ଭୁବନେଶ୍ୱର (ଓଡିଶା ତାଜାନ୍ୟୁଜ) (ନି.ପ୍ର) :- ନ୍ୟାଶନାଲ ଷ୍ଟକ୍ ଏକ୍ସଚେଞ୍ଜ ଅଫ୍ ଇଣ୍ଡିଆ (ଏନଏସଇ) ପକ୍ଷରୁ ଘୋଷଣା କରାଯାଇଛି ଯେ, ଏହାର କ୍ରୁଡ ଅଏଲ ଅପ୍ସନ୍ସ ଉଲ୍ଲେଖନୀୟ ପ୍ରଦର୍ଶନ କରିଛଇ । ଯାହାକି ଗତ ଜୁଲାଇ ୯ ତାରିଖ ୨୦୨୬ରେ ୨୦୦୬.୪୯ କୋଟି ଟଙ୍କାର ଦୈନିକ ପ୍ରିମିୟମ କାରବାର, ୪୭,୩୩,୮୬୨ଟି ଚୁକ୍ତି ସଂଖ୍ୟା ଓ ୧୧୪,୦୦୦ ଚୁକ୍ତି ଅତିକ୍ରମ କରିଥିବା ଇଂଟ୍ରାଡେ ଓପନ ଇଂଟରେଷ୍ଟ ହାସଲ କରିଛି । ଏହି ସଫଳତା ଅଶୋଧିତ ତୈଳ ମୂଲ୍ୟ ବିପଦକୁ ପରିଚାଳନା କରିବା ପାଇଁ ଉତ୍ପାଦଗୁଡିକର ବର୍ଦ୍ଧିତ ଗ୍ରହଣୀୟତାକୁ ଗୁରୁତ୍ୱାରୋପ କରୁଛି ।
ବଜାର ମତାମତକୁ ଅନୁସରଣ କରି ଏନଏସଇ ନମନୀୟତା ଓ ବିପଦ ପରିଚାଳନାକୁ ଉନ୍ନତ କରିବା ପାଇଁ ଫ୍ୟୁଚର୍ସ ଏକ୍ସପାୟରି ପୂର୍ବରୁ କଂଟ୍ରାକ୍ଟ ଏକ୍ସପାୟରିକୁ ଦୁଇରୁ ୭ ଦିନକୁ ସଂଶୋଧନ କରିଥିଲା ଯାହା ଗତ ନଭେମ୍ବର ୬ ତାରିଖ ୨୦୨୫ରୁ ପ୍ରଭାବୀ ରହିଛି । ଏହା ପରଠାରୁ ଏନଏସଇରେ ଟ୍ରେଡିଂ ଗତିବିଧି ବୃଦ୍ଧି ପାଇବାରେ ଲାଗିଛି । ପୂର୍ବ ଏକ୍ସପାୟରି (୯ ଜୁନ ୨୦୨୬)ରେ ଏହି ଚୁକ୍ତି ୨୮୬୪,୬୧୮ଟି ଚୁକ୍ତି କାରବାର ଓ ୧୨୩୯.୧୦ କୋଟି ଟଙ୍କାର ପ୍ରିମିୟମ ଟର୍ଣ୍ଣଓଭର ପରିଲକ୍ଷିତ କରିଥିଲା ।
ସେହିପରି କ୍ରୁଡ ଅଏଲ ଫ୍ୟୁଚର୍ସ ୩୭୮.୩୨ କୋଟି ଟଙ୍କାର ଏକ ଟର୍ଣ୍ଣଓଭର ରେକର୍ଡ କରିଥିଲା । ଏନଏସଇ ପକ୍ଷରୁ କୁହାଯାଇଛି ଯେ,ଏହା ନିଜର କମୋଡିଟି ଡେରିଭେଟିଭ୍ସ ଅଫରିଙ୍ଗଗୁଡିକୁ ଉନ୍ନତ କରିବା ଜାରି ରଖିବ । ଏହାବ୍ୟତୀତ ଏନଏସଇ ନ୍ୟାଚୁରାଲ ଗ୍ୟାସ ଅପ୍ସନ୍ସ ଏକ୍ସପାୟରୀକୁ ଫ୍ୟୁଚର୍ସ ଏକ୍ସପାୟରୀ ପୂର୍ବରୁ ୪ଟି ବ୍ୟବସାୟିକ ଦିନକୁ ସଂଶୋଧନ କରିଛି ଯାହା ମେ ୨୫ ତାରିଖ ୨୦୨୬ରୁ ପ୍ରଭାବୀ ରହିଛି ।
