ପରୀ ପାଇଁ ସରି ମାଗିବ କିଏ…? ଡ୍ରାମା ତ ଡ୍ରାମା ଡବଲ ଡ୍ରାମା – ସୁର ରାଉତରାୟ

1. ରାଜ୍ୟରେ ମୋ ସରକାରର ଡିମ୍ ଡିମ ପିଟୁଥିବା ପୋଲିସ ହତ୍ୟାକାରିକକୁ ନ ଧରିବାର କାରଣ କଣ..?
2. ପୋଲିସ କଣପାଇଁ ସାଇଲେଣ୍ଟ ,ଏହାକୁ ନେଇ ରାଜନୀତିକରଣ  କରାଯାଇ ନାହିଁତ..?
3. ସ୍ପଷ୍ଟ ଭାବେ ଏଥିରୁ ରାଜନୀତିର ଗନ୍ଧ ବାରି ହୋଇ ପଡୁଛି..?
4. କାରଣ କଣ ଥିଲା ଏକ ଛୋଟ ନିଷ୍ପାପ ଶିଶୁଟିକୁ ହତ୍ୟା କରିବାର..?
5. ପୋଲିସ କାହିଁକି ନିଷ୍କ୍ରିୟ ଅବା ସ୍ଥାଣୁ ପାଲଟିଗଲା, ପୋଲିସର ହାତକୁ କିଏ ବାନ୍ଧିଦେଲା ?
6. ନା ପୋଲିସ ଜାଣିଶୁଣି ଚାପିଗଲା ?
7. ଜଣେ ଗୋଟିଏ ହତ୍ୟାକାଣ୍ଡ ଘଟାଇ ସାରିଲା ପରେ ସିଏ ଫେରାର ହୋଇଯିବା କଥା ମାତ୍ର ସିଏ କେମିତି ଖୁଲମଖୁଲା ବିଚରଣ କରିପାରୁଛି ..?

 ଓଡ଼ିଶା ତାଜା ନ୍ୟୁଜ୍ ( ୨୫ ନଭେମ୍ବର ବୁଧବାର )ଭୁବନେଶ୍ୱର :- କଥା ଯାଇ ଦାଣ୍ଡ ପଡି ହାଟରେ ଗଡୁଛି । ନୟାଗଡ ପରୀର କାହାଣୀ ସାରା ଓଡିଶାକୁ ଆଚମ୍ବିତ କରିଦେଇଛି । ଏହି ଘଟଣା ନୟାଗଡର ନିପଟ ଗାଁରୁ ଆରମ୍ଭ ହୋଇ ବିଧାନସଭା ପଯ୍ୟନ୍ତ ପରିସର ମେଲାଇ ଦେଲା । କେଉଁଠି ରହିଲା ଅସୁବିଧା ଯେ ପରୀର ମାତା ପିତାଙ୍କୁ ଆତ୍ମାହୁତି ଦେବାପାଇଁ ବିଧାନସଭା ଆଗକୁ ଆସିବାକୁ ପଡିଲା । ପରୀ ରାଇଜର କାହାଣୀ ଲମ୍ବି ଲମ୍ବି ଚାଲିଛି । କାରଣ କଣ ଥିଲା ଏକ ଛୋଟ ନିଷ୍ପାପ ଶିଶୁଟିକୁ ହତ୍ୟା କରିବାର ? ପୋଲିସ କାହିଁକି ନିଷ୍କ୍ରିୟ ଅବା ସ୍ଥାଣୁ ପାଲଟିଗଲା । ପୋଲିସର ହାତକୁ କିଏ ବାନ୍ଧିଦେଲା ? ନା ପୋଲିସ ଜାଣିଶୁଣି ଚାପିଗଲା ? ଅନେକ ଅସମାହିତ ପ୍ରଶ୍ନ । ଆତ୍ମାହୁତି ଦେଲାବେଳେ ପରୀର ମାତା ପିତାଙ୍କର ବୟାନ ଅନୁସାରେ ପରୀକୁ ଯିଏ ହତ୍ୟା କରିଛି ସିଏ ନିଧଡକ ଖୁଲମଖୁଲା ରାଜରାସ୍ତାରେ ବୁଲୁଛି ।

ପୋଲିସର କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନାହିଁ । ଜଣେ ଗୋଟିଏ ହତ୍ୟାକାଣ୍ଡ ଘଟାଇ ସାରିଲା ପରେ ସିଏ ଫେରାର ହୋଇଯିବା କଥା ମାତ୍ର ସିଏ କେମିତି ଖୁଲମଖୁଲା ବିଚରଣ କରିପାରୁଛି ? ଏ ପ୍ରସଙ୍ଗରେ କଂଗ୍ରେସ ବିଧାୟକ ସୁର ରାଉତରାୟ କହିଛନ୍ତି ମନ୍ତ୍ରୀ ଅରୁଣ ସାହୁ ଜଣେ ଭଦ୍ର ମନ୍ତ୍ରୀ । ସିଏ ଅଭଦ୍ର ନୁହଁନ୍ତି । ସିଏ ଏ ପ୍ରକାର କାମ କରି ନଥିବେ ଇଏ ଗୋଟିଏ ବଡ ଡ୍ରାମା । ନୟାଗଡ ନାଟକୀୟ ହତ୍ୟାକାଣ୍ଡର ପ୍ରକୃତ ପୁଙ୍ଖାନୁପୁଙ୍ଖ ତଦନ୍ତ ହେବାପାଇଁ ସୁର ରାଉତରାୟ କହିଛନ୍ତି ।  ରାଜ୍ୟରେ ମୋ ସରକାରର ଡିମ୍ ଡିମ ପିଟୁଥିବା ପୋଲିସ ହତ୍ୟାକାରିକକୁ ନ ଧରିବାର କାରଣ କଣ ? ପୋଲିସ କଣପାଇଁ ସାଇଲେଣ୍ଟ । ଏହାକୁ ନେଇ ରାଜନୀତିକରଣ କରାଯାଇନାହିଁତ ? ସ୍ପଷ୍ଟ ଭାବେ ଏଥିରୁ ରାଜନୀତିର ଗନ୍ଧ ବାରି ହୋଇ ପଡୁଛି ।