ଓଡ଼ିଶା ତାଜା ନ୍ୟୁଜ ( ୩ ଅକ୍ଟୋବର ଶନିବାର ) ଚଣ୍ଡିଖୋଲ :- ଘରେ ପଶି ଆସବାବ ପତ୍ର ଭଙ୍ଗାରୁଜା କରିବା ସହିତ ଧମକ ଦେବା ଘଟଣାରେ କାର୍ଯ୍ୟାନୁଷ୍ଠାନ ଶୁନ । ଧର୍ମଶାଳା ପୋଲିସର ନୀରବତା ଯୋଗୁ ନ୍ୟାୟ ପାଇଁ ଯାଜପୁର ଆରକ୍ଷୀ ଅଧୀକ୍ଷକଙ୍କ ନିକଟରେ ଗୁହାରି କରିଛନ୍ତି ଆରୁହା ପଞ୍ଚାୟତ ନାନପୁର ଗ୍ରାମର ଦିଲ୍ଲୀପ କର ଓ ତାଙ୍କ ପତ୍ନୀ । ଖବର ଅନୁଯାୟୀ ଗତ ୨୭ ତାରିଖ ଦିନ ଦିଲ୍ଲୀପଙ୍କ ଘରେ କେତେଜଣ ବ୍ୟକ୍ତି ପଶି ତାଙ୍କ ପତ୍ନୀ, ପୁଅ ଓ ଝିଅଙ୍କୁ ଆକ୍ରମଣ କରି ଲହୁଲୁହାଣ କରିଥିଲେ । ଏ ନେଇ ଦିଲ୍ଲୀପ ଧର୍ମଶାଳା ଥାନାରେ ଏତଲା ଦେଇଥିଲେ । ପୋଲିସ ମାମଲା ରୁଜୁ କରିଛି । କିନ୍ତୁ ଆଜିଯାଏ କାହାରିକୁ ଧରିପାରୁନି । ଫଳରେ ତାଙ୍କ ପରିବାର ପ୍ରତି ବିପଦ ଥିବା ଦର୍ଶାଇ ଦିଲ୍ଲୀପ ଏସପିଙ୍କୁ ଜଣାଇଛନ୍ତି । ଦାବି କରିଛନ୍ତି ଦୁର୍ବୃତ୍ତ ମାନଙ୍କୁ ତୁରନ୍ତ ଗିରଫ କରାଯାଉ । ( ଦୀପ୍ତିମାନ ପତି / ଯାଜପୁର )
