ଯ୍ୟର ଫଟୋ ବା ଭିଡିଓ କଣ୍ଟ୍ରୋଲ୍‌ ରୁମ୍‌କୁ ପଠାଇବାର ୧୦୦ ମିନିଟ୍‌ ମଧ୍ୟରେ କାର୍ଯ୍ୟାୟାନୁଷ୍ଠାନ ଗ୍ରହଣ କରାଯ୍ୟଇଥାଏ । ସମୁଦାୟ ୧,୭୧,୭୪୫ ଗୋଟି କେସ୍‌ ସି-ଭିଜିଲ୍‌ ଆପ୍‌ ଜରିଆରେ ଗ୍ରହଣ କରାଯାଇଥିବା ବେଳେ ୧,୨୭,୫୬୭(୭୪%) ଗୋଟି କେସ୍‌ ସଠିକ୍‌ ଥିବା ଜଣାଯାଇଛି । ସେହି ପରି ଭୋଟର ହେଲ ପ୍‌ ଲାଇନ୍‌ ଆ ପ୍‌ ଜରିଆରେ ସମୁଦାୟ ୨.୧୬ କୋଟି ନାଗରିକ ଗୁଗୁଲ ପ୍ଲେ ଷ୍ଟୋରରୁ ଡାଉନ୍‌ଲୋଡ୍‌ କରି ବ୍ୟବହାର କରିଥିବା ଜଣା ପଡ଼ିଛି । ଏହି ଆ ପ୍‌ ଜରିଆରେ ଭୋଟର ତାଲିକାରେ ଜଣେ ଭୋଟରଙ୍କ ନାମ ତନଖି, ପଞ୍ଜୀକରଣ, ସ୍ଥାନାନ୍ତରଣ, ସଂଶୋଧନ ଆଦି କାଯ୍ୟୟ କରାଯାଇ ପାରିବ । ‘ଭୋଟର ହେଲ ପ୍‌ ଲାଇନ୍‌’ ଏବଂ ସି-ଭିଜିଲ୍‌ ଆ ପ୍‌ ଗୁଗୁଲୁ ପ୍ଲେ ଷ୍ଟୋରରେ ଉପଲବ୍ଧ ହେଉଛି ।