ପୁରୀ (ଓଡିଶା ତାଜାନ୍ୟୁଜ ) (ନି. ପ୍ର) :- ଓଡିଶା ସାମ୍ବାଦିକ ସଂଘ(ଓଜେୟୁ) ,ପୁରୀଜିଲ୍ଲା ପକ୍ଷରୁ ପିକେଆରଆଇଟି କଲୋନୀ ତାରିଣୀ ମନ୍ଦିର ନିକଟରେ ରଥଯାତ୍ରୀ ମାନଙ୍କୁ ଜଳ ବଣ୍ଟନ କରାଯାଇଥିଲା । ଏହି ବଣ୍ଟନ କାର୍ଯ୍ୟକ୍ରମରେ ପୁରୀ ସଦରବ୍ଲକର ପ୍ରାକ୍ତନ ବିଡିଓ ଦେବଦତ୍ତ ଷଡଙ୍ଗୀ ଓ ତାଙ୍କ ଧର୍ମପତ୍ନୀ ନିରୁପମା ଷଡ଼ଙ୍ଗୀ ଉପସ୍ଥିତ ରହି ଜଳ ବଣ୍ଟନ କରିଥିଲେ । ତାଳବଣିଆ ବସଷ୍ଟାଣ୍ଡରୁ ଚାଲି ଚାଲି ଯାତାୟାତ କରୁଥିବା ରଥଯାତ୍ରୀ ମାନଙ୍କୁ ପିଇବା ପାଣି ବୋତଲ ବଣ୍ଟନ କରାଯାଇଥିଲା ।
ପାଣି ପିଇବା ପରେ ଅନୁଷ୍ଠାନକୁ ଧନ୍ୟବାଦ ଦେବା ସହ ଜଳ ମହାପୁଣ୍ୟ ବୋଲି କହିଥିଲେ । ଏହି କାର୍ଯ୍ୟକ୍ରମରେ ସଂଘର ଜିଲ୍ଲା ସଭାପତି ବିଜୟ ମିଶ୍ର, ସମ୍ପାଦକ ସୁଧାଂଶୁ ଶେଖର କର, ଉପଦେଷ୍ଟା ଅକ୍ଷୟ କୁମାର ସ୍ବାଇଁ, ଉପସଭାପତି ଅନିମେଶ ପଟ୍ଟନାୟକ, ବନିତା ଦୀକ୍ଷିତ ଓ ସମାଜସେବୀ ଅରୁଣ କୁମାର, ଅଭିରାମ ପ୍ରମୁଖ ଉପସ୍ଥିତ ରହି ଜଳ ବଣ୍ଟନ କରିଥିଲେ । ଓଡ଼ିଶା ପ୍ରଦେଶ କଂଗ୍ରେସ କମିଟିର ପୁରୀ ଜିଲ୍ଲା ସଭାପତି ଇଂ ରାଜେଶ କୁମାର ମିଶ୍ର ଭିସି ମାଧ୍ୟମରେ ଯୋଗ ଦେଇ ସଂଘର ଏଭଳି ପ୍ରୟାସକୁ ଭୂୟଂଶୀ ପ୍ରଶଂସା କରିଥିଲେ ।
