କୋରାଇ ମଣ୍ଡଳ ସାହିତ ସଂସଦର ଶ୍ରୀ ଜୟଦେବ ଉତ୍ସବ ଓ ବର୍ଷା କବିତା ଆସର
କୋରାଇ (ଓଡ଼ିଶା ତାଜା ନ୍ୟୁଜ) (ନିପ୍ର) :- କୋରାଇ ମଣ୍ଡଳ ସାହିତ୍ୟ ସଂସଦର ଶ୍ରୀ ଜୟଦେବ ଉତ୍ସବ ଆଲୋଚନା ଚକ୍ର, ସମ୍ବର୍ଦ୍ଧନା ସଭା ଓ ବର୍ଷା କବିତା ଆସର ରବିବାର ଧନେଶ୍ୱର ପଂଚାୟତ ପଣ୍ଡୁଳା (ମୃତ୍ୟୁଞ୍ଜୟପୁର) ସ୍ଥିତ ହିଙ୍ଗୁଳା କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ହୋଇଥିଲା । ମଧ୍ୟାହ୍ନରେ ଦ୍ୱିତୀୟ ଅଧିବେଶନ ସଭାପତି ନନ୍ଦକିଶୋର ସିଂହଙ୍କ ଅଧ୍ୟକ୍ଷତା ଅନୁଷ୍ଠିତ ସମ୍ବର୍ଦ୍ଧନା ସଭା ଓ ଜୟଦେବଙ୍କ ଉପରେ ଆଲୋଚନା ଚକ୍ରକୁ ସଂପାଦକ ପଣ୍ଡିତ ଡକ୍ଟର ସୂର୍ଯ୍ୟମଣି ଖୁଂଟିଆ ସଂଚାଳନା କରିଥିଲେ ।
ମୁଖ୍ୟଅତିଥିଭାବେ ଜଗନ୍ନାକଥ ସଂସ୍କୃତ ବିଶ୍ୱବିଦ୍ୟାଳୟର କୁଳପତି ପ୍ରଫେସର ଡକ୍ଟର ପ୍ରଭାତ କୁମାର ମହାପାତ୍ର ଯୋଗଦେଇ ଶ୍ରୀ ଜଗନ୍ନାଥ ଓ ଶ୍ରୀ ଜୟଦେବଙ୍କ ମଧ୍ୟରେ ସଂପର୍କ ଅତିମଧୁର ଥିଲା । ଜୟଦେବଙ୍କ ଗୀତଗୋବିନ୍ଦକୁ ରାତିରେ ପ୍ରଭୁ ଜଗନ୍ନାଥ ନଶୁଣିଲେ ତାଙ୍କୁ ନିଦହୋଇନଥାଏ ବୋଲି କଥିତ ଅଛି । ଯାହାକି କବି ଜୟଦେବଙ୍କ ସାହିତ୍ୟ ସର୍ବଜନ ବିଦିତ ବୋଲି କହିଥିଲେ । ମୁଖ୍ୟବକ୍ତା ଭାବେ ବିଶିଷ୍ଟ ପଣ୍ଡିତ ଭୂପତିଭୂଷଣ ମିଶ୍ର ଯୋଗଦେଇ କବି ଜୟଦେବଙ୍କ ଜତୀୟ କବି ଭାବେ ସାହିତ୍ୟ ଜଗତରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରିଛିନ୍ତି ବୋଲି ମତବ୍ୟକ୍ତ କରିଥିଲେ ।
ସମ୍ମାନିତ ଅତିଥିଭାବେ ପ୍ରାକ୍ତନ ଅଧ୍ୟକ୍ଷ ଶିବଚରଣ ମାଝୀ ଓ ପ୍ରାଣକୃଷ୍ଣ ମହାବିଦ୍ୟାଳୟର ଅଧ୍ୟକ୍ଷ ଡଃ ଅକ୍ଷୟ କୁମାର ମହାନ୍ତି ଯୋଗଦେଇ ଶ୍ରୀଜୟଦେବଙ୍କ ସଂପର୍କରେ ଆଲୋକପାତ କରିଥିଲେ । ସଂସଦର କାର୍ଯ୍ୟନିର୍ବାହୀ ସଂପାଦକ ଦୟାନିଧି ନାୟକ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲା ବେଳେ ସଂପାଦକ ଡକ୍ଟର ଖୁଂଟିଆ ବିବରିଣୀ ପ୍ରଦାନ କରିଥିଲେ । ଏହିଅବସରରେ ଡକ୍ଟର ପ୍ରଭାତକୁମାର ମହାପାତ୍ରଙ୍କୁ ‘ଶ୍ରୀ ଜୟଦେବ ଉତ୍ସବ ସମ୍ମାନ’, ନାଟ୍ୟାକର ସୁକାନ୍ତ କୁମାର ରାଉତଙ୍କୁ ‘କିଶୋରଚନ୍ଦ୍ର ଦାସ କଳା ସମ୍ମାନ’, ଗାୟକ ରଘୁନାଥ ପାଢୀଙ୍କୁ ‘ଗାୟକ ନଟରାଜ ସମ୍ମାନ’, ‘ନିଟ୍’ପରୀକ୍ଷାରେ କୃତୀଛାତ୍ର ମନିସ ରଞ୍ଜନ ମଲ୍ଲିକଙ୍କୁ ‘ମେଧାସମ୍ମାନ’ଓ ଜାନକୀ-ଦୁର୍ଯ୍ୟୋଧନ ଘଡାଇ ଦମ୍ପତିଙ୍କୁ ‘ସ୍ୱତନ୍ତ୍ର ସମ୍ମାନ’ ଅତିଥିଙ୍କ ଦ୍ୱାରା ପ୍ରଦାନ କରାଯାଇଥିଲା ।
ଏଥି ସହିତ ଶିଶୁସାହିିତ୍ୟିକ ନନ୍ଦକିଶୋ ସିଂହଙ୍କ ‘ମକରା ଖାଇଲା କାକରା’ ଡକ୍ଟର ସୂର୍ଯ୍ୟମଣି ଖୁଂଟିଆଙ୍କ ‘ସତୀ ଚଉଁରାର ସ୍ୱର’ କବି ସୁବାସ ବଳସାମନ୍ତଙ୍କ ‘ସମର୍ପିତା ଶଖୀ’, ଅକ୍ରୁର କିଶୋର ବଳଙ୍କ ‘ଦର୍ଶନ’, ଜୟନ୍ତୀ ଜେନାଙ୍କ ‘ଜୀବ ରଶ୍ମି’ ପୁସ୍ତକ ଆଦିକୁ ଅତିଥିଙ୍କ ଦ୍ୱାରା ଉନ୍ମୋଚନ କରାଯାଇଥିଲା । ଶେଷରେ ସଙ୍ଗଠନ ସଂପାଦକ ପ୍ରଦୀପ କୁମାର ଦାସ ଧନ୍ୟବାଦ ଅର୍ପଣ କରିଥିଲେ । ଉତ୍ସବର ପୂର୍ବାହ୍ଣରେ ପ୍ରାରମ୍ଭିକ ଅଧିବେଶନ ‘ବର୍ଷା କବିତା ଆସର’ ଉପସଭାପତି ବିନୋଦବିହାରୀ ସାହୁଙ୍କ ଦ୍ୱାରା ଉଦ୍ଘାଟନ ହୋଇଥିଲା ବେଳେ କାର୍ଯ୍ୟକାରୀ ସଭାପତି ପ୍ରାଧ୍ୟାପକ ଶିବଚରଣ ମାଝୀ ସଭାପତିତ୍ୱ କରିଥିଲେ ।
ସଂପାଦକ ଡକ୍ଟର ଖୁଂଟିଆ ସୂଚନା ପ୍ରଦାନ କରିଥିଲା ବେଳେ ମୁଖ୍ୟ ଅତିଥିଭାବେ ପ୍ରାଧ୍ୟପିକା ଡଃ ପ୍ରଜ୍ଞାପ୍ରବର୍ତିକ ଦାଶ, ସମ୍ମାନିତ ଅତିଥିଭାବେ ବରିଷ୍ଠ କବି ଡକ୍ଟର ଅଶୋକ କୁମାର ସିଂହ ଓ ପଣ୍ଡିତ ଡକ୍ଟର ଅକ୍ଷୟ କୁମାର ଦାଶ ପ୍ରମୁଖ ଯୋଗଦେଇଥିଲେ । ପଣ୍ଡିତ ଅଶୋକ କୁମାର ପତି ଓ ଜିତେନ୍ଦ୍ର ବେହେରାଙ୍କ ସଂଯୋଜନାରେ ପ୍ରଭାତ ମଲ୍ଲିକ, ଡ. ପ୍ରସାନ୍ତ କୁମାର ସ୍ୱାଇଁ, ସନ୍ଧ୍ୟାରଣୀ ଘଡାଇ, ଡକ୍ଟର ମମତାମୟୀ ଦାଶ, ଅଧ୍ୟାପିକା ସୁଶ୍ରୀ ସଂଗୀତା ମହାପାତ୍ର, ମଧୁସ୍ମିତା ସାହୁ, ମଧୁସୂଦନ ମହାପାତ୍ର, ନାରାୟଣ ନାୟକ, ପ୍ରତାପରୁଦ୍ର ପଣ୍ଡା,
ବୃନ୍ଦାବନ ସାହୁ, ଶିଶିର କୁମାର ପଣ୍ଡା, ନିର୍ମଳଚନ୍ଦ୍ର ରାଉତ, ରାମଚନ୍ଦ୍ର ଦାଶ, ଯଜାତି ସାହୁ, ସୁକାନ୍ତି ପଣ୍ଡା, ପ୍ରମୋଦ କୁମାର ମହାନ୍ତି ପ୍ରମୁଖ ଶତାଧିକ କବି ସ୍ୱରଚିତ ବର୍ଷା କବିତା ପାଠ କରିଥିଲେ । କାର୍ଯ୍ୟକ୍ରମକୁ ସହସଂପାଦକ ଅକ୍ଷୟକୁମାର ବାରିକ, ଅଧ୍ୟାପକ ମଳୟକୁମାର ମଲ୍ଲିକ, ସାଂସ୍କୃତିକ ସଂପାଦକ ବାଇଧର ମାଝୀ, ଭୁବନ ମୋହନ ମହାନ୍ତି, ନସମୁଲ ଗନି, ଅମ୍ବରିଶ ପ୍ରିୟଦର୍ଶନ ଖୁଂଟିଆ, ଡଃ ମୋହନ ଚରଣ ଖୁଂଟିଆ, ପ୍ରାଧ୍ୟାପକ ଗୋକୁଳାନନ୍ଦ ବିଶ୍ୱାଳ, ପୀତାମ୍ବର ନନ୍ଦ, ସରପଂଚ ଶ୍ୟାମସୁନ୍ଦ ମାଝୀ ପ୍ରମୁଖ ସଂସଦର କର୍ମକର୍ତା ଓ ସଦସ୍ୟମାନେ ପରିଚାଳନାରେ ସହଯୋଗ କରିଥିଲେ ।
