ଓଡ଼ିଶା ତାଜା ନ୍ୟୁଜ (୧୫ ଅକ୍ଟୋବର ଗୁରୁବାର ) ଛତ୍ରପୁର :- ରାୟପୁର ଚେରିଖେଡି ନିକଟରେ ବସ୍ ଦୁର୍ଘଟଣାରେ ମୃତ୍ୟୁବରଣ କରିଥିବା ଛତ୍ରପୁର ବ୍ଲକ ଅନ୍ତର୍ଗତ ସୁନ୍ଦରପୁର ଶ୍ରମିକ ସମୀର ମହାଙ୍କୁଡ ପରିବାର ବର୍ଗ ଙ୍କୁ ଆଜି ମୁଖ୍ୟମନ୍ତ୍ରୀ ଘୋଷଣା କରଥିିବା ୨ଲକ୍ଷ ଟଙ୍କାର ଅନୁକମ୍ପା ସହାୟତା ରାଶି ପ୍ରଦାନ କରାଯାଇଛି । ବୁଧବାର ଛତ୍ରପୁର ତହସିଲ କାର୍ଯ୍ୟାଳୟରେ ତହସିଲଦାର ନୀଳମାଧବ ଭୋଇ ମୃତ ସମୀର ମହାଙ୍କୁଡ ଙ୍କ ପରିବାର ବର୍ଗଙ୍କୁ ୨ଲକ୍ଷ ଟଙ୍କା ଅନୁକମ୍ପା ସହାୟତା ରାଶି ର ଏକ ଚେକ ପ୍ରଦାନ କରିଛନ୍ତି । ଏହି ଚେକ୍ ପ୍ରଦାନ ବେଳେ ମୃତ ସମୀରଙ୍କ ବାପା ରାଜୁ ମହାଙ୍କୁଡ, ମାଆ ମୋଚିଆଣି ମହାଙ୍କୁଡ , ଅବିବାହିତ ବଡ ଭଉଣୀ ଲକ୍ଷ୍ମୀ ଓ ସାନ ଭଉଣୀ ତୁଳସୀ , ସୁନ୍ଦରପୁର ସରପଞ୍ଚ ସସ୍ମିତା ମହାଙ୍କୁଡ, ସମିତି ସଭ୍ୟା ସୁକାନ୍ତି ବେହେରା, ପୂର୍ବତନ ସରପଞ୍ଚ ସୋମନାଥ ବେହେରା, ପୂର୍ବତନ ନାଏବ ସରପଞ୍ଚ ଯୁଧିଷ୍ଠିର ମହାଙ୍କୁଡ , ପୂର୍ବତନ ସମିତି ସଭ୍ୟ ଗଗନ ବେହେରା ଓ ଯୁବ ବିଜେଡି ନେତା କାଳିଆ ନାହାକଙ୍କ ସମେତ ତହସିଲ କାର୍ଯ୍ୟାଳୟର କର୍ମଚାରୀ ମାନେ ଉପସ୍ଥିତ ଥିଲେ । (ରିପୋର୍ଟ : ଶେଷଦେବ ସାହୁ)
