ରଣପୁର (ଓଡିଶା ତାଜା ନ୍ୟୂଜ ) ନି.ପ୍ର :- ରଣପୁର ଥାନା ଅଧୀନସ୍ଥ ରଣପୁର ସୁଆଁସିଆ ସାହିର ଦୁର୍ଦାନ୍ତ ଅପରାଧୀ ଜିତେନ ଖଟେଇକୁ ଗୁରୁବାର ରାତିରେ ଭୁବନେଶ୍ୱରରୁ ଗିରଫ କଲା ରଣପୁର ପୋଲିସ !’ସୂଚନା ଅନୁଯାୟୀ ରଣପୁର ସୁଆଁଶିଆ ସାହିର ଦୁର୍ଦାନ୍ତ ଆକ୍ରମଣକରୀ ଚିତ୍ତରଞ୍ଜନ ଖଟେଇ ଓରଫ ଜିତେନ୍,ପିତା ଫକୀର ଖଟେଇ !ରଣପୁର ଅଞ୍ଚଳର କାର୍ଯ୍ୟରତ ଯୁବ ସାମ୍ବାଦିକ ମଧୁସୂଦନ ପରିଡ଼ାକୁ ଗତମାସ ୧୫ ସେପ୍ଟେମ୍ବରରେ ରାସନ କିଣୁଥିବାବେଳେ ଜୀବନରୁ ମାରିବା ପାଇଁ ଦିନ ଦ୍ବିପହରେ ପଛପଟୁ ମରଣାତ୍ମକ ଆକ୍ରମଣ କରି ଦୁର୍ଦାନ୍ତ ଆସାମୀ ଜିତେନ୍ ଓ ତାଙ୍କ ସହଯୋଗୀମାନେ ଫେରାର ହୋଇଯାଇଥିଲେ । ସାମ୍ବାଦିକ ମଧୁସୂଦନ ପରିଡ଼ାଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ୧୧୨ ପୋଲିସ ସହାୟତାରେ ରଣପୁର ଡାକ୍ତରଖାନାରେ ଚିକିତ୍ସା ଭର୍ତ୍ତି କରିଥିଲେ l
ପରେ ସାମ୍ବାଦିକ ଶ୍ରୀ ପରିଡାଙ୍କ ସ୍ୱାସ୍ଥ୍ୟ ଗୁରୁତର ଥିବାରୁ ଭୁବନେଶ୍ୱର ସ୍ଥିତ ଏମ୍ସ ହସପିଟାଲକୁ ସ୍ଥାନାନ୍ତର ହୋଇଥିଲେ । ଏମ୍ସ ରେ ବେଡ ନ ମିଳିବାରୁ ସମ୍ ହସପିଟାଲକୁ ସ୍ଥାନାନ୍ତର ହୋଇ ପ୍ରାୟ ୨୦ ଦିନ ଧରି ଚିକିତ୍ସାଧୀନ ହୋଇଥିଲେ। ଏ ସଂକ୍ରାନ୍ତରେ ରଣପୁର ଥାନାରେ କେଶ ନମ୍ବର ୩୧୦/୨୬ ଆଧାରରେ ୧୭ ସେପ୍ଟେମ୍ବରରେ ରେଜିଷ୍ଟ୍ରି ହୋଇଥିଲା । ରଣପୁର ଥାନା ନିରୀକ୍ଷକ ଆଶିଷ ଦେବ ସାହୁ ଆସାମୀମାନଙ୍କୁ ଗିରଫ କରିବା ପାଇଁ ତୀକ୍ଷ୍ମ ନଜର ରଖିବା ସହ ବିଭିନ ସ୍ଥାନରେ ଚଢାଉ ଜାରି ରଖିଥିଲେ। ଜଣେ କତ୍ତବ୍ୟନିଷ୍ଠ ଥାନା ଅଧିକାରୀ ଭାବରେ ବିଳମ୍ବ ହେଲେବି ଆସାମୀ ଚିତ୍ତରଞ୍ଜନ ଖଟେଇ(ଜିତେନ୍ )କୁ ଭୁବନେଶ୍ୱର ପଟିଆସ୍ଥିତ ଭେଙ୍କେଣ୍ଟେଶ୍ଵର୍ ଇଂରାଜୀ ମିଡ଼ିଅମ୍ ସ୍କୁଲ ପରିସରରୁ ଗତକାଲି ରାତିରେ ଗିରଫ କରିଥିବାବେଳେ ଅନ୍ୟ ସହଯୋଗୀମାନେ ଚତୁର ତାର ସହ ଫେରାର ହୋଇଥିବା ଜଣାପଡ଼ିଛି ।
