ପାରଳାଖେମୁଣ୍ଡି (ଓଡିଶା ତାଜା ନ୍ୟୁଜ ) ନି.ପ୍ର :- ଗଜପତି ଜିଲ୍ଲା ପୋଲିସ କୁ ମିଳିଛି ବଡ଼ ସଫଳତା ପାରଳାଖେମୁଣ୍ଡି ଉପକଣ୍ଠ ସ୍ଥିତ ଦେବିତି ଗ୍ରାମନିକଟରେ ଥିବା ଜୟମାତାଦି କଲ୍ଯାଣ ମଣ୍ଡପରେ ଚାଲିଥିବା ଏକ ବଡ଼ଧରଣର ଜୁଆ ଆଡ୍ଡା ଉପରେ ଗଜପତି ଜିଲ୍ଳାର ତିନୋଟି ପୋଲିସ ଥାନା: ପାରଳାଖେମୁଣ୍ଡି,କାଶୀନଗର ଓ ଗାରାବନ୍ଧ ଥାନା ଅଧିକାରୀଙ୍କ ନେତୃତ୍ୱରେ ଚଢାଉ ୧୨ ଲକ୍ଷ ଟଙ୍କା ସମେତ ୯ଟି କାର, ବାଇକ୍ ୧୦ଟି, ୬୦ ଟି ମୋବାଇଲ ଜବତ କରିବା ସହ ୭୦ ଜଣ ଜୁଆଡିକୁ ଗିରଫ କରାଯାଇଛି ବୋଲି ଏକ ସାମ୍ବାଦିକ ସମ୍ମିଳନୀ ରେ ପାରଳାଖେମୁଣ୍ଡି ଥାନା ଅଧିକାରୀ ପ୍ରଶାନ୍ତ କୁମାର ଭୂପତି ଏକ ସାମ୍ବାଦିକ ସମ୍ମିଳନୀ ରେ ପ୍ରକାଶ କରିଥିଲେ l
ସୂଚନା ଯୋଗ୍ୟ ଏହିକି ଯେ ଗଜପତି ଜିଲ୍ଲାର ସଦର ମହକୁମା ପାରଳାଖେମୁଣ୍ଡି ସହରର ଉପକଣ୍ଠ କେରାଣ୍ଡି ଗ୍ରାମ ପଞ୍ଚାୟତ ଅନ୍ତର୍ଗତ ଦେବିତି ଗ୍ରାମ ନିକଟରେ ଥିବା ଜୟମାତା ଦି କଲ୍ୟାଣ ମଣ୍ଡପ ରେ ଦୀର୍ଘ ମାସ ହେଲା କୋଟି କୋଟି ଟଙ୍କା ର ଜୁଆ ଖେଳ ଚାଲି ଆସୁଥିଲା l ଏଠାରେ ଜୁଆ ଖେଳ ଚଳାଇବା ପାଇଁ ରିକ୍ରେଶନ କ୍ଲବ ଖୋଲିବା ପାଇଁ ରେଜିଷ୍ଟ୍ରେସନ୍ ନିମନ୍ତେ ମଧ୍ଯ ଆବେଦନ ମଧ୍ୟ କରାଯାଇଥିବା ଜଣା ପଡିଛି l ଜୟମାତାଦି କଲ୍ୟାଣ ମଣ୍ଡପର ମାଲିକ ଏହାକୁ ଭଡ଼ାରେ ଆନ୍ଧ୍ରର କେତକ ଜୁଆ ମାଫିଆଙ୍କୁ ଲକ୍ଷାଧିକ ଟଙ୍କାରେ ଭଡାରେ ଦେଇଥିଲେ l ଆନ୍ଧ୍ର ପ୍ରଦେଶର ଏହି ଜୁଆ ମାଫିଆ ଭଡ଼ାରେ ନେବା ପରଠାରୁ ଏଠାରେ କୋଟି କୋଟି ଟଙ୍କାର ଜୁଆ ଖେଳ ଚାଲି ଆସୁଥିଲା l ଯୁଆଖେଳିବା ପାଇଁ ଅଧିକାଂଶ ଜୁଆଡି ଆନ୍ଧ୍ର ପ୍ରଦେଶର ବିଭିନ୍ନ ସ୍ଥାନରୁ ଏଠାକୁ ଆସୁଥିଲେ l
ଯେଉଁମାନେ ଜୁଆ ଖେଳିବାକୁ ଆସୁଥିଲେ ସେମାନଙ୍କ ପାଇଁ ଖାଇବା ପିଇବା ଓ ରହିବା ସହ ସମସ୍ତ ବ୍ୟବସ୍ଥା ଯୋଗାଇ ଦିଆଯାଉଥିଲା l ବାରମ୍ବାର ଏଠି ଜୁଆ ଖେଳ ଆଡ୍ଡା ଚାଲିଛି ସ୍ଥାନୀୟ ଅଞ୍ଚଳର ଗ୍ରାମବାସୀ ଅଭିଯୋଗ କରି ଆସୁଥିଲେ ମଧ୍ଯ କଲ୍ୟାଣ ମଣ୍ଡପର ମାଲିକ ଏହାକୁ ବନ୍ଦ କରିବା ପାଇଁ କିଛି ପଦକ୍ଷେପ ନେଉ ନଥିଲେ l ଯେ ହେତୁ ତାଙ୍କୁ ମୋଟା ଅଙ୍କର ଭଡା ମିଳୁଥିଲା l ଏଠାରେ ଜୁଆ ଖେଳ ଚଳାଇ ଆସୁଥିବା ଆନ୍ଧ୍ର ପ୍ରଦେଶର ଜୁଆ ମାଫିଆ ମାନେ ସ୍ଥାନୀୟ କୁଜି ନେତା, ପୋଲିସ ଓ ପ୍ରଶାସନିକ ଅଧିକାରୀ ଙ୍କୁ ମାସିକ ପାଉଣା ଫିକ୍ସ କରି ଦେଉଥିଲେ l
ଏପରିକି ଗଜପତି ଜିଲ୍ଳା ପ୍ରଶାସନ ର ଜଣେ ବରିଷ୍ଠ ପ୍ରଶାସନିକ ଅଧିକାରୀଙ୍କୁ ମଧ୍ଯ ଖାଇବାକୁ ପଠାଉ ଥିଲେ l ଏତେ ବଡ଼ ଧରଣର ଜୁଆ ଆଡ୍ଡା ଏବଂ ଜୁଆଖେଳ ଧରାପଡ଼ିବା ପରେ ଏବେ ଏହାକୁ ନେଇ ସାରା ରାଜ୍ୟରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି l ଦିନ ଥିଲା ମହାରାଜା ଶ୍ରୀ କୃଷ୍ଣଚନ୍ଦ୍ର ଗଜପତି ନାରାୟଣ ଦେବଙ୍କ ଜନ୍ମ ଭୁମି ପାରଳାଖେମୁଣ୍ଡି କୁ ସାରା ରାଜ୍ୟରେ ସାହିତ୍ୟ, କଳା ଓ ସଂସ୍କୃତିର କେନ୍ଦ୍ର ଭାବରେ ରାଜ୍ୟରେ ଖ୍ୟାତି ରହିଥିଲା l ଆଜିର ଦିନରେ ଏ ପାରଳାଖେମୁଣ୍ଡି ସହର କହିଲେ ଜୁଆଡ଼ି ଓ ମଦୁଆ ଙ୍କ ସହର ବୋଲି କହିବାକୁ ବାଧ୍ୟ ହୋଉଛନ୍ତି l
