ଚାନ୍ଦପୁର ଥାନା ମାମଲା ନଂ ୧୮୫/୨୦୨୬କୁ ବାଡ଼ ଫସଲ ଖାଇବା ପରି ଥାନାଧିକାରୀ ଭାରତୀୟ ନ୍ୟାୟ ସଂହିତା ର ଧାରାକୁ ସନ୍ନିହିତ ନ କରିଥିବା ଘଟଣାକୁ ନେଇ ଅଭିଯୋଗ କରି ବିଭାଗୀୟ କର୍ତ୍ତୃପକ୍ଷ ଙ୍କ ଦୃଷ୍ଟି ଆକର୍ଷଣ କଲେ ।
ଟାଙ୍ଗୀ (ଓଡିଶା ତାଜାନ୍ୟୁଜ ) ନି. ପ୍ର :- ନୟାଗଡ଼ ଜ଼ିଲା ଚାନ୍ଦପୁର ଥାନାଧିକାରୀ ଅଭୟ କୁମାର ବେହେରା କେତେବେଳେ କଣ କହୁଛନ୍ତି ସେ ନିଜେ ଜାଣି ପାରୁନାହାଁନ୍ତି । ପ୍ରଥମେ କହିଲେ ମାମଲାଟି ୧୯୩/୨୦୨୬ରେ ପଞ୍ଜିକୃତ ହୋଇଛି । ସେହି ଅନୁସାରେ ଖବର ପ୍ରକାଶିତ ହେଲା । ସିଟିଜେନ ପୋର୍ଟାଲ ରୁ ଜଣାପଡିଲା ତାହା ୧୮୫/୨୦୨୬ତାଙ୍କୁ ଏହା ପଚାରିବାରେ ପୂର୍ବ କଥାକୁ ଦୋହରାଇଲେ । ପୁଣି ଅଧଘଣ୍ଟା ପରେ ଭୁଲକୁ ସ୍ୱୀକାର କଲେ । ପ୍ରଥମରୁ ବାଡ଼ ଫସଲ ଖାଇବା ପରି ଆଚରଣ କରି ନିଜେ ଆଉ ନିଜ ଆୟତରେ ନଥିବା ଭଳି ଜଣାପଡୁଛି ।
ଗତ ୧୬ତାରିଖ ସନ୍ଧ୍ୟାରେ ନୂଆପଡ଼ା ଗ୍ରାମର ଅମୀୟ ବଳିୟାରସିଂହ ଙ୍କୁ କେରାଣ୍ଡାଟାଙ୍ଗୀ ବଜାରରେ ଯେପରି ମରଣାନ୍ତକ ଆକ୍ରମଣ କରି ଜୀବନରେ ମାରିଦେବାର ପ୍ରୟାସ କରାଯାଇଥିଲା ସେହି ଘଟଣାରେ ତାଙ୍କ ଭାଇ ସମିତି ସଭ୍ୟ ଶିଶିର ଚାନ୍ଦପୁର ଥାନାରେ ଲିଖିତ ଅଭିଯୋଗ କରିଥିଲେ । ପୁଲିସ ମଧ୍ୟ ମୁମୁର୍ଷୁ ଅବସ୍ଥାରେ ଗୁରୁତ୍ତର ଆହତ ଅମୀୟଙ୍କୁ ଘଟଣା ସ୍ଥଳରୁ ଉଦ୍ଧାର କରି ଚାନ୍ଦପୁର ବସନ୍ତ ମଞ୍ଜରୀ ସାଧାରଣ ଚିକିତ୍ସାଳୟରେ ଭର୍ତ୍ତି କରିଥିଲେ।ପରେ ତାଙ୍କୁ ଭୁବନେଶ୍ୱର ସ୍ଥାନାନ୍ତରିତ କରାଯାଇଥିଲା ।
ଏବେ ସେ ଜୀବନମରଣ ସମସ୍ୟା ଦେଇ ଗତି କରୁଛନ୍ତି । ଏହି ଆକ୍ରମଣ ମୁଖ୍ୟତଃ ବେଆଇନ କଳାମୁଗୁନି ପଥର ଖଣି ଖନ ନ ଓ ଚାଲାଣକୁ ବିରୋଧ କରିବା ଘଟଣା ରେ ଖଣି ମାଫିଆ ମାନେ ଯୋଜନା ବଦ୍ଧ ଭାବେ କରିଥିଲେ । ସେମାନଙ୍କ ମଧ୍ୟରୁ ବିପିନ ପାଢୀଙ୍କୁ ବାଦ ଦେଇ ଆକ୍ରମଣ କାରୀ ମାନଙ୍କ ବିରୋଧରେ ଭାରତୀୟ ନ୍ୟାୟ ସଂହିତାର ୧୦୯ଧାରାକୁ ସନ୍ନିହିତ ନକରି ପ୍ରତ୍ୟକ୍ଷ ଭାବେ ସେମାନଙ୍କୁ ସହାୟତା ପ୍ରଦାନ କରାଯାଇଛି ।
ଏହି ବେଆଇନ ଖଣି ଖନ ନ ପୁଲିସ ଓ ମାଫିଆମାନଙ୍କ ମଧୁଚନ୍ଦ୍ରିକାରେ ହୋଇ ପରିବେଶ ପ୍ରଦ୍ୟୁଷିତ ହେବା ସାଙ୍ଗକୁ ନୂଆପଡା ଓ ପଡୋଶୀ ଗ୍ରାମରେ ଅଶାନ୍ତିକର ବାତାବରଣ ସୃଷ୍ଟି କରୁଥିଲା । ବିରାଡ଼ିକୁ ହାତକାମୁଡା ଶିଖାଇ ପରେ ତାକୁ ବାରଣ କଲାବେଳକୁ ପୁଲିସ ଆଉ ନିରପେକ୍ଷ ହେବା ସହଜ ନୁହେଁ । ତେଣୁ ସେହି ମାନଙ୍କ ପ୍ରରୋଚନାରେ କାର୍ଯ୍ୟ କରିବା ବ୍ୟତୀତ ତାଙ୍କର ଅନ୍ୟଗତି ନଥିବା ପରି ଲକ୍ଷ୍ୟ କରାଯାଉଛି ।
ପ୍ରଚଳିତ ଆଇନ କୁ ଅଣଦେଖାକରି ଥାନାଧିକାରୀ ଶ୍ରୀ ବେହେରା ଯେପରି ଦିନବେଳେ ହାରକିନ ଦେଖାଇ ଦଫା ଲଗାଇଛନ୍ତି ତାହାର ସଂଶୋଧନ କରି ଥାନାଧିକାରୀଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ ନିମିତ୍ତ ଅଭିଯୋଗ କାରୀ ଶିଶିର ବଳିୟାରସିଂହ ନୟାଗଡ଼ ଆରକ୍ଷୀ ଅଧିକ୍ଷକ, ରାଜ୍ୟ ପୁଲିସ ମହାନିର୍ଦ୍ଦେଶକ ଓ ରାଜ୍ୟସରକାରଙ୍କ ଗୃହ ସଚିବଙ୍କ ଦୃଷ୍ଟି ଲିଖିତ ଭାବେ ଆକର୍ଷଣ କରିଥିବା ସୂଚନା ମିଳିଛି ।
