ବ୍ଲକସ୍ତରୀୟ ମ୍ୟତ୍ସ ଓ ପ୍ରାଣୀ ସମ୍ପଦ ମେଳା ଉଦଘାଟିତ

ଭାପୁର (ଓଡିଶା ତାଜା ନ୍ୟୁଜ ) ନି.ପ୍ର :- ଓଡ଼ିଶା ସରକାରଙ୍କ ମତ୍ସ୍ୟ ଓ ପ୍ରାଣୀ ସମ୍ପଦ ବିକାଶ ବିଭାଗ ନିର୍ଦେଶକ୍ରମେ ନୟାଗଡ ଜିଲ୍ଲା ଓ ଭାପୁର ବ୍ଲକ ମତ୍ସ ଓ ପ୍ରାଣୀ ବିଭାଗ ମିଳିତ ଆନୁକୂଲ୍ୟରେ ଶୁକ୍ରବାରଦିନ ଭାପୁର ସଦରମାହକୁମା ମହୋତ୍ସବ ପଡିଆଠାରେ ବ୍ଲକସ୍ତରୀୟ ମ୍ୟତ୍ସ ଓ ପ୍ରାଣୀ ସମ୍ପଦ ମେଳା ଉଦଘାଟିତ ହୋଇଯାଇଅଛି । ଏହି କାର୍ଯ୍ୟକ୍ରମ ରେ ଭାପୁର ବ୍ଲକ ପ୍ରାଣୀ ଚିକିତ୍ସା ଅଧିକାରୀ ବିଭୂପ୍ରସାଦ ଶତପଥିଙ୍କ ସଭାପତିତ୍ୱରେ ମୁଖ୍ୟ ଅତିଥିଭାବେ ନୟାଗଡ଼ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ତଥା ସ୍ଥାନୀୟ ବିଧାୟକ ଦୁଷ୍ମନ୍ତ କୁମାର ସ୍ୱାଇଁ, ମୁଖ୍ୟବକ୍ତା ଭାବେ ନୟାଗଡ଼ ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ ଡା. ବିଧୁତ ଶେଖର ମିଶ୍ର ଓ ସମ୍ମାନିତ ଅତିଥିଭାବେ କଟକ ସାଂସଦଙ୍କ ନୟାଗଡ଼ ଜିଲ୍ଲାପ୍ରତିନିଧି ଗୟାଧର ପରିଡା,

ଭାପୁର ମଣ୍ଡଳ ଉନ୍ନୟନ ଅଧିକାରୀ ସାରଦା ପ୍ରସନ୍ନ ପଣ୍ଡା,ନୟାଗଡ଼ ଜିଲ୍ଲା ମୁଖ୍ୟମ୍ୟତ୍ସଅଧିକାରିଣୀ ସି ଏଚ ପଲ୍ଲବୀ,୧୯ନଂ ଜୋନ ଜିଲ୍ଲା ପରିଷଦ ସଭ୍ୟ ସୁଶାନ୍ତ କୁମାର ସାହୁ,୨୦ ନଂ ଜୋନ ଜିଲ୍ଲାପରିଷଦ ସଭ୍ୟ ବିଜୟ କୁମାର ସାମନ୍ତରାୟ, ନୟାଗଡ଼ ଜିଲ୍ଲା କୃଷି ବିଜ୍ଞାନ କେନ୍ଦ୍ରର ମୁଖ୍ୟ ବୈଜ୍ଞାନିକ ଅନିଲ କୁମାର ସ୍ୱାଇଁ ଓ ଅତିରିକ୍ତ ପ୍ରାଣୀ ଚିକିତ୍ସା ଅଧିକାରୀ ଡା. ଶିଶିର କୁମାର ସାହୁ ପ୍ରମୁଖ ଯୋଗଦେଇ ଜଗନ୍ନାଥଙ୍କ ପ୍ରତି ମୃତ୍ତିରେ ଫୁଲ, ଚନ୍ଦନ ଓ ପ୍ରଦୀପ ପ୍ରଜ୍ବଳନ କରି ଏହାକୁ ଶୁଭ ଉଦଘାଟନ କରିଥିଲେ।ଭାପୁର ପ୍ରାଣୀଧନ ନିରୀକ୍ଷକ ଲଷ୍ମୀକାନ୍ତ ସାହୁ ଓ ଭି.ଏ.ଏସ ଜ୍ୟୋତ୍ରୀମାୟୀ ପାତ୍ର ମିଳିତ ଭାବେ ମଞ୍ଚ ପରିଚାଳନା ସହିତ ଅତିଥିମାନଙ୍କ ପରିଚୟ ପ୍ରଦାନ କରିଥିଲେ ।

