ନୟାଗଡ଼ (ଓଡିଶା ତାଜାନ୍ୟୁଜ) (ନି. ପ୍ର) :- ଦିଲ୍ଲୀ ଛାତ୍ର ଆନ୍ଦୋଳନକୁ ସମର୍ଥନ କରିଥିଲେ ବିରୋଧୀଦଳ ନେତା ନବୀନ ପଟ୍ଟନାୟକ । ଏନେଇ ପ୍ରତିକ୍ରିୟା ରଖିଥିଲେ ବିଜେପି ସାଂସଦ ଭର୍ତ୍ତୃହରି ମହତାବ । ମହତାବଙ୍କୁ କାଉଣ୍ଟର କରିଛନ୍ତି ନୟାଗଡ଼ ବିଧାୟକ ଡ. ଅରୁଣ କୁମାର ସାହୁ । ଛାତ୍ରମାନଙ୍କ ଭବିଷ୍ୟତ ସୁରକ୍ଷା ପାଇଁ ସ୍ୱର ଉଠାଇବା କଣ ଅପରାଧ ବୋଲି ସେ ପ୍ରଶ୍ନ ଉଠାଇଛନ୍ତି । ଅଧିକାର ଓ ନ୍ୟାୟ ପାଇଁ ଲଢ଼ୁଥିବା ଛାତ୍ରମାନଙ୍କ ସହ ଆଲୋଚନା କରିବା ପରିବର୍ତ୍ତେ ତାଙ୍କୁ ଲହୁ ଲୁହାଣ କରିବା କେଉଁ ସୁସ୍ଥ ଗଣତନ୍ତ୍ର ବୋଲି ସେ ପ୍ରଶ୍ନ କରିଛନ୍ତି । ଏନେଇ ଅରୁଣ ସିଧାସଳଖ ଭର୍ତ୍ତୁହରିଙ୍କୁ ଆପଣ କେଉଁ ଦଳରେ ଥିଲେ, ଆପଣଙ୍କ ନେତା କିଏ ଥିଲେ ବୋଲି ପ୍ରଶ୍ନ କରିଛନ୍ତି। ଦଳ ବଦଳାଇବା ପରେ ଇତିହାସକୁ ବଦଳାନ୍ତୁ ନାହିଁ ବୋଲି କହିଛନ୍ତି ।
ନୟାଗଡ଼ ବିଜୁ ଜନତା ଦଳ କାର୍ଯ୍ୟାଳୟଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ, ଆଲୋଚନା କରିବା ପରିବର୍ତ୍ତେ ଛାତ୍ରମାନଙ୍କୁ ବର୍ବରଚିତ ଆକ୍ରମଣ କଣ ଦେଶ ଭକ୍ତି ବୋଲି ପ୍ରଶ୍ନ କରିଛନ୍ତି । ଜନମତକୁ ଆଧାର କରି ସାରା ଦେଶରେ ସୃଷ୍ଟି ହୋଇଥିବା ତୀବ୍ର ପ୍ରତିକ୍ରିୟା ଉପରେ ମତାମତ ଦେବା କଣ ପାପ ? ଯଦି ବିରୋଧି ଦଳ ନେତା ନବୀନ ପଟ୍ଟନାୟକ ମତାମତ ରଖିଛନ୍ତି, ଭାରତୀୟ ଜନତା ପାର୍ଟି ଏହାକୁ ନେଇ ଭୟଭୀତ କାହିଁକି? ଭାରତ ବର୍ଷର ଛାତ୍ର ସମାଜ ପ୍ରତି ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ଦୃଢ଼ ଯୁକ୍ତି ଓ ସମର୍ଥନ କରିବାକୁ ନେଇ ୧୨ ଜଣ ବିଜେପି ଏମ୍ପି ଏବଂ ଭର୍ତ୍ତୁହରୀ ମହତାବ କଟୁକ୍ତି କରିବାକୁ ଡ. ସାହୁ ନିନ୍ଦା କରିଛନ୍ତି ।
ଯଦି ସାଂସଦ ଭର୍ତ୍ତୁହରୀଙ୍କ କଥାନୁସାରେ, ଆନ୍ଦୋଳନକାରୀମାନେ ଦେଶଦ୍ରୋହୀ । ତେବେ ଏହି ଆନ୍ଦୋଳନ ପାଇଁ ଅନୁମତି କିଏ ଦେଇଛି । କେନ୍ଦ୍ରମନ୍ତ୍ରୀ ଜେପି ନଡ୍ଡା ଦେଶଦ୍ରୋହୀଙ୍କ ସହ ଆଲୋଚନା କରୁଛନ୍ତି? ଭାରତବର୍ଷର ସ୍ୱାଧିନତା ସଂଗ୍ରାମ ହେଉ କି ବିଭିନ୍ନ ସରକାର ସମୟରେ ଆନ୍ଦୋଳନ ହୋଇଛି । ଓଡ଼ିଶାରେ ଅନେକ ଥର ପେପର୍ ଲିକ୍ ଘଟଣା ପ୍ରସଙ୍ଗରେ ବିଧାୟକ ଅରୁଣ ବିଜୁ ଜନତା ଦଳରୁ ଭର୍ତ୍ତୁହରୀ ବାବୁ ୬ ଥର ଏମ୍ପି ହୋଇଥିଲେ । ସେ କଥା କଣ ଭୁଲିଗଲେ? ସେତେବେଳେ ଏହି ପ୍ରସଙ୍ଗ ଉଠାଇଥିଲେ କି । ଓଡ଼ିଶା ପେପର୍ ଲିକ୍ ଘଟଣାରେ କାର୍ଯ୍ୟାନୁଷ୍ଠାନ ହୋଇଛି । ସେ ଦଳ ବଦଳାଇଛନ୍ତି ।
ଦଳ ବଦଳାଇବାମାନେ ନୁହେଁ ଯେ, ଇତିହାସ ବଦଳାଇବା ବୋଲି କହିଛନ୍ତି । ଦଳରେ ଥିବା ବେଳେ ଆପଣ ବୁଲାଇ ବଙ୍କେଇ କାଁ ଭାଁ କିଛି କହୁଥିଲେ । ଏବେ ଭାରତୀୟ ଜନତା ପାର୍ଟିରେ ପେପର ଲିକ୍ ଉପରେ ପ୍ରଶ୍ନ ଉଠାନ୍ତୁ । ବିଜେପି ସରକାର ଏବେ ପେପର୍ ଲିକ୍ ସରକାରରେ ପରିଣତ ହୋଇଛି । ଆପଣ ଏହା ଉପରେ ପ୍ରଶ୍ନ ଉଠାନ୍ତୁ । ଜଣାପଡ଼ନ୍ତା ଆପଣଙ୍କ ପାରିବାପଣିଆ, ଜଣାପଡ଼ନ୍ତା ଆପଣ ମୁକ୍ତ ବିଚାରଧାରାର । ସେ କଥା କରିବାର ସାହାସ ଆପଣଙ୍କର ନାହିଁ । ଆପଣ ଯଦି ନକହି ପାରିବେ, ଆପଣ ଏକଛତ୍ରବାଦୀ ଦଳରେ ଅଛନ୍ତି । ନବୀନ ବାବୁଙ୍କ ସରକାରରେ ଅନେକ ମନ୍ତ୍ରୀ ଇସ୍ତଫା ଦେଇଛନ୍ତି, ଯାହା ଭାରତ ବର୍ଷରେ ଅଦ୍ୱିତୀୟ ରେକର୍ଡ଼ ।
ବିଜେପି ସରକାରରେ ଇସ୍ତଫା ଦେବାର ନାଁ ଗନ୍ଧ ନାହିଁ, ତେଣୁ ଗୋଦରୀ ଲୋ ଗୋଡ଼ ତଳକୁ ଅନା । ଓଡ଼ିଶାରେ ପ୍ରଥମରୁ ଅଷ୍ଟମ ଶ୍ରେଣୀ ବହିରେ ଅଢ଼େଇ ହଜାର ଭୁଲ ବାହାରିଛି । ଆପଣ ଏନେଇ ପାଟି ଖୋଲିଛନ୍ତି କି? କେବେ ଆପଣ ପବ୍ଲିକରେ କି ଦଳ ଭିତରେ ଏନେଇ କହିଛନ୍ତି କି? ନବୀନଙ୍କ ନେତୃତ୍ୱରେ ଆପଣ ବହୁ ବର୍ଷ କାର୍ଯ୍ୟ କରିଛନ୍ତି । ବିଜେପି ଚାପରେ ହେଉ, କି କେଉଁ ମନ୍ତ୍ରୀ ପଦ ଲାଳସାରେ ହେଉ ନବୀନ ବାବୁଙ୍କ ବିରୁଦ୍ଧରେ କହିବା ହାସ୍ୟାସ୍ପଦ ବୋଲି ଡ. ଅରୁଣ କହିଛନ୍ତି ।
