କଣ୍ଟାବାଞ୍ଜି (ଓଡ଼ିଶା ତାଜା ନ୍ୟୁଜ) (ନିପ୍ର) ତୁରେକେଲା :- ବଲାଙ୍ଗୀର ଜିଲ୍ଲା ତୁରେକେଲା ବ୍ଲକ ଲର୍କୀ ଗ୍ରାମ ପଞ୍ଚାୟତର ରାମୁଡ଼ ଛକ ନିକଟ ହରିଜନ ପଡ଼ାରେ ଦୀର୍ଘ ଦିନ ହେଲା ଭଲ ରାସ୍ତାଟିଏ ନଥିବାରୁ ପଡ଼ାବାସୀ ନାହିଁ ନଥିବା ଅସୁବିଧା ଭୋଗୁଛନ୍ତି। ବର୍ଷା ହେଲେ କାଦୁଅ ପାଣିରେ ଯାତାୟାତ ଅସମ୍ଭବ ହୋଇପଡୁଛି । ଏନେଇ ପଡ଼ାବାସୀ ଧନଞ୍ଜୟ ନାଗ ସମାଜସେବୀ ଭକ୍ତ ଚରଣ ତାଣ୍ଡି ଓରଫ ଅରୁଣ କୁମାର ତାଣ୍ଡିଙ୍କୁ ଫୋନରେ ଜଣାଇଥିଲେ ।
ଖବର ପାଇବା ପରେ ଶ୍ରୀ ତାଣ୍ଡି ନିଜେ ପଡ଼ାକୁ ଯାଇ ଲୋକଙ୍କୁ ଭେଟି ରାସ୍ତାର ବାସ୍ତବ ସ୍ଥିତି ଅନୁଧ୍ୟାନ କରିଥିଲେ । ପରେ ସେ ତୁରେକେଲା ବ୍ଲକ ଉନ୍ନୟନ ଅଧିକାରୀଙ୍କୁ ସ୍ମାରକପତ୍ର ପ୍ରଦାନ କରି ଉକ୍ତ ସ୍ଥାନରେ ଶୀଘ୍ର ସ୍ଥାୟୀ କଂକ୍ରିଟ୍ ରାସ୍ତା ନିର୍ମାଣ ପାଇଁ ଦାବି ଜଣାଇଛନ୍ତି। ଲୋକଙ୍କ ମୌଳିକ ସମସ୍ୟାକୁ ପ୍ରଶାସନ ନିକଟରେ ଉପସ୍ଥାପନ କରିବା ଓ ଗ୍ରାମାଞ୍ଚଳ ବିକାଶ ପାଇଁ ଏଭଳି ପ୍ରୟାସ ଜାରି ରହିବ ବୋଲି ସେ କହିଛନ୍ତି ।
