କଟକ (ଓଡ଼ିଶା ତାଜାନ୍ୟୁଜ) (ନି.ପ୍ର) :- କଟକର ଓଡ଼ିଶା ପୋଲିସ୍ ବାହିନୀର କଟକ ୬ଷ୍ଠ ବାଟାଲିୟନର ନୂତନ ଦୂର୍ଗପତି ଭାବେ ବରିଷ୍ଠ ପୋଲିସ ଅଧିକାରୀ ଶ୍ରୀ ମନୋଜ ମିଶ୍ର ଯୋଗ ଦେଇଛନ୍ତି । ଯୋଗଦେଇଥିବା ନୂତନ ଦୂର୍ଗପତି ଙ୍କୁ ସ୍ବାଗତ କରିବା ଲାଗି କଟକ ୬ଷ୍ଠ ବାଟାଲିୟନ ପରିସର ରେ ସମ୍ବାଦ ପତ୍ର “ବାସ୍ତବ କଥା” ର ସହ-ସମ୍ପାଦକ ତଥା ରାଷ୍ଟ୍ରୀୟ ପତ୍ରକାର ସଂଘ,
ଓଡ଼ିଶା ଶାଖାର ଅଧ୍ୟକ୍ଷ ଶ୍ରୀ ସଞ୍ଜୟ କୁମାର ଶତପଥୀ,ପ୍ରୟାଗ ଖବର ର ସମ୍ପାଦକ ଶ୍ରୀ ରଜତ କୁମାର ମହାନ୍ତି, ରାଷ୍ଟ୍ରୀୟ ପତ୍ରକାର ସଂଘ ର ରାଜ୍ୟ ସଂଯୋଜକ ଶ୍ରୀ ପ୍ରଶାନ୍ତ ଚୈ।ଧୁରୀ ନୂତନ ଦୂର୍ଗପତି ଶ୍ରୀ ମନୋଜ ମିଶ୍ର ଙ୍କୁ ଉତ୍ତରୀୟ ଓ ମହାପ୍ରଭୁ ଶ୍ରୀଜଗନ୍ନାଥଙ୍କ ପଟ୍ଟଚିତ୍ର ପ୍ରଦାନ କରି ସ୍ବାଗତ କରିବା ସହ “କେମିତି ଲାଗୁଛି ୬ଷ୍ଠ ବାଟାଲିୟନ” ବିଷୟରେ ପଚାରିଥୂଲେ ।
ଗଣମାଧ୍ୟମ ଙ୍କ ପ୍ରଶ୍ନର ଉତ୍ତର ରେ ଦୂର୍ଗପତି ଶ୍ରୀ ମିଶ୍ର ନିଜ ଚାକିରୀ ଜୀବନ ଏହି ବାଟାଲିୟନ ରୁ ଆରମ୍ଭ ହୋଇଥିଲା ଏବଂ ଆଜି ଏହି ବାଟାଲିୟନ ର ଆବିଳତା ମୋତେ ଆଜି ଏହି ବାଟାଲିୟନ ର ସର୍ବୋଚ୍ଚ ପଦବୀ ପ୍ରଦାନ କରିଥୂବାରୁ ନିଜକୁ କୃତାର୍ଥ ମନେ କରୁଛି ।
ସମସ୍ତ ସହଯୋଗୀଙ୍କ ସହଯୋଗ ରେ ଏହି ବାଟାଲିୟନକୁ ଶ୍ରେଷ୍ଠ କରିବାକୁ ଚେଷ୍ଟା କରିବି ବୋଲି କହିଛନ୍ତି ଦୂର୍ଗପତି ଶ୍ରୀ ମିଶ୍ର । ଏହି କାର୍ଯ୍ୟକ୍ରମରେ ଦୂର୍ଗପତିଙ୍କ ସହ ଉପ-ଦୂର୍ଗପତି ଶ୍ରୀ ସ୍ୱଦେଶ କୁମାର ମହାନ୍ତି, ସହକାରୀ ଦୂର୍ଗପତି ଶ୍ରୀ ମାନ୍ଧାତା ସାଇ ଓ ଅନ୍ୟାନ୍ୟ ଅଧିକାରୀ ମାନେ ଉପସ୍ଥିତ ଥିଲେ ।
