ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ) (ନିପ୍ର) :- ଅଗ୍ରଣୀ ସାମାଜିକ ପ୍ରତିଷ୍ଠାନ ବିଶ୍ଵ ଓଡ଼ିଆ ପରିବାରର ମାସିକ ବନ୍ଧୁ ମିଳନ ପର୍ବ ଆବାସୀ ବୈଠକ ( Virtual Meet ) ମାଧ୍ୟମରେ ଅନୁଷ୍ଠିତ ହୋଇଯାଇଛି । ଇତ୍ୟବସରରେ ପ୍ରାୟୋଜିତ ବନ୍ଧୁ ମିଳନର ଏହି ମାହେନ୍ଦ୍ର ମୁହୂର୍ତ୍ତରେ ମାସିକ ” ଇ ପତ୍ରିକା ” ପ୍ରଜ୍ଞାନ ” ର ଅକ୍ଟୋବର ମାସ ଦୁର୍ଗା ପୂଜା ସଂଖ୍ୟାକୁ ଶିଳ୍ପୋଦ୍ୟୋଗୀ ତଥା ସମାଜସେବୀ ତପନ କୁମାର ସ୍ଵାଇଁ ବିଶିଷ୍ଟ ଅତିଥି ଭାବେ ଯୋଗ ଦେଇ ଲୋକାର୍ପଣ କରିଥିଲେ । ଇ ପତ୍ରିକାର ସମ୍ପାଦକ ଆଶୁ କବି ହେମନ୍ତ ଜେନାଙ୍କ ସମ୍ପାଦନା ଓ ସଂଯୋଜିକା ସ୍ୱାଗତିକା ଧଳଙ୍କ ଅଳଙ୍କରଣ ଏବଂ କବି ସୁପ୍ରିୟା ସାହୁଙ୍କ ସଂଯୋଜନାରେ ପତ୍ରିକାଟି ଲୋକାର୍ପିତ ହୋଇଥିଲା ।
ଅତିଥି ଭାବେ ଭାରତୀୟ ମଜଦୁର ସଂଘର ପ୍ରାକ୍ତନ କେନ୍ଦ୍ରୀୟ ସଂଗଠନ ସମ୍ପାଦକ କୃଷ୍ଣ ଚନ୍ଦ୍ର ମିଶ୍ର, ବିଶିଷ୍ଟ କବି ସନ୍ତୋଷ କୁମାର ପଣ୍ଡା, ଶିକ୍ଷାବିତ୍ ତଥା ବିଶିଷ୍ଟ କବି ଡଃ ପ୍ରୀତି ପ୍ରତିଭା ଭୋଳ ଆଦି ସମ୍ମାନିତ ଅତିଥି ଭାବେ ଯୋଗ ଦେଇ ” ଆମ ଗାଆଁରେ ଦୁର୍ଗାପୂଜା ” ପ୍ରସଙ୍ଗ ଉପରେ ଆଲୋକପାତ କରିଥିଲେ । ସଂଗଠନର ପ୍ରତିଷ୍ଠାତା ସଜ୍ଜନ ଶର୍ମାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏବଂ ଆଶୁକବି ହେମନ୍ତ ଜେନାଙ୍କ ସଞ୍ଚାଳନରେ ପରିଚାଳିତ ସଭାରେ ବିଶ୍ଵ ଓଡ଼ିଆ ପରିବାରର ପରିଚାଳନା ନିର୍ଦ୍ଦେଶକ ଶିକ୍ଷାବିତ୍ ଭବାନୀ ପ୍ରସାଦ ମିଶ୍ର ସ୍ଵାଗତ ଭାଷଣ,
କବି ରତିନାରାୟଣ ରାଉତ ବେଦପାଠ ଓ ଶାନ୍ତି ମନ୍ତ୍ରପାଠ ଏବଂ କବି ସୁପ୍ରିୟା ସାହୁ ଜଗନ୍ନାଥାଷ୍ଟକଂ ଗାନ କରିଥିବାବେଳେ ବରିଷ୍ଠ କର୍ମକର୍ତ୍ତା ସାମ୍ବାଦିକ ସୁରେଶ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ । କବି ବ୍ରଜ ସୁନ୍ଦର ସାହୁଙ୍କ ସଂଯୋଜନାରେ ଅନୁଷ୍ଠିତ କାବ୍ୟ ସଂଧ୍ୟାରେ କବି ସର୍ବଶ୍ରୀ ଡ ସନ୍ତୋଷ କୁମାର ପଣ୍ଡା, କବି କାହ୍ନୁଚରଣ ପାଣିଗ୍ରାହୀ , କବି ଗୀତାଞ୍ଜଳି ପୃଷ୍ଟି , କବି ଅକ୍ଷୟ କୁମାର ବଳିଆର ସିଂହ , କବି ପ୍ରମୂଖ କବିତା ପାଠ କରିଥିବା ବେଳେ ମହମ୍ମଦ ଆକବର , ଗିରିଜା ମିଶ୍ର ପ୍ରମୂଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
