ଓଡ଼ିଶା ତାଜା ନ୍ୟୁଜ (୧ ନଭେମ୍ବର ରବିବାର) ଢେଙ୍କାନାଳ :- ଢେଙ୍କାନାଳ ଓଡ଼ିଶା ତାଜା ନିୟୁଜ୍ (୩୧ ଅକ୍ଟୋବର ଶନିବାର) ଢେଙ୍କାନାଳ :- ଜିଲ୍ଲାରେ ବେଆଇନ ଭାବେ ଚାଲୁଥିବା ଖଣିଖାଦାନ ଗୁଡ଼ିକରେ ଆଜି ଜିଲ୍ଲା ପ୍ରଶାସନ ପକ୍ଷରୁ ଅତର୍କିତ ଭାବେ ଚଢାଉ କରାଯାଇ ଗନ୍ଦିଆ ବ୍ଲକ ନାଗିଆପସି ପଥର ଖଣିରୁ ତିନୋଟି ମାଙ୍କଡ଼ା ପଥର ବୋଝେଇ ଟ୍ରକ ଏବଂ କାମାକ୍ଷାନଗର ଅଞ୍ଚଳରୁ ବେଆଇନ ମାଟି ଚାଲାଣ କରୁଥିବା ଏକ ହାଇୱା ଓ ଗୋଟିଏ ଜେସିବି ମେସିନ୍ କୁ ଜବତ କରିବା ସହ ମାଟି ଚାଲାଣ କରୁଥିବା ଠିକାଦାରଙ୍କ ଠାରୁ ଜୋରିମାନା ବାବଦରେ ଏକ ଲକ୍ଷ ଟଙ୍କା ଆଦାୟ କରାଯାଇଛି। ଆଗକୁ ଏଭଳି ଚଢ଼ାଉ ଜାରି ରହିବ ବୋଲି ଜିଲ୍ଲା ପ୍ରଶାସନ ତରଫରୁ ସୂଚନା ଦିଆଯାଇଛି ।
ଏହି ଚଢ଼ାଉରେ ଉପ-ଜିଲ୍ଲାପାଳ ଶ୍ରୀ ସାଫଲ୍ୟ ମଣ୍ଡିତ ପ୍ରଧାନ, ଗନ୍ଦିଆ ତହସିଲଦାର ଶ୍ରୀ ଆଶିଷ ରଂଜନ ସାହୁ, ଓଡ଼ାପଡ଼ା ଭାରପ୍ରାପ୍ତ ତହସିଲଦାର ଶ୍ରୀମତୀ ସାଗରୀକା ସାହୁ, କପିଳାସ ରେଞ୍ଜର, ଗନ୍ଦିଆ ସବ୍ ଇନ୍ସପେକ୍ଟର ସମେତ ତହସିଲ କର୍ମଚାରୀ ମାନେ ସାମିଲ ଥିଲେ।( ରିପୋର୍ଟ୍ ଅମର ରଞ୍ଜନ ଦାସ)