ପୁରୀ (ଓଡ଼ିଶା ତାଜା ନ୍ୟୁଜ) (ନିପ୍ର) :- କେନ୍ଦ୍ରୀୟ ଶ୍ରମିକ ସଂଗଠନ ଓ ସଂଯୁକ୍ତ କିଶାନ ମୋର୍ଚ୍ଚାର ମୋର୍ଚ୍ଚା ର ଦେଶବ୍ୟାପୀ ଆନ୍ଦୋଳନ ଡାକରାରେ ଅଗଷ୍ଟ ୧୦ତାରିଖରେ ପୁରୀ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ଓ ପ୍ରତିବାଦ ସଭା ଅନୁଷ୍ଠିତ ହୋଇଯାଇଅଛି । ଶ୍ରମିକ ବିରୋଧୀ ୪ଟି ଶ୍ରମକୋଡ ବାତିଲ କରିବା, ସ୍କିମ ୱାର୍କର ଅଙ୍ଗନୱାଡ଼ି କର୍ମୀ ସହାୟିକା, ମଧ୍ୟାହ୍ନ ଭୋଜନ ପାଚିକା, ମିଶନଶକ୍ତି ଗୋଷ୍ଟି ସହାୟିକା, ଆଶାକର୍ମୀ ପ୍ରଭୂତିଙ୍କୁ ସରକାରୀ ମାନ୍ୟତା ପ୍ରଦାନ କରିବା,
ଯୁବକଙ୍କୁ ନିଯୁକ୍ତି ଗ୍ୟାରେଣ୍ଟି, କୃଷିଜାତ ଦ୍ରବ୍ୟର ଲାଭଜନକ ଦର ଦେବାପାଇଁ ଆଇନ ପ୍ରଣୟନ,୨୦୨୫ କଳା ବିଦୁତ୍ ସଂଶୋଧନ ଆଇନ ପ୍ରତ୍ୟାହାର, କୃଷକ ଓ ଗରୀବ ଲୋକଙ୍କୁ ଋଣ ଛାଡ କରିବା, ବୃହତ୍ ପୁଞ୍ଜିପତି ଙ୍କ ଉପରେ ଅଧିକ ଟିକସ ବସାଇବା, ସରକାରୀ ସମ୍ପତ୍ତି ଓ ବେବସାୟ ପ୍ରତିଷ୍ଠାନର ଘରୋଇକରଣ ବନ୍ଦ କରିବା, ଜନସାଧାରଣଙ୍କୁ ଶିକ୍ଷା ଓ ସ୍ୱାସ୍ଥ୍ୟ ଏକ ଅଧିକାର ଭାବେ ଗ୍ୟାରେଣ୍ଟି ଦେବା, ସର୍ବନିମ୍ନ ମଜୁରୀ ମାସିକ ୪୨ହଜାର ପ୍ରଦାନ କରିବା,
ଆମେରିକା ସହ ଦେଶ ସ୍ୱାର୍ଥ ବିରୋଧୀ ବାଣିଜ୍ୟ ଚୁକ୍ତି ବାତିଲ କରିବା ପ୍ରଭୃତି ଦାବୀରେ କେନ୍ଦ୍ରୀୟ ଶ୍ରମିକ ସଂଗଠନ ଏଆଇଟିୟୁସି, ସିଆଇଟିୟୁ, ଏଆଇଏଫ୍ ଟିୟୁ ଓ କୃଷକ ସଂଗଠନମାନଙ୍କ ନେତୃତ୍ଵରେ ଏକ ଶୋଭାଯାତ୍ରା ଗୋପବନ୍ଧୁ ଆୟୁର୍ବେଦ ମହାବିଦ୍ୟାଳୟ ଛକଠାରୁ ବାହାରି ପୁରୀ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ଓ ପ୍ରତିବାଦ ସଭା କରାଯାଇଥିଲା। ସିପିଆଇ ର ପୂର୍ବତନ ରାଜ୍ୟ ସମ୍ପାଦକ ଆଶିଷ କାନୁନଗୋ, ଶିକ୍ଷକ ନେତା ସୁରେନ୍ଦ୍ର ଜେନା,କୃଷକ ନେତା ଜଗନ୍ନାଥ ଦେଓ, ପ୍ରଦୀପ୍ତ ମହାନ୍ତି,କୃଷ୍ଣଚନ୍ଦ୍ର ରାଉତ,
ମନୋରଞ୍ଜନ ପରିଡା, ଏ ଆଇଟିୟୁସି ର ଶ୍ରମିକ ନେତା ବ୍ରଜବନ୍ଧୁ ପ୍ରଧାନ, ହରିହର ସେନାପତି,ବନମାଳୀ ସାହୁ,ସିଆଇଟିୟୁ ର ଶରତ ରାୟଗୁରୁ, ଟୁନା ନାୟକ,ପୀତବାସ ବେହେରା,ନୀଳଗିରି ମୋଟର କର୍ମଚାରୀ ସଂଘ ସମ୍ପାଦକ ଅଜୟ କୁମାର ମିଶ୍ର,ଅଙ୍ଗନୱାଡ଼ି କର୍ମୀ ସଂଘ ନେତ୍ରୀ ପ୍ରତିଭା ପରିଡା, ଲକ୍ଷ୍ମୀପ୍ରିୟା ମହାପାତ୍ର, ମିଶନଶକ୍ତି ଗୋଷ୍ଟିର ସହାୟିକା ସଂଘ ନେତ୍ରୀ ଅନୁସୂୟା ପ୍ରଧାନ, ଅଟୋ ଚାଳକ ସଂଘ ନେତା ବିପିନ ସାହୁ, ରେଳବାଇ ଠିକା ଶ୍ରମିକ ସଂଘ ନେତା ରଞ୍ଜନ ବଡୁ, ଗୋବିନ୍ଦ ମାଝୀ, ପ୍ରମୁଖ ଆଜିର ଆନ୍ଦୋଳନର ନେତୃତ୍ଵ ନେଇଥିଲେ ।
