ନୟାଗଡ଼ (ଓଡ଼ିଶା ତାଜା ନ୍ୟୁଜ) (ନିପ୍ର) :- ପିଏମ ଶ୍ରୀ ବ୍ରଜେନ୍ଦ୍ର ସରକାରୀ ଉଚ୍ଚ ବିଦ୍ୟାଳୟରେ “ବିଦ୍ୟାଳୟ ସ୍ତରୀୟ ବିଜ୍ଞାନ ପ୍ରଦର୍ଶନୀ ୨୦୨୬”ଅତ୍ୟନ୍ତ ଉତ୍ସାହ ଉଦ୍ଦୀପନାର ସହିତ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ଉମାକାନ୍ତ ସେଠୀଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଛାତ୍ରଛାତ୍ରୀ ମାନଙ୍କର ବିଭିନ୍ନ ବିଜ୍ଞାନ ଭିତ୍ତିକ ପ୍ରକଳ୍ପ ପ୍ରଦର୍ଶନ କରି ନିଜର ପ୍ରତିଭା ପ୍ରତି ପ୍ରାଦନ କରିଥିଲେ । ଏହି ପ୍ରଦର୍ଶନୀରେ ବିଚାରକ ଭାବେ ଆଙ୍କୁ ଲାଇ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ପ୍ରଦ୍ୟୁମ୍ନ ନନ୍ଦ୍ର ଏବଂ ସର୍ଦ୍ଦାର ପଟେଲ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ଘନଶ୍ୟାମ ରାଉତ ଯୋଗ ଦେଇ ଛାତ୍ରଛାତ୍ରୀ ମାନଙ୍କ ଦ୍ୱାରା ପ୍ରସ୍ତୁତ ପ୍ରକଳ୍ପ ଗୁଡିକର ମୂଲ୍ୟାଙ୍କନ କରିଥିଲେ ,
ବିଚାର କ ମାନଙ୍କ ମୂଲ୍ୟାଙ୍କନ ଅନୁଯାଇ ବିଭିନ୍ନ ବର୍ଗରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀ ମାନଙ୍କର ନାମ ନିମ୍ନ ପ୍ରଦାନ କରାଗଲା ।* ବରିଷ୍ଠ ବର୍ଗ-ନବମ ଶ୍ରେଣୀର ସୂର୍ଯ୍ୟ ଜ୍ୟୋତି ବେହେରା ପ୍ରଥମ ସ୍ଥାନ ଅଧିକାର କରିଥିବାବେଳେ ଅଷ୍ଟମ ଶ୍ରେଣୀର ଲକ୍ଷ୍ମିଧର ସାହୁ ଦ୍ୱିତୀୟ ଏବଂ ଆଦିତ୍ୟ କୁମାର କର ତୃତୀୟା ସ୍ଥାନ ହାସଲ କରିଛନ୍ତି, କନିଷ୍ଠ ବର୍ଗ-ସପ୍ତମ ଶ୍ରେଣୀର ଖୁସି ସାହୁ ପ୍ରଥମ ସ୍ୱାହାନ ବେହେରା ଦ୍ୱିତୀୟ ଏବଂ ଶୁଭଙ୍କର ବାରିକ ତୃତୀୟ ସ୍ଥାନ ଅଧିକାର କରିଛନ୍ତି ।
ଉପ କନିଷ୍ଠ ବର୍ଗ-ସୁନନ୍ଦା ସାହୁ ପ୍ରଥମ ,ମନରଞ୍ଜନ ସାହୁ ଦ୍ଵିତୀୟ ଏବଂ ଶୁଭଷ୍ମିତା ମୁଦୁଲି ତୃତୀୟ ସ୍ଥାନରେ ରହି ପୁରସ୍କୃତ ହୋଇଛନ୍ତି । ବିଦ୍ୟାଳୟର ବିଜ୍ଞାନ ଶିକ୍ଷୟିତ୍ରୀ ଶ୍ରଦ୍ଧାଞ୍ଜଳୀ ରଥ ଏବଂ ଶିକ୍ଷୟିତ୍ରୀ ପ୍ରିୟଦର୍ଶନୀ ମହାରଣା ଓ ନିଳିମା ପ୍ରଧାନ ସୁଚାର ରୂପେ ପରିଚାଳନା କରିଥିବାବେଳେ ମାର୍ଗଦର୍ଶକ ଭାବେ ବିଦ୍ୟାଳୟର ଶିକ୍ଷକ ମାନସ ରଞ୍ଜନ ଷଡ଼ଙ୍ଗୀ ଓ ଶେଖ ଅଜିଜୁର ରହମାନଙ୍କ ସମେତ ବିଦ୍ୟାଳୟର ଅନ୍ୟ ଶିକ୍ଷକ ଶିକ୍ଷୟିତ୍ରୀ ଓ କର୍ମଚାରୀଙ୍କ ମିଳିତ ସହଯୋଗରେ ସମଗ୍ର କାର୍ଯ୍ୟକ୍ରମଟି ସଫଳତାର ସହ ସମ୍ପାଦିତ ହୋଇ ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରି ଉତ୍ସାହିତ କରିଥିଲେ ।