ଏହି କାର୍ଯ୍ୟକ୍ରମରେ ବହୁ ଚାଷୀ, ବିଦ୍ଧିଜୀବୀ, ଶକ୍ଷାବିତ,ମତ୍ସ୍ୟଜୀବୀ,ଛାତ୍ର,ଛାତ୍ରୀ ମହିଳା ସ୍ୱୟଂ ସହାୟକ ଗୋଷ୍ଠୀମାନେ ଅଂଶ ଗ୍ରହଣ କରିଥିଲେ । କୃଷି ଓ ଜୀବିକା ଭିତ୍ତିକ ଚାଷୀ, ମତ୍ସ୍ୟଜୀବୀ ଓ ମହିଳା ସ୍ୱୟଂ ସହାୟକ ଗୋଷ୍ଠୀମାନଙ୍କୁ ଆଧୁନିକ ଜ୍ଞାନକୌଶଳ ଏବଂ ସରକାରୀ ଯୋଜନା ସମ୍ପର୍କରେ ସଚେତନ କରାଇ ସେମାନଙ୍କ ଆୟ ବୃଦ୍ଧି କରିବା,ମତ୍ସ୍ୟଚାଷ, ଗୋପାଳନ, ଛେଳି-ମେଣ୍ଢା ପାଳନ ଏବଂ କୁକୁଡ଼ା ପାଳନକୁ ଲାଭଜନକ କରି ଚାଷୀମାନଙ୍କୁ ଆର୍ଥିକ ଭାବେ ସ୍ୱାବଲମ୍ବୀ କରାଇବା । ପାରମ୍ପରିକ ପଦ୍ଧତି ପରିବର୍ତ୍ତେ ବୈଜ୍ଞାନିକ ଉପାୟରେ ମାଛ ଚାଷ ଓ ପଶୁପାଳନ କରିବା ପାଇଁ ଚାଷୀମାନଙ୍କୁ ତାଲିମ ଏହି ମେଳାର ମୁଖ୍ୟ ଲକ୍ଷ୍ୟବୋଲି ମୁଖ୍ୟ ଅତିଥି ସ୍ଥାନୀୟ ବିଧାୟକ ଦୁଷ୍ମନ୍ତ କୁମାର ସ୍ୱାଇଁ ସମସ୍ତଙ୍କୁ ପରାମର୍ଶ ଦେଇଥିଲେ ।

ଚାଷୀମାନେ ସିଧାସଳଖ ପ୍ରାଣୀ ଚିକିତ୍ସକ ଏବଂ ମତ୍ସ୍ୟ ବିଶେଷଜ୍ଞଙ୍କ ସହ କଥା ହୋଇ ନିଜର ସମସ୍ୟାର ସମାଧାନ କରି କେନ୍ଦ୍ର ଓ ରାଜ୍ୟ ସରକାରଙ୍କ ଯୋଜନା ଯଥା-ମୁଖ୍ୟମନ୍ତ୍ରୀ କାମଧେନୁ ଯୋଜନା, ମୁଖ୍ୟମନ୍ତ୍ରୀ ମତ୍ସ୍ୟଜୀବୀ କଲ୍ୟାଣ ଯୋଜନା, ଏବଂ ପ୍ରଧାନମନ୍ତ୍ରୀ ମତ୍ସ୍ୟ ସମ୍ପଦ ଯୋଜନା ଅଧୀନରେ ମିଳୁଥିବା ରିହାତି ଓ ଋଣ ସୁବିଧା ବିଷୟରେ ମୁଖ୍ୟବକ୍ତା ନୟାଗଡ଼ ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ ଡା. ବିଧୁତ ଶେଖର ମିଶ୍ର ସମସ୍ତଙ୍କୁ ସୂଚନା ଦେଇଥିଲେ।ବ୍ଲକର ଅଗ୍ରଣୀ ତଥା ସଫଳ ମତ୍ସ୍ୟଚାଷୀ ଏବଂ ପଶୁପାଳକମାନଙ୍କୁ ଅନ୍ୟମାନଙ୍କୁ ପ୍ରେରଣା ଦେବା ଉଦ୍ଦେଶ୍ୟରେ ସମସ୍ତ ନିମନ୍ତ୍ରିତ ଅତିଥିମାନେ ପୁରସ୍କୃତ କରିଥିଲେ ।

ଏହି କାର୍ଯ୍ୟକ୍ରମରେ ପ୍ରାଣୀସମ୍ପଦ ବିକାଶ ବିଭାଗ ତରଫରୁ ୪ଟି , ମ୍ୟତ୍ସ ବିଭାଗର ୪ଟି, ମହିଳା ଶିଶୁ ବିକାଶ ବିଭାଗର ୧ଟି, କୃଷି ଓ କୃଷକ ସଶକ୍ତିକରଣ ବିଭାଗର ୧ଟି, ଉଦ୍ୟାନ କୃଷି ବିଭାଗର ୧ଟି ଓ ମିଶାନଶକ୍ତିର ଷ୍ଟଲ ଗୁଡିକ ଆକର୍ଷଣୀ, ଶିକ୍ଷଣୀୟ ଓ ସଚେତନତା ପଦର୍ଶନକୁ ଶିକ୍ଷାବିତ, ବିଦ୍ଧିଜୀବୀ, ଗଣମାଧ୍ୟମ ପ୍ରତିନିଧିମାନେ ପ୍ରଶଂସା କରିଥିଲେ । ଏହି କାର୍ଯ୍ୟକ୍ରମକୁ ଡା. ଶ୍ୱେତ ପଦ୍ମା ଷଡ଼ଙ୍ଗୀ, ଡା.ଆନୟ ନାୟକ, ଡା. ଅରୂପ ମହାନ୍ତି,ଡା.ସୌରଭ ହୋତା, ଖଣ୍ଡପଡା ବ୍ଲକ ପ୍ରାଣୀ ଚିକିତ୍ସା ଅଧିକାରୀ ବିଶ୍ୱରଞ୍ଜନ ରାଉତ ଓ ଭାପୁର ବ୍ଲକ ପ୍ରୋଗ୍ରାମ ଆସିଷ୍ଟାଣ୍ଟ ସାନ୍ଧ୍ୟରାଣୀ ବାରିକ ପ୍ରମୁଖ ସହଯୋଗ କରି ପରିଚାଳନା କରିଥିଲେ । ପରିଶେଷରେ ବ୍ଲକ ସହକାରୀ ମ୍ୟତ୍ସ ଅଧିକାରୀରିଣୀ ଆର ଶ୍ରୁତିଲେଖା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।

Exit mobile version