ଓଡ଼ିଶା ତାଜା ନ୍ୟୁଜ ( ୩ ଅକ୍ଟୋବର ଶନିବାର ) ଢେଙ୍କାନାଳ :- ଜିଲ୍ଲା କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ୍ ମୁକ୍ତାପଶି ଫରେଷ୍ଟ ସେକ୍ସନ ଅନ୍ତର୍ଗତ ମଝିଖମଣ ଗ୍ରାମରେ ଏକ ଦନ୍ତାହାତୀ ଆକ୍ରମଣରେ ଜଣେ ମହିଳାଙ୍କ ମୃତ୍ୟୁ ଘଟିଛି । ମୃତ ମହିଳା ଜଣଙ୍କ ମୁକ୍ତାପଶି ଗ୍ରାମର ମାଧବ ସାହୁଙ୍କ ସ୍ତ୍ରୀ ନେତ୍ରମଣି ସାହୁ (୪୮) ବୋଲି ଜଣାପଡିଛି । ସୂଚନାଯୋଗ୍ୟ, ମହିଳା ଜଣଙ୍କ ଆଜି ଭୋରୁ ତାଙ୍କ ନିଜ ବିଲକୁ ଯାଉଥିବା ସମୟରେ ଏକ ଦନ୍ତାହାତୀ ସହ ମୁହାଁମୁହିଁ ହୋଇଥିଲା । ସେଠାରେ ଦନ୍ତା ମହିଳାଙ୍କୁ ଶୁଣ୍ଢରେ କଚାଡି ଦେବାରୁ ଘଟଣାସ୍ଥଳରେ ତାଙ୍କର ପ୍ରାଣବାୟୁ ଚାଲି ଯାଇଥିଲା । ଖବର ପାଇ ବନ ବିଭାଗ ଅଧିକାରୀ ଘଟଣାସ୍ଥଳରେ ପହଂଚି ମୃତଦେହକୁ ଉଦ୍ଧାର କରିଛନ୍ତି । ମୃତ୍ୟୁବରଣ କରିଥିବା ମହିଳାଙ୍କ ପରିବାରଙ୍କୁ ସହାୟତା ନିମନ୍ତେ ଜନସାଧାରଣରେ ଦାବି ହେଉଛି । ( ରିପୋର୍ଟ – ଅମର ରଞ୍ଜନ ଦାସ )
