୧୧ କୋଟି ଟଙ୍କା ବ୍ୟୟରେ କାଳିଆବୋଦା – ନୂଆପଡା ଜଗନ୍ନାଥ ରାସ୍ତାର ସଂପ୍ରସାରଣ କରାଯିବ ।।

ଓଡ଼ିଶା ତାଜା ନ୍ୟୁଜ୍ ( ୨୫ ନଭେମ୍ବର ବୁଧବାର )କଟକ :- କଟକର କାଳିଆବୁଦା ଠାରୁ ନୁଆପଡା ଜଗନ୍ନାଥ ରାସ୍ତାର ପ୍ରଶସ୍ତିକରଣ କରାଯିବ। ଏ ନେଇ ନିର୍ବାହୀ ଯନ୍ତ୍ରୀ ଏବଂ ବିଭାଗୀୟ କର୍ତ୍ତୁପକ୍ଷ ଙ୍କ ସହ ପୁର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ୱାଳ ବୁଧବାର ଦିନ ମହାନଦୀବିହାର, ପୋତାପୋଖରୀ,ନୂଆବଜାର ଆଦି ଅଞ୍ଚଳ ପରିଦର୍ଶନ କରିଥିଲେ। ଏହି ରାସ୍ତାରେ ବାରମ୍ବାର ଦୁର୍ଘଟଣା ସାଙ୍ଗକୁ ଟ୍ରାଫିକ୍ ସମସ୍ୟା ଉପୁଜିଥିଲା ବେଳେ ରାସ୍ତାକୁ ସମ୍ପ୍ରସାରଣ କରିବା ପାଇଁ ସ୍ଥାନୀୟ ବାସିନ୍ଦା ବାରମ୍ବାର ଦାବି କରି ଆସୁଥିଲେ ।

ପ୍ରାୟ ୧୧ କୋଟି ଟଙ୍କା ବ୍ୟୟ ଅଟ କଳରେ ଏହି ପ୍ରକଳ୍ପ କରାଯାଉଥିବା ବେଳେ , ଆସନ୍ତା ବର୍ଷକ ଭିତରେ ରାସ୍ତା ପ୍ରଶସ୍ତିକରଣ କାର୍ଯ୍ୟ ସାରିବାକୁ ଲକ୍ଷ୍ୟ ରଖାଯାଇଛି। ପୁର୍ବରୁ ପୁର୍ତ୍ତ ବିଭାଗର ବିଭିନ୍ନ ଯନ୍ତ୍ରୀ ଏବଂ ଚୌଦ୍ୱାର କଟକ ବିଧାୟକ ସୌଭିକ ବିଶ୍ୱାଳ ଙ୍କ ସହ ଏକ ପ୍ରସ୍ତୁତି ବୈଠକ ବସି ଏହି ନିଷ୍ପତ୍ତି ନିଆଯାଇଥିଲା । (କଟକରୁ ଅମୂଲ୍ୟ କୁମାର ବାରିକ ଙ୍କ ରିପୋର୍ଟ)