ସ୍ଵର୍ଗତ ସାହିତ୍ୟିକ ପଦ୍ମଲୋଚନ ଭୋଇଙ୍କ ସ୍ମୃତି ଉଦ୍ଦେଶ୍ୟରେ କବିତା ଆସର

ଓଡ଼ିଶା ତାଜା ନ୍ୟୁଜ୍ (୨୧ ନଭେମ୍ବର ଶନିବାର ) କଳାହାଣ୍ଡି :-  କଳାହାଣ୍ଡି ଜିଲ୍ଲାର ଅଗ୍ରଣୀ ସାହିତ୍ୟ ଅନୁଷ୍ଠାନ ସାହିତ୍ୟ ମନ୍ଦିର, ନର୍ଲା ପକ୍ଷରୁ ସ୍ଥାନୀୟ ମାଉଣ୍ଟେନ କିଡ଼୍ସ ଇଂରାଜୀ ମିଡିୟମ ସ୍କୁଲ ପରିସରରେ ଏକ କବିତା ଆସର ଅନୁଷ୍ଠିତ ହୋଇଯାଇଛି। ସ୍ଵର୍ଗତ ସାହିତ୍ୟିକ ପଦ୍ମଲୋଚନ ଭୋଇଙ୍କ ସ୍ମୃତି ଉଦ୍ଦେଶ୍ୟରେ ଅନୁଷ୍ଠିତ କବିତା ଆସରରେ ମୁଖ୍ୟ ଅତିଥି ଭାବେ ନବୀନ ଦାଶ, ମୁଖ୍ୟ ବକ୍ତା ରୂପେ କବି ପଦ୍ମଲୋଚନ ମିଶ୍ର ଓ ସମ୍ମାନୀତ ଅତିଥିରେ ବିରଞ୍ଚି ମୁଣ୍ଡ,ଭୀମା ପତ୍ରିକାର ପ୍ରତିଷ୍ଠାତା ମେଦିନୀଧର ଜାନୀ ଯୋଗଦେଇଥିଲେ ।

କବି ହେମନ୍ତ କୁମାର ସାହୁଙ୍କ ସଂଯୋଜନାରେ ଯଜ୍ଞସେନ ପ୍ରଧାନ, ନରସିଂହ ଥପା, କୁମୁଦ ନାଏକ, ଲକ୍ଷ୍ମଣ ବାଗ, ସଂଘମିତ୍ରା ପଣ୍ଡା, ବାସନ୍ତୀ ସାହୁ, କୈଳାସ ଚନ୍ଦ୍ର ସ୍ବାଇଁ,ହିମାଞ୍ଚଳ ସାହୁ ପ୍ରମୁଖ ନିଜସ୍ଵ କବିତା ପାଠ କରିଥିଲେ। ଏଥିରେ ମୋହନ କୁମାର ଭଟ୍ଟ ଓ ସାହିତ୍ୟ ମନ୍ଦିର ସଭାପତି କୁଳମଣି ସାହୁ ମଧ୍ୟ ସାମିଲ ହୋଇଥିଲେ। କବିତା ପାଠ ଅବସରରେ ସାହିତ୍ୟ ମନ୍ଦିର, ନର୍ଲାର କର୍ମକର୍ତ୍ତା ଚୟନ ମଧ୍ୟ ହୋଇଥିଲା ।

ପୁଣି ଥରେ ସଭାପତି ରୂପେ ଲେଖକ, ଶିକ୍ଷାବିତ କୁଳମଣି ସାହୁ, ଉପସଭାପତି ମୋହନ କୁମାର ଭଟ୍ଟ, ସଂପାଦକ କୁମୁଦ ନାଏକ,ସହ ସଂପାଦକ ମେଦିନୀଧର ଜାନୀ, କୋଷାଧ୍ୟକ୍ଷ ନୀଳକଣ୍ଠ ଦଣ୍ଡସେନା,ସଂଗଠକ ଅରୁଣ ପ୍ରଧାନୀ, ମୁଖ୍ୟ ଉପଦେଷ୍ଟା ମଣ୍ଡଳୀରେ ମାଉଣ୍ଟେନ କିଡ଼୍ସ ଇଂରାଜୀ ମିଡିୟମ ସ୍କୁଲର ପ୍ରତିଷ୍ଠାତା ନବୀନ ଦାଶ ଓ ୨୧ଜଣ କାର୍ଯ୍ୟ କାରିଣୀ ସଭ୍ୟ ମନୋନୀତ ହୋଇଥିଲେ । ଶେଷରେ କବି ଅରୁଣ ପ୍ରଧାନୀ ଧନ୍ୟବାଦ ଅର୍ପଣ କରିଥିଲେ ।  (ରିପୋର୍ଟ ପ୍ରଦୀପ କୁମାର ଗଉଡ)