କଟକ (ଓଡିଶା ତାଜା ନ୍ୟୁଜ ) ନି.ପ୍ର :- କଟକ ମଧୁପାଟଣା ସ୍ଥିତ ଡ୍ରିମ ଇଣ୍ଡିଆ ପବ୍ଲିକ ସ୍କୁଲରେ ଶିଶୁ ପ୍ରତିଭା ପୁରସ୍କାର ବିତରଣୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଅଭୀପସାର ପ୍ରତିଷ୍ଠାତା ସମ୍ପାଦକ ସଂଗ୍ରାମ କେଶରୀ ନାୟକ ମୁଖ୍ୟ ଅତିଥି ଭାବେ ଯୋଗଦେଇ ପ୍ରତ୍ୟେକ ଶିଶୁ ପ୍ରତିଭାବାନ ପ୍ରତ୍ୟେକଙ୍କ ଠାରେ କିଛି ନା କିଛି ଅସାଧାରଣ ପ୍ରତିଭା ଲୁଚି ରହିଥାଏ , ତାକୁ ପରିପ୍ରକାଶ କରିବା ପାଇଁ ଉପଯୁକ୍ତ ପରିବେଶ, ପ୍ରୋତ୍ସାହନ ଲୋଡା ବୋଲି ଗୁରୁତ୍ୱାରୋପ କରିଥିଲେ ।
ଏଥିରେ ସୁଲତା ଚାରିଟେବୁଲ ଟ୍ରଷ୍ଟର ଅଧ୍ୟକ୍ଷା ସୁଲତା ପଣ୍ଡା ସମ୍ମାନୀତ ଅତିଥି ଭାବେ ଯୋଗ ଦେଇ ଶିଶୁମାନଙ୍କୁ ସବୁ ବେଳେ ଆକଟ ନ କରି ସ୍ନେହ ମମତା ଦେବାକୁ ପରାମର୍ଶ ଦେଇଥିଲେ । ଏହି ଅବସରରେ ବିଦ୍ୟାଳୟର ସଂଗୀତ କ୍ଷେତ୍ରରେ ପାରଦର୍ଶିତା ଲାଭ କରିଥିବା କୃତି ଛାତ୍ର ରାଜଦୀପ ମହାନ୍ତିଙ୍କୁ ଅଭୀପସା ଶିଶୁ ପ୍ରତିଭା ପୁରସ୍କାର ରେ ସମ୍ମାନିତ କରାଯାଇଥିଲା ।
ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସରୋଜା ପଣ୍ଡା ଅଧ୍ୟକ୍ଷତା କରିଥିବାବେଳେ ଶିକ୍ଷୟିତ୍ରୀ ଯୋଗମାୟା ଦାଶ ଓ ଶିକ୍ଷୟିତ୍ରୀ ବର୍ଷା ରାଣୀ ରାୟ ପ୍ରମୁଖ ଉପସ୍ଥିତ ରହିଥିଲେ । ଏହି କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଛାତ୍ର ଛାତ୍ରୀମାନେ ଅଂଶ ଗ୍ରହଣ କରିଥିଲେ l
