ଅସହାୟ ସୁଲୋଚନାଙ୍କୁ ଧନପୁର ସୀତାରାମ ସମିତି ପକ୍ଷରୁ ସହାୟତା

ଓଡ଼ିଶା ତାଜାନ୍ୟୁଜ୍ (୨୨ ନଭେମ୍ବର ରବିବାର) କୋରାଇ :- କୋରାଇ ବ୍ଳକ ଅନ୍ତର୍ଗତ ସାଦକପୁର ପଂଚାୟତ ବାରଦା ଗାଁର ସୁଲୋଚନା ଦାଶ ଜଣେ ନିରାଶ୍ରୟା ମହିଳା । ଆର୍ôଥକ ଅନଟନ ଯୋଗୁ ଭଙ୍ଗା ଝାଟିମାଟି ଚାଳ ଛପର ଘରେ ଅତି ଦୟନୀୟ ଅବସ୍ଥାରେ ଦିନ କାଟୁଛନ୍ତି । ଏହି ଘଟଣା କିଛିଦିନ ତଳେ ବିଭିନ୍ନ ଗଣମାଧ୍ୟମରେ ପ୍ରକାଶ ପାଇଥିଲା । ଫଳରେ ସୁଲୋଚନାଙ୍କ ଅଭାବୀ ସଂପର୍କରେ ଜାଣିବା ପରେ ବହୁ ସ୍ୱେଚ୍ଛାସେବୀ ସଂଗଠନ ମଧ୍ୟ ସହଯୋଗ ଓ ସହାୟତାର ହାତ ବଢ଼ାଇ ତାଙ୍କୁ ଆର୍ଥିକ ସହାୟତା ପ୍ରଦାନ କରୁଛନ୍ତି । ଏହିକ୍ରମରେ ଆଜି ଧନେଶ୍ୱର ପଂଚାୟତ ଅନ୍ତର୍ଗତ ଧନପୁର ଗାଁର ସୀତାରାମ ସେବା ସମିତି ପକ୍ଷରୁ ଅସହାୟ ସୁଲୋଚନାଙ୍କୁ ଶୀତ ଦାଉରୁ ରକ୍ଷାପାଇବା ପାଇଁ ବସ୍ତ୍ର, ରାସନ ସାମଗ୍ରୀ ଓ ନଗଦ ଅର୍ଥ ପ୍ରଦାନ କରାଯାଇଥିଲା ।

ସମିତିର ସଭାପତି ଯୁଧିଷ୍ଠିର ସାହୁଙ୍କ ନେତୃତ୍ୱରେ ଉପସଭାପତି ନାରାୟଣ ସାହୁ, ସଂପାଦକ ଆନନ୍ଦ ବେହେରା, ବରିଷ୍ଠ ସଭ୍ୟ କମଲ ସାହୁ, ପ୍ରିୟବ୍ରତ ମାଝୀ, ପ୍ରଳୟ ସାହୁ, ବିଶ୍ୱଜିତ ବୋଇତାଇ, ବିଭୁତି ସାହୁ ପ୍ରମୁଖ ଆଜି ବାରଦା ଗ୍ରାମରେ ପହଂଚି ଅସହାୟ ସୁଲୋଚନାକୁ ଭେଟିଥିଲେ । ଶୀତ ଦଉରୁ ରକ୍ଷାପାଇବା ପାଇଁ କମ୍ବଳ, ଖାଇବାଲାଗି ଚୁଡା, ଚିନି, ବିସ୍କୁଟ, ସେଉ, କାଣ୍ଠିଆ, ଚାଉଳ, ଡାଲି, ଆଳୁ, ପିଆଜ, ସାବୁନ, ତେଲ ଆଦି ରାସନ ସାମଗ୍ରୀ ଓ ନଗଦ ୫୦୦ଟଙ୍କା ପ୍ରଦାନ କରିଥିଲେ । ସମିତି ଦ୍ୱାରା ସାହାୟତା ପାଇ ସୁଲୋଚନା ଉପସ୍ଥିତ କର୍ମକର୍ତ ଓ ସଦସ୍ୟମାନଙ୍କୁ ଧନ୍ୟବାଦ ପୂର୍ବକ କୃତଜ୍ଞତା ଜଣାଇଥିଲେ ।(କୋରାଇରୁ ରଶ୍ମିରେଖା ମଲ୍ଲିକଙ୍କ ରିପୋର୍ଟ)