ପୁରୀ (ଓଡ଼ିଶା ତାଜା ନ୍ୟୁଜ) (ନିପ୍ର) :- ଏ ୩୨୦ ଏୟାରବସ ଆକାଶ ପଥରେ ଦେଶ ବିଦେଶରେ ଉଡି ବୁଲୁଥିଲା । ୧୪୦ ଜଣ ଯାତ୍ରୀ ଏହି ପ୍ଲେନରେ ଯାଉଥିଲେ । ବିମାନ ଟି ୨୦୧୧ ମସିହାରୁ ସେବା ଯୋଗାଇ ନପାରି ପଡି ରହିଥିଲା । ବିମାନଟି ଫ୍ରାନ୍ସ ଦ୍ବାରା ନିର୍ମିତ ହୋଇ ଭାରତରେ ପଞ୍ଜୀକୃତ ହୋଇଥିଲା । ଏହାର ନିର୍ମାଣ କ୍ରମିକ ନମ୍ବର ଏମଏସଏନ-୦୪୬ । ଏହା ୧୪ ଏପ୍ରିଲ ୧୯୮୯ ରେ ମୁମ୍ବାଇ ରୁ ଦିଲ୍ଲୀ ଉଡ଼ାଣ ହୋଇଥିଲା । ପରେ ଦିଲ୍ଲୀ ରୁ ଲଣ୍ଡନ ଓ ଦିଲ୍ଲୀ ରୁ କାଠମାଣ୍ଡୁ ଯାଉଥିଲା । ଏଥିରେ ୧୪୦ ଟି ସିଟ୍ ଥିଲା ।
୨ ଟି ଟର୍ବୋ ଡେଣା ଓ ଗୋଟିଏ ଲାଞ୍ଜ ରହିଥିଲା । କେହି ଭାବିନଥିଲେ ଯେଉଁ ଏୟାରବସ ଦିନେ ଆକାଶରେ ଉଡୁଥିଲା ଓ ଯାତ୍ରୀଙ୍କୁ ସେବା ଯୋଗାଉଥିଲା ତାହା ଏବେ ଦ୍ବିତୀୟ ଜୀବନ ଆରମ୍ଭ କରିବ । ଆକାଶ ପଥରେ ରାଜୁତି କରୁଥିଲା ଏବେ ସ୍ଥଳ ପଥରେ ରାଜୁତି କରିବ । ୪ ଦିନ ହେଲାଣି ଶ୍ରୀସେତୁ ନିକଟରେ ଦର୍ଶକଙ୍କ ଭିଡ ଜମିଛି । ଏହା ମୁମ୍ବାଇ ଏୟାର ପୋର୍ଟରୁ ନଷ୍ଟ ହେବା ପରେ ଗୁରୁଗାଓଁ ରେ ପଡି ରହିଥିଲା ।
ମୋହିତ ନାମକ ଜଣେ ବ୍ଯବସାୟୀ ଏହାକୁ ୧ କୋଟି ୫୫ ଲକ୍ଷ ଟଙ୍କା ଦେଇ କିଣିଥିଲେ । ଆନ୍ତର୍ଜାତୀୟ ପର୍ଯ୍ୟଟନ କ୍ଷେତ୍ର ପୁରୀ ଓ ସାତପଡା ରାସ୍ତା ପାର୍ଶ୍ବରେ ଏରୋପ୍ଲେନ ରେସ୍ତୋରାଁ ଭାବେ କାର୍ଯ୍ୟ କରିବ । ଏୟାରବସ ର ଦିତୀୟ ଜୀବନ ସ୍ଥଳ ଭାଗରେ ଆରମ୍ଭ କରିବ । ଉଡାଜାହାଜ ରେ ବସି ଖାଇବାର ଅନୁଭୂତି ଗ୍ରାହକଙ୍କୁ ଯୋଗାଇ ଦେବ । ପ୍ରତିଦିନ ଶହ ଶହ ପର୍ଯ୍ୟଟକ ଫଟୋ ଓ ସେଲଫି ଉଠାଇବେ ।
ଆକାଶରେ ଉଡୁଥିବା ଏହି ଯାନ ଏବେ ଡେଣା ଶୂନ୍ଯ ହୋଇ ରେସ୍ତୋରାଁ ଭାବେ ପରିଚିତ ହେବ । ଏ ସମ୍ପର୍କରେ ପୁରୀର ଭୟସ ଅଫ କମନ ମ୍ଯାନର ହେକ୍ଟର ମିଶ୍ର ଏୟାରବସକୁ ଲରି ଟ୍ରକରେ ଆଣିଥିବା ଗୁରଦୀପ ସିଂହଙ୍କୁ ପଚାରି ଅନେକ ତଥ୍ୟ ସଂଗ୍ରହ କରିଥିଲେ । ପ୍ଲେନ ର ବିଭିନ୍ନ ଅଂଶ ଫଟୋଚିତ୍ର ଉତୋଳନ କରି ଗଣମାଧ୍ୟମକୁ ସୂଚନା ଦେଇଥିଲେ ।
