ସୁନା ଚୋରୀ ଘଟଣାରେ ପୋଲିସ ୧୫ଜଣ ଅଭିଯୁକ୍ତ ଙ୍କୁ ଗିରଫ ;  ୬ କିଲୋ ୫୦୧ ଗ୍ରାମ ଚୋରି ସୁନା ଅଳଙ୍କାର ସହିତ ୪ ଲକ୍ଷ ୪୪ ହଜାର ପାଞ୍ଚ ଶହ ଟଙ୍କା ଜବତ 

ଓଡ଼ିଶା ତାଜା ନ୍ୟୁଜ୍ (୧୧ ନଭେମ୍ବର ବୁଧବାର )ଛତ୍ରପୁର :– ଗଞ୍ଜାମ ପୋଲିସକୁ ମିଳିଛି ସଫଳତା । ଜିଲ୍ଲାର ପୁରଷୋତ୍ତମପୁର ଥାନା ଅଞ୍ଚଳରେ ଗତ ମାସ ୧୨ ତାରିଖ ରାତ୍ର ସମୟରେସହୋଇଥିବା ସୁନା ଚୋରୀ ଘଟଣାରେ ପୋଲିସ ୧୦ ଜଣ ଅଭିଯୁକ୍ତ ଙ୍କ ସମେତ ମୋଟ ୧୫ଜଣ ଙ୍କୁ ଗିରଫ କରିବା ସହ ସେମାନଙ୍କ ଠାରୁ ୬ କିଲୋ ୫୦୧ ଗ୍ରାମ ଚୋରି ସୁନା ଅଳଙ୍କାର ସହିତ ୪ଲକ୍ଷ୪୪ ହଜାର ପାଞ୍ଚ ଶହ ଟଙ୍କା ଏବଂ ଏହି ସିନ୍ଧି ଚୋରୀ ଘଟଣାରେ ବ୍ୟବହୃତ ବିଭିନ୍ନ ସାମଗ୍ରୀ ଜବତ କରାଯାଇଛି । ଛତ୍ରପୁର ସ୍ଥିତ ଜିଲ୍ଲା ପୋଲିସ ମୁଖ୍ୟାଳୟରେ ଆୟୋଜିଥ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଦକ୍ଷିଣାଞ୍ଚଳ ପୋଲିସ ଡିଆଇଜି ସତ୍ୟବ୍ରତ ଭୋଇ ।ଏଥିରେ ଗଞ୍ଜାମ ଆରକ୍ଷୀ ଅଧିକ୍ଷକ ବ୍ରିଜେଶ କୁମାର ରାୟ ଙ୍କ ସମେତ ଅତିରିକ୍ତ ଏସ୍.ପି ଠାକୁର ପ୍ରସାଦ ପାତ୍ର ଙ୍କ ସମେତ ପୋଲିସ ବିଭାଗର ବରିଷ୍ଠ ଅଧିକାରୀ ମାନେ ଉପସ୍ଥିତ ରହିଥିଲେ । ଠିକ ଏକ ମାସ ପରେ ସମସ୍ତ ଅଭିଯୁକ୍ତ ମାନେ ଧରାପଡିଛନ୍ତି । ଏଥିରେ ୧୦ ଜଣ ଲୁଟେରା ହୋଇଥିବା ବେଳେ ପାଞ୍ଚ ଜଣ ରିସିଭର୍ ଭାବରେ ସୁନାରୀ କିଣି ଗିରଫ ହୋଇଛନ୍ତି । (ରିପୋର୍ଟ : ଶେଷଦେବ ସାହୁ )