କଣ୍ଟାବାଞ୍ଜି (ଓଡିଶା ତାଜା ନ୍ୟୂଜ ) (ନି.ପ୍ର) ହିଆଁଲ :- ହିଆଁଲ କ୍ଲଷ୍ଟର ଅନ୍ତର୍ଗତ ବେହେରେନସିଲେଟ ଉଚ୍ଚ ପ୍ରାଥମିକ ବିଦ୍ୟାଳୟରେ ବିଶ୍ୱ ହାତଧୁଆ ଦିବସ ପାଳିତ ହୋଇଯାଇଛି । ପ୍ରଧାନ ଶିକ୍ଷକ କୃଷ୍ଣଚନ୍ଦ୍ର ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ତୁରେକେଲା ଅତିରିକ୍ତ ଶିକ୍ଷା ଅଧିକାରୀ ଜଗବନ୍ଧୁ ମାଝୀ, ହିଆଁଲ ସିଆରସିସି ତଥା ଜୁନିୟର ରେଡକ୍ରସ ପରାମର୍ଶଦାତା ବିରଞ୍ଚି ନାରାୟଣ ଦାଶ ଯୋଗ ଦେଇଥିଲେ । ସିଆରସିସି ଶ୍ରୀ ଦାଶ “ହାତ ଧୋଇବା, ସୁସ୍ଥ ରହିବା” ଉପରେ ସଚେତନ କରାଇ ନିଜେ ହାତ ଧୋଇ ପଦ୍ଧତି ପ୍ରଦର୍ଶନ କରିଥିଲେ ।
ପରେ ଶିକ୍ଷକ, ଛାତ୍ରଛାତ୍ରୀ ଓ ଅଭିଭାବକମାନେ ହାତ ଧୋଇବା ଅଭ୍ୟାସ କରିଥିଲେ। ଶିକ୍ଷକ ଭୁରଷି ରଣା, ତୁଷାରକାନ୍ତ ବଡ଼ଜେନା, ପୃଥ୍ୱୀରାଜ ବାର୍ଲେବଡ଼ିଆ ଓ ଶିଶୁ ସେବିକା ଦୁରପତି ମାଝୀ ସହଯୋଗ କରିଥିଲେ । ଏହା ପରେ ଚଳିତ ବର୍ଷର ଦ୍ୱିତୀୟ ଅଭିଭାବକ ବୈଠକ ଅନୁଷ୍ଠିତ ହୋଇଥିଲା। ବୈଠକରେ ଏସଏମସି ସଭାପତି ଲେମରାଜ ମାଝୀ, ଉପସଭାପତି ଲୀଳେନ୍ଦ୍ରୀ ମହାନନ୍ଦ ଯୋଗ ଦେଇଥିଲେ। ବାଳିକା ସୁରକ୍ଷା, ବାଲ୍ୟବିବାହ, ଶିଶୁ ଶ୍ରମିକ ଓ ନିଶାମୁକ୍ତ ଭାରତ ଉପରେ ଆଲୋଚନା ହୋଇଥିଲା। ଏହି ବୈଠକରେ ୫୦ରୁ ଅଧିକ ଅଭିଭାବକ ଯୋଗ ଦେଇଥିଲେ ।
