କଟକ (ଓଡ଼ିଶା ତାଜା ନ୍ୟୁଜ) (ନିପ୍ର) :- କଟକ ଜିଲ୍ଲା ଅବକାରୀ ଅଧୀକ୍ଷକ ଶ୍ରୀ କରୁଣା ଶଙ୍କର ତିୱାରୀଙ୍କ ନିର୍ଦ୍ଦେଶକ୍ରମେ ଆଠଗଡ ଅବକାରୀ ଉପ- ଅଧୀକ୍ଷକ ଶ୍ରୀ ସି.ଏଚ୍.ତିରୁପତି ଓ ଆଠଗଡ ଅବକାରୀ ନିରୀକ୍ଷକ ଶ୍ରୀ ରବିନାରାୟଣ ପଧାନଙ୍କ ବଛା ବଛା ଅଧିକାରୀମାନଙ୍କୁ ନେଇ ଏକ ଅବକାରୀ ଦଳ ତିଗିରିଆ ଥାନା ଅନ୍ତର୍ଗତ ଭୀରୁଡ଼ା ଉପରଗଡ, ଗରପଡ଼ା, ପାଇକସାହି ,ପଣସ ପାଟଣା ଗ୍ରାମ ଓ ସଂରକ୍ଷିତ ଜଙ୍ଗଲରେ ଏବଂ ଆଠଗଡ ଥାନା ଅନ୍ତର୍ଗତ ଚାନ୍ଦବାଲି ଛକ ନିକଟରେ ଆଠଗଡ ଅବକାରୀ ବିଭାଗ,
ବାଙ୍କୀ ଅବକାରୀ ଥାନା ଏବଂ ନରସିଂହପୁର ଅବକାରୀ ଥାନା ସହିତ ଏକ ମିଳିତ ଚଡାଉରେ ସର୍ବମୋଟ ୨ହଜାର ୨୬୦ ଲିଟର ଦେଶୀ ମଦ, ଗୋଟିଏ ଟିଭିଏସ୍ ଜୁପିଟର ସ୍କୁଟି ଏବଂ ୧୬ହଜାର,୩୪୫ ଲିଟର ମଦ ପ୍ରସ୍ତୁତ ନିମନ୍ତେ ବ୍ୟବହୃତ ହେଉଥିବା ଗୁଡ ପୋଚ ଉଦ୍ଧାର କରାଯାଇ ଘଟଣା ସ୍ଥଳରେ ନଷ୍ଟ କରାଯିବା ସହ ଓଡ଼ିଶା ଅବକାରୀ ଆଇନ ଅନୁଯାୟୀ ୫ ଗୋଟି ମାମଲା ରୁଜୁ କରାଯାଇ ଏହି ଚୋରା ମଦ କାରବାର ରେ ସମ୍ପୃକ୍ତ ଜଣେ ଆସାମୀକୁ ଗିରଫ କରି କୋର୍ଟ ଚାଲାଣ କରାଯାଇଛି l
ଜିଲ୍ଲା ଅବକାରୀ ବିଭାଗର ଏହି ଚଢ଼ାଉରେ ଉପ-ଆଧୀକ୍ଷକ ଶ୍ରୀ ତିରୁପତିଙ୍କ ସହ ଶ୍ରୀ ରବି ନାରାୟଣ ପଧାନ ଅବକାରୀ ନିରୀକ୍ଷକ, ଆଠଗଡ,ଶ୍ରୀ ତରୁଣ କୁମାର ପାତ୍ର, ଭାରପ୍ରାପ୍ତ ଅଧିକାରୀ,ଆଠଗଡ ଅବକାରୀ ଥାନା, ଶ୍ରୀ ବାପି ସାହୁ, ଭାରପ୍ରାପ୍ତ ଅଧିକାରୀ,ବାଙ୍କୀ ଅବକାରୀ ଥାନା, ଶ୍ରୀ ରାଜକିଶୋର ନାୟକ, ଭାରପ୍ରାପ୍ତ ଅଧିକାରୀ, ନରସିଂହପୁର ଅବକାରୀ ଥାନା ଓ ଅନ୍ୟାନ୍ୟ ବହୁ ବରିଷ୍ଠ ଅଧିକାରୀ ଓ ଦକ୍ଷ କର୍ମଚାରୀମାନେ ସାମିଲ ହୋଇଥିଲେ ।
