ଓଡ଼ିଶା ତାଜା ନ୍ୟୁଜ୍ (୨୩ ଅକ୍ଟୋବର ଶୁକ୍ରବାର ) ଗଞ୍ଜାମ :- ଗଞ୍ଜାମ ଏନ ଏ ସି ଅନ୍ତର୍ଗତ ୩ ନମ୍ବର ୱାର୍ଡ ରେ ରହିଥିବା ଶିଶୁ ଉଦ୍ୟାନ ରେ ଅବ୍ୟବସ୍ଥା ଯୋଗୁଁ ଶିଶୁ ମାନେ ମୁହଁ ଫେରୋଉଥିବା ପରିଲକ୍ଷିତ ହେଉଛି । ଯାହାକୁ ନେଇ ଅବିଭାବକ ମହଲରେ ଉଡ଼ବେଗ ପ୍ରକାଶ ପାଉଛି । କିଛି ବର୍ଷ ତଳେ ଶିଶୁ ଉଦ୍ୟାନ ଟି ନିର୍ମାଣ ହୋଇଥିବା ବେଳେ ରକ୍ଷଣାବେକ୍ଷଣ ଅଭାବରୁ କିଛି ଖେଳ ଉପକରଣ ଭାଙ୍ଗି ଯାଇଥିବା ଦେଖିବାକୁ ମିଳିଛି । ଏନ ଏ ସି ପକ୍ଷରୁ ଉଦ୍ୟାନ ରେ ସଫେଇ ବ୍ୟବସ୍ଥା କରାଯାଉନଥିବାରୁ ସେଠାରେ ଗଛ ଲତା ଉଠିଯାଇଥିବା ଦେଖିବାକୁ ମିଳିଛି । ଫଳରେ ଉକ୍ତ ସ୍ଥାନରେ ବିଷାକ୍ତ ସରୀସୃପ ରହି ଶିଶୁ ମାନଙ୍କ ପ୍ରତି ବିପଦ ର ସମ୍ଭାବନା ରହିଛି । ଶିଶୁ ଉଦ୍ୟାନଟି ଆକର୍ଷଣ ହରାଇଥିବା ବେଳେ ଏନ ଏ ସି କର୍ତ୍ୟୁପକ୍ଷ ତୁରନ୍ତ ସେଠାରେ ନୂତନ ଖେଳ ଉପକରଣ ବ୍ୟବସ୍ଥା କରିବା ସହ ସ୍ଵଛତା ପ୍ରତି ଦୃଷ୍ଟି ଦେବାକୁ ବିଭିନ୍ନ ମହଲରୁ ଦାବି ହେଉଛି । ( ରିପୋର୍ଟ : ଶେଷଦେବ ସାହୁ )
