ଓଡ଼ିଶା ତାଜା ନ୍ୟୁଜ ( ୦୯ ଅକ୍ଟୋବର ଶୁକ୍ରବାର ) ପଦ୍ମପୁର :- ପଦ୍ମପୁର ଉପଖଣ୍ତ ପାଇକମାଲ ବ୍ଲକ ଅନ୍ତର୍ଗତ ଟେମରୀ ଗ୍ରାମର ଶ୍ରମିକ ମାନେ ଆଜକୁ ଛଅ ମାସ ପୂର୍ବେ ମନରେଗା ଯୋଜନାରେ ମାଟିକାମ କରିଥିଲେ । ଏକ ସପ୍ତାହର ପାଉଣା ପାଇଥିବା ବେଳେ ଆହୁରି ଦୁଇ ସପ୍ତାହର ଉଚିତ ପ୍ରାପ୍ଯ ଏ ପର୍ଯ୍ଯନ୍ତ ମିଳି ନାହିଁ । ବାରମ୍ବାର ବିଡିଓ, ବ୍ଲକ ଅଧ୍ୟକ୍ଷ, ଜେଇଙ୍କ ଠାରେ ଫେରାଦ ହେଲେ ମଧ୍ୟ କିଛି ସୁଫଳ ହୋଇନାହିଁ । ଏଣୁ ଆଜି ୯ ତାରିଖରେ ଟେମରୀ ଗ୍ରାମର ଶ୍ରମିକ ସର୍ବ ସାରଦୀପ ସୁନା, ଜପ ବାଗ , ଭଗବାନ ମହାନନ୍ଦ, ମହେନ୍ଦ୍ର ବାଗ,ହେମନ୍ତ ନାଗ,ରୁଦୁନା ମହାନନ୍ଦ, ସୁଶାନ୍ତ ବାଗ, ଜୟଦେବ ବରିହା , ରତନ ଠାକୁର ,ଭଗବାନ ବଛା,ମଦନ ସାହୁ ପ୍ରମୁଖ ଗଣ ଧାରଣାରେ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ବସିଛନ୍ତି । ଖବର ଲେଖା ହେବା ପୂର୍ବରୁ କୌଣସି ପ୍ରଶାସନ ପହଞ୍ଚି ପାରିନାହିଁ । (ରିପୋର୍ଟ – ନିରୋଜ କୁମାର ପାଣୀ )