ଆସାମୀ ଚିତ୍ତରଞ୍ଜନ ଖଟେଇ ଅନେକ ଅପରାଧିକ କାର୍ଯ୍ୟକଳାପରେ ଲିପ୍ତ ଥିବା ରଣପୁର ପୋଲିସକୁ ସୂଚନା ମିଳିଛି ! ପୁର୍ବରୁ ମଧ୍ୟ ଝାରପଡ଼ା ଜେଲରେ ଥିବା ଜଣା ପଡ଼ିଛି । ସୁଚନା ଅନୁସାରେ ପାଞ୍ଚ ଜଣଙ୍କ ନାମରେ କେଶ ହୋଇଛି, ଅନ୍ୟମାନେ ହେଲେ ଦୀନବନ୍ଧୁ ପଣ୍ଡା , କୃପାସିନ୍ଧୁ ପଣ୍ଡା ଗ୍ରାମ – ବାସୁଦିଆ , ଅନ୍ୟ ଦୁଇଜଣ ସମ୍ପୃକ୍ତ ଥିବା ନେଇ ପୋଲିସ ତଦନ୍ତ ପରିସର ଭୁକ୍ତ ଥିବା ଜଣାପଡିଛି । ଗିରଫ ଅଭିଯୁକ୍ତ ଜଣକ ଡ୍ରାଇଭର ଭାବରେ ଭେଙ୍କେଟେଶ୍ୱର୍ ସ୍କୁଲରେ କାର୍ଯ୍ୟରତ ଥିବା ଜଣାପଡିଛି। ଅନ୍ୟ ସହଯୋଗୀ ମାନଙ୍କୁ ଗିରଫ ଶୀଘ୍ର କରିବା ପାଇଁ ରଣପୁର ପୋଲିସ ଅଭିଯାନ ଜାରି ରଖିଥିବା ଜଣା ପଡ଼ିଛି।
ଏହି ଗିରଫଦାରୀରେ ରଣପୁର ଥାନା ଅଧିକାରୀଙ୍କୁ ସବ ଇନ୍ସପେକ୍ଟର ହାସିନା ପ୍ରଧାନ ଓ ଅନ୍ୟମାନେ ପୋଲିସ କର୍ମଚାରୀମାନେ ସହଯୋଗ କରିଥିଲେ। ରଣପୁର ଥାନା ଅଧିକାରୀଙ୍କ ସୁଚନା ଅନୁସାରେ ଆସାମୀ ଚିତ ଖଟେଇ ଜଣେ ଖୁନି ଆସାମୀ, ଦୁର୍ଦାନ୍ତ ଅପରାଧୀ, ଯାହା ନାମରେ ୩୦୨, ୩୦୭ ଭଳୀ ଦଫା ଲାଗି ଅନେକ ଥର ଜେଲ ଯାଇଛି । କିଭଳୀ ଭାବରେ ଦୁର୍ଦାନ୍ତ ଅପରାଧୀଙ୍କୁ ଭୁବନେଶ୍ୱରର ପଟିଆ ସ୍ଥିତ ଭେଙ୍କେଣ୍ଟେଶ୍ୱର ଇଂଲିଶ ମିଡ଼ିଅମ୍ ବିଦ୍ୟାଳୟ କର୍ତ୍ତୃପକ୍ଷ ବିନା ଯାଞ୍ଚରେ ଅଭିଯୁକ୍ତର ପୋଲିସ ଭେରିଫିକେଶନ ନକରି ଡ଼୍ରାଇଭର ଭାବେ କାର୍ଯ୍ୟ କରିବା ପାଇଁ ସ୍ବୀକୃତି ଦେଲେ ଜନ ସାଧାରଣ ମାନଙ୍କ ମନରେ ପ୍ରଶ୍ନବାଚୀ ସୃଷ୍ଟି କରିଛି ! ଏହି ବିଦ୍ୟାଳୟ ଉପରେ ଅଧିକ ଯାଞ୍ଚ ପାଇଁ ରାଜ୍ୟ ପୋଲିସ ବିଭାଗ ଉଚ୍ଚ ପଦସ୍ଥ ଅଧିକାରୀଙ୍କୁ ରଣପୁର ଅଞ୍ଚଳବାସୀ ଅନୁରୋଧ କରିଅଛନ୍ତି l
