କଟକ ନଗର କଂଗ୍ରେସ ସଙ୍ଗଠନକୁ ମଜବୁତ କରିବାକୁ ହେଲେ ; ଲୋକମାନଙ୍କ ମୌଳିକ ସମସ୍ୟାକୁ ମୁଖ୍ୟ ପ୍ରସଙ୍ଗ କରିବାକୁ ହେବ

ଓଡ଼ିଶା ତାଜାନ୍ୟୁଜ୍ (୨୨ ନଭେମ୍ବର ରବିବାର)  କଟକ :- କଂଗ୍ରେସ ସଙ୍ଗଠନକୁ ମଜବୁତ କରିବାକୁ ହେଲେ ଲୋକମାନଙ୍କ ମୌଳିକ ସମସ୍ୟାକୁ ମୁଖ୍ୟ ପ୍ରସଙ୍ଗ କରିବାକୁ ହେବ । କର୍ମୀ ମାନଙ୍କୁ ଏହି ଟିପ୍ସ ଦେଇଛନ୍ତି କଂଗ୍ରେସ ଦଳର କଟକ ନଗର ନବ ନିର୍ବାଚିତ ସଭାନେତ୍ରୀ ଗିରିବାଳା ବେହେରା । ଏଥିପାଇଁ ରବିବାର ଦଳ ପକ୍ଷରୁ , ବାରଙ୍ଗ ତ୍ରିଶୁଳିଆ ଠାରେ କର୍ମୀ ସମ୍ମଳନୀର ଆୟୋଜନ କରାଯାଇଥିଲା । ଯେଉଁଥିରେ କି 59 ଟି ୱାର୍ଡ ର କର୍ମୀଙ୍କ ସମେତ , ଜିଲ୍ଲାର କୋଣ ଅନୁକୋଣରୁ ଛୁଟି ଆସିଥିଲେ କର୍ମୀ ମାନେ ଏହି ସମ୍ମଳନୀକୁ । ନବନିର୍ବାଚିତ କଟକ ନଗର କଂଗ୍ରେସ ସଭାପତି ଗିରିବାଳା ବେହେରା ଙ୍କୁ କର୍ମୀ ମାନେ ସ୍ୱାଗତ ସମ୍ବର୍ଦ୍ଧନ କରିଥିଲେ ।

ଏହି ସମ୍ମିଳନୀରେ ବାରବାଟୀ କଟକ ବିଧାୟକ ମହମ୍ମଦ ମୋକିମ୍ ମୁଖ୍ୟ ଅତିଥି ରୂପେ ଯୋଗ ଦେଇ , ପ୍ରତି ୱାର୍ଡରେ ହେଉଥିବା ଲୋକଙ୍କ ସମସ୍ୟା ପ୍ରତି ସମାଧାନ କରିବା ସହ , ସିଏମସି ଅବହେଳା ପ୍ରଦର୍ଶନ କରୁଥିବାରୁ ଏହାକୁ ବିରୋଧ କରିବାକୁ କର୍ମୀମାନଙ୍କୁ ଆହ୍ୱାନ ଦେଇଥିଲେ । ଏହି ଅବସରରେ ଏକ ବନ୍ଧୁ ମିଳନର ଆୟୋଜନ କରାଯାଇଥିଲା । (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ)